Read gen Èhàwo be Èhà 3 Bible Online

Èhàwo be Èhà 3 - gen bible

Èhàwo be Èhà 3

¹Lè àba nyè ji, èzãa keŋu mèa, mù le ji àmè kè èjì nyè lɔ̃a, mù le ji ì, vɔ̀a nyè mu le kpɔ ɛ̀ ò.

²Ekèa ŋuti mù la sitè, la sã lè èdùa mè, lè èmɔ̃wo ji ku àyaxɔ̀pewo, ne ma ji àmè kè èjì nyè lɔ̃a, mù ji ì, gãkea nyè mu kpɔ ɛ̀ ò.

³Ekè èzãɖiatɔ kèwo ɖìnàsà lè èdùa mèawo dogò mù a, mù biɔ wo sè be: “Mì kpɔ àmè kè èjì nyè lɔ̃a?”

⁴Nyè mu kpɔ to àmèawo ŋuti, gbɔ̀xue mù kpɔ àmè kè èjì nyè lɔ̃a ò. Mù le è, eye mù gbe be nyè mu la ɖè àsi lè e ŋuti, ne nyè mu kplɔ̀ ɛ̀ va ènɔ̀ nyè be àxomè, va àmè kè jì mù a be èxɔ̀ mè ò.

⁵Yèruzàlɛm nyɔ̃nùviwo! Mù tà èzĩ ku àvũgbɛ, lè ègbe mè na mì be mì mu la fɔ̃ ɛ̀, mì mu gbà hũhũ lɔ̃lɔ̃ nyè, Kaka na hùenu kè ye ŋutɔ la jro a ò.

⁶Àmè kɛ ye nyi eŋuã gbãnà, so zògbè ji, sìgbè àzìzɔ babla nène ò? Àmè kɛ ye nyi eŋuã, lè àbɛyɛ ku lifi be àmì hɔ̃hɔ̃ɛ̃ mè, le ɖè ègbewo ku ènu hɔ̃hɔ̃ɛ̃ xɔ̀asìwo keŋu be àya nène ò?

⁷Kpɔɖa! Salomɔ̀n be àkpasàa ye! Àhùawɔ̀tɔ kèwo wu àmè èkà takpoa, Izràɛl be kãlì kèwo nyi hùɛ̃yia ye kplɔ̀ ɛ̀ gbãnà.

⁸Woa kpata, wo tà èwui, eye woa kpata, wo bi lè àhùawɔ̀wɔ mè. Àmè sia àmè be èwui lè àta ŋuti na ɛ̀, eye àmè sia àmè sɔ̀gbè ɖo èzãmè be vɔ̃vɔ̃wo ŋuti.

⁹Èfìɔ Salomɔ̀n na wo wɔ̀ èfìɔ-blɔ̃ŋùgɔ, na ye ɖokoe. E na wo sɔ Libàn be àti wɔ̀ ɛ̀.

¹⁰E sɔ klòsalò wɔ̀ èfìɔ-blɔ̃ŋùgɔa be àfɔ̀wo, sɔ sìka wɔ̀ yebe ŋùgbe ziɔ̃ɖopea, sɔ àvɔ jɛ̃ ɖo àcɔ na ànyi nɔ̀pe a, eye Yèruzàlɛm nyɔ̃nùviwo sɔ lɔ̃lɔ̃, lɔ̃ woawo keŋu ɖodu.

¹¹Mì to va, Ziɔ̀n nyɔ̃nùviwo, Mì to va, ne mìa glò èfìɔ Salomɔ̀n kpɔ! Mìa kpɔ fìɔkuku kè be ɖɔ, fìɔkuku kè ènɔa cɔ̃ na ɛ̀, lè yebe nyɔ̃nù kpekpe gbè, fìɔkuku kè ènɔa cɔ̃ na ɛ̀ gbè kè gbè yebe èji lè jìjɔ̀ɛ mè a.