Read gen Èhàwo be Èhà 7 Bible Online

Èhàwo be Èhà 7 - gen bible

Èhàwo be Èhà 7

¹Trɔgbɔ̀ jro, Sùlamì nyɔ̃nù, trɔgbɔ̀! Trɔgbɔ̀, ne mia teŋu glò wò kpɔ! Leke wɔ̀ ye mì la teŋu glò Sùlamì nyɔ̃nùa kpɔ, sìgbè leke wo kpɔna èhà èvè dòmè be èwè lè Màhanàim nènea ɖo ò?

²Hùɛ̃yi nyɔ̃nùvi, àfɔ̀ ɖèɖe wòwo nya kpɔkpɔ lè còkòta wòwo mè loò! Àklito wòwo to mlìmɔ̀, sìgbè àɖàŋù dɔwɔ̀tɔ ɖe be àlɔ̀nu-dɔwɔ̀wɔ nène.

³Àhɔ̃vi wò wɔ̀ goboe sìgbè kogò nène. Vɛ̃ àdodoe mu gbà dɛ̃ lè e mè ò. Àlì wò mè lè sìgbè èlùkpo kè wo sɔ sepòpo ɣe trɔ do a nène.

⁴Ànɔ wò èvèawo nyɔ sìgbè àvũgbɛviwo nène. Wo lè sìgbè èzĩ vènàviwo nène.

⁵Èkɔ̀ wò ɖo àcɔ sìgbè ènyìɖu-mɔjikpɔxɔ nène. Ŋùkuvi wòwo ji kɔ̀ sìgbè Hɛsbɔ̀n be gbàgàwo, lè Bat-Rabìm gbonu nène. Ŋɔ̀ti wò lè kleŋu sìgbè Libàn be èmɔ̃jikpɔxɔ kè le ɖia Dàmaskò be èmɔ̃a nène.

⁶Èta wò lè èji sìgbè Karmèl-toa nène, eye leke wo pò èɖà dìdi wòa ɖoa sɔ yebe ègbɔfu be kpɛ̃kpɛ̃ jɛ̃a do ègà èfìɔa.

⁷Oò, wò jè tùgbɛ̀jɛ eye wò nya kpɔkpɔ loò! Oò lɔ̃lɔ̃ kè mù sènà vivi na a,

⁸Àpo èjiyìyi sɔ̀ ku dèti tɔ̀, eye àpo ànɔwo nyi yebe èkpòawo.

⁹Mù gblɔ̃ be: “Mù la lia detia, mù la le yebe èkusɛ̃sɛ̃wo.” Àpo ànɔwo, ne nɔ̀ sìgbè vɛ̃-kpowo nène, le vɛ̃ti ŋuti. Àpo ŋɔ̀timè-ya ne nɔ hɔ̃ɛ̃ gbigbli sìgbè àtɔkliko be hɔ̃hɔ̃ɛ̃ nène.

¹⁰Àpo ènumè-ya ne nɔ̀ sìgbè vɛ̃ kè nyɔ wua be hɔ̃hũɛ̃ nène! Ɛ̃ɛ, vɛ̃a ne srà yì na lɔ̃lɔ̃ nyè, bèa kɔ̀ ɖo yebe ènuyu ku àɖuwo ji.

¹¹Lɔ̃lɔ̃tɔ nyè tɔ̀ ye mù nyi Ekèa ŋutia, ènyè ye be le ji.

¹²Lɔ̃lɔ̃tɔ nyè va, mia ɖìsà yì àgblè ji, mia ci kɔpea mè dɔ̃.

¹³Fɔ̃fɔ̃mèa, mia yì vɛ̃-gblewo mè, la kpɔ be vɛ̃tiwo pò èse mà a, be woabe sepòpowo klɛ̃ mà a, be yòvobòɖàwo be sepòpowo hũ mà a. Lè funua, mù la sɔ lɔ̃lɔ̃ nyè na wò.

¹⁴Lɔ̃lɔ̃ be àtɔklikowo be hɔ̃hɔ̃ɛ̃ ɖɔ àya mè, eye xixea mè be àtikusɛ̃sɛ̃ kèwo nyɔ wuawo lè miabe àgbo nu, xoxoawo cã, yeyeawo cã, mù bɔ̀ wo ɖɛ na wò, lɔ̃lɔ̃ nyè.