Read gen Èhàwo be Èhà 8 Bible Online

Èhàwo be Èhà 8 - gen bible

Èhàwo be Èhà 8

¹Oò! Ne wò kè nyi nɔ̀vi nyè ŋusù kè nɔ ènɔ̀ nyè be ànɔ a, nènea, ne mù dogò wò lè àfi bua, mù la kpla àsi èkɔ̀[8] na wò, eye àmè ɖekpe mu la dovlo mù ò.

²Mù la kplɔ̀ wò yì ènɔ̀ nyè be àxomè, yì àmè kè hɛ̃ mù a be èxɔ̀ mè. Àmè kè fiɔ mù leke mù la na, wò la nù vɛ̃ kè mè ènu hɔ̃hɔ̃ɛ̃ lèa. Wò la ɖɔ yòvobòɖà nyè be èsì kèwo ye vivi wuawo kpɔ.

³Yebe èmìɔ̃-lɔ le hũɖòmè na mù, eye be sɔ ɖùsi-lɔ miɔ̃ mù ɖo ŋuti.

⁴Yèruzàlɛm nyɔ̃nùviwo! Mì ta ènu na mù be mì mu la hũhũ, àlo, la fɔ̃ lɔ̃lɔ̃ a, kaka na hùenu kè ye ŋutɔ jro a ò.

⁵Àmè kɛ ye nyi eŋuã, Zìɔ̃ ɖo yebe lɔ̃lɔ̃tɔ ŋuti, gbãnà so zògbè ji ò? Àtɔklikoti gɔ̃mè, mù fɔ̃ wò lè, funua ye ènɔ̀ wò fɔ àpo èfu lè. Funua ye àmè kè le èkua jì wò lè.

⁶Sɔ mù wɔ̀ jèsìdo ɖo àpo èjì ji, Jèsìdo ɖo àpo àlɔ̀,[9] Ɖoa, lɔ̃lɔ̃ sɛ̃ŋu sìgbè èku nène, eye yebe ŋuhuã nyrãku sìgbè yɔ̀do nène. E fiɔ̃na ènu sìgbè èzò nène, sìgbè Ŋusɛ̃kpatatɔa be èzò nène.

⁷Èsì teŋu sùgbɔ ɖekpekpe, mu la teŋu ci lɔ̃lɔ̃ be èzò ò. Ètɔ̀ gãwo be èsìwo mu la teŋu kplɔ̀ ɛ̀ jo ò. Ne àmè ɖe be yèa sɔ yèbe àxomè be àdɔ̀kùnuwo keŋu sɔ na ɖo lɔ̃lɔ̃ taa, ɖe kpò ye wo la crì ì.

⁸Nɔ̀vi nyɔ̃nùvi ɖe lè mia si, kè mu sĩ la to ànɔ hàɖe òa. Nukɛ ye mi la wɔ̀ na mia nɔ̀via, gbè kè gbè wo la biɔ e ta ò?

⁹Ne èglì ye be nyia, mi la tù klòsalò-mɔjikpɔxɔwo ɖo e ji. Ne àgbo ye be nyia, mi la sɔ sedàti sɛ̃ŋu be àgboŋugblo ka àgboa ɖo e nu.

¹⁰Èglì ye mù nyi, eye ànɔ nyèwo kɔ yìji, sìgbè èmɔ̃jikpɔxɔ̀wo nène. Lekea ye, lè yebe ŋùmèa mù trɔ zũ àmè kè hɛ̃nà jìjɔɛ[10], ku ŋuti fàfa va na ɛ̀.

¹¹Salomɔ̀n ɖo vɛ̃-gble ɖe lè Bal-Hamɔ̀n. E sɔ vɛ̃-gblea do àsi na àgblèjikpɔtɔwo. Àgblèjikpɔtɔ ɖe sia ɖe ɖo la hɛ̃ klòsalòga èkà èwìvɔ àtɔ̃ va, ɖo vɛ̃-gblea be èkusɛ̃sɛ̃awo ta.

¹²Vɔ̀a, vɛ̃-gble kè nyi tɔ̀ nyèa lè àsi nyè mè, lè ŋùku nyè mè. Salomɔ̀n, tɔ̀ wò ye nyi klòsalòga èkà èwìvɔ àtɔ̃a eye àgblèjikpɔtɔawo tɔ̀ ye nyi klòsalòga èkà èvè takpo.

¹³Èwò jɔlè nyè, sepòpo lè àbɔ mè, èxlɔ̃ nyèwo lè èto ji, be yèwoa sè àpo ègbè. Na ne ma sè è.

¹⁴“Pu dù va, lɔ̃lɔ̃ nyè! Sìgbè èzĩ nène, àlo, sìgbè àvũgbɛvi nènea, si va èto kèwo le hɔ̃ɛ̃ fiofioawo ji.”