Read gen Ànyasã 9 Bible Online

Ànyasã 9 - gen bible

Ànyasã 9

¹Tɔgbe nyèwo be Mawu, Tɔhonɔ̀ ŋuzĩzĩkutɔ, èwò kè ɖo xixekplògòdòa to àpo ènyà jia,

²wò wɔ̀ àgbètɔ to àpo ànyasã ji ne bèa ɖù gaglasu ɖo ènuɖoɖo kèwo wò yɔ va àgbèa mè ji,

³ne bèa kpàcɛ̀ na xixedùa ku jìmè kɔ̀kɔɛ kudo jɔ̀jɔɛ nyinyi, eye bèa ɖo kòjo ku èjì mè kɔ̀kɔɛ.

⁴Na mù ànyasã kè lè àpo èfìɔzìkpea gbɔa. Mù gbà ɖè mù jo lè èvi wòwo dòmè ò.

⁵Kpɔɖa, àpo sumɔvi mù nyi, gbà nyi àpo sumɔtɔ be èvi. Mù nyi ŋusùmɛ gbɔjɔ ɖe kè be àgbè kpòkpòe ne bèa teŋu sè èseawo ku jɔ̀jɔɛ nyinyia gɔ̃mè.

⁶Ne àmè ɖe gbà nyi àmè jɔ̀ àmè, vɔ̀ mu ɖo ànyasã kè so gbɔ wò òa, e lè kpò sìgbè ènu gbalo ɖe nène.

⁷Èwò ye cã mù ɖo èfìɔ ɖo àpo dùkɔ̃a nu, èvi wò ŋusùvi ku nyɔnùviwo be kòjoɖotɔ.

⁸Wò ɖo na mù be ma tù kɔ̀kɔɛpe ɖèka na wò lè àpo èto kɔ̀kɔɛa ji, kudo vɔsakpe ɖèka lè àpo nɔ̀pea, sɔ ɖè gòxɔ kɔ̀kɔɛ kè wò jràɖo ɖɛ so gɔ̃mèjèjea ke.

⁹Gbɔ wò ye ànyasã kè jènàsi àpo èdɔwɔ̀wɔwo lè eye e lè gà kè mè wò ɖo xixea. E nyana ènu kè jènà àpo ŋùku mè, ènu kè lè jɔ̀jɔɛ zɔ̃ ɖo àpo ègbèdoàsiwo ji.

¹⁰Ɖiɖi ì ɖoɖa so jiŋùkusi kɔ̀kɔɛwo. So àpo gogo zìkpea gbɔa, lɔ̃ ɖo è ɖoɖa, ne bèa kpefũ lè àxàda nyè mè eye ma nya ènu kè jènà ŋùmè na wòa.

¹¹E ye nana mù jènàsi ènu gbà ŋɔnajè ènuwo keŋu mè eye be le kplɔ̀ mù lè ènu jèŋùmè wɔ̀wɔ mè, to yebe kɛ̃klɛ̃ gogotɔ̀a mèa, e la xɔ̀ mù lè dàda si.

¹²Nènea àpe èdɔ wɔ̀wɔwo la ɖì, mù la ɖo kòjo na àpo dùkɔ̃ ku jɔ̀jɔɛsòso eye mù la jè na ètɔ nyè be fìɔzìkpea.

¹³Àgbètɔ kɛ la teŋu nya Mawu be èjro ò? Àmè kɛ ŋutɔ gɔ̃ la teŋu sè Tɔhonɔ̀ be ètamè susuwo gɔ̃mè ò?

¹⁴Àmè jɔ̀ na èku be susuwo mu ɖo èkèlili ò, miabe bùkpɔwo cã mu ɖo ètù ò.

¹⁵Ŋutilã kè jɔ̀ na gbegblea, le kpɛ̃ èkla nyèa, eye èkɔ be àxue kèa nyi àgbã na gbɔ̃gbɔ̃ kè wo le zĩ lè ègowo kpata mè.

¹⁶Ànyigbã ji nuwo be nyanya sɛ̃ŋu ɖo mi vɔ̀, ènu kè le àlɔ̀ sɔ̀pe na mi ŋutɔ cã, agbagba ye mi jènà sɔ jènàsi ì. Vɔ̀a àmè kɛ ye teŋu jrò jiŋùkusi be ènu àdodoewo mè kpɔ ò?

¹⁷Àmè kɛ ŋutɔ gɔ̃ ye la va nya àpo èjro, ne èwò ŋutɔ wò mu kè na ànyasã eye wò mu ɖiɖi àpo Gbɔ̃gbɔ̃ Kɔ̀kɔɛa so èji ɖoɖa òa?

¹⁸Nènea ye ànyigbã ji nɔ̀tɔwo trɔ kè ɖo èmɔ jɔ̀jɔɛa ŋuti, àmèwo xɔ̀ kpakpla sɔ so ènu kè jɔ̀nàjì na wòa ŋuti eye wo gã to ànyasã ji.