Read gen Sirasid 1 Bible Online

Sirasid 1 - gen bible

Sirasid 1

¹Kpɔ̀kplɔ̀sɔyìemè Xoma kè a nyi àmè ɖe kè wo yɔnà be Yosùa a be èdɔ. E nyi Siràk be èvi (lè Hebrùgbè mè a Ben Siràk) kè xɔ̀ nyikɔ yeye be Sirasid à. Xoma a ŋlɔ̃tɔ a nɔ̀ Yèruzàlɛ̀m, gbɔ̀xue Màkàbeòwo be kɔ̀ta a be àgla jèje a jɔ̀. Amè kè a ɖù ètù na Izraɛl be Ŋɔ̃ŋlɔ̃ Kɔ̀kɔ̀ɛawo, e ɖìsà sùgbɔ, eye be nɔ̀ xixe kplògòɖò a be àɖàŋùɖotɔwo dòmè. To e gbɔ be e nyi àmè bɔ̀bɔ̀ɛ cã a, mu teŋu bɔ̀nu do Grɛkwo be àmèjiɖuɖu kè lè kèkè èta lè xixe a mè, lè ga ŋuã mè, so kaka Alɛ̀ksãdrò Amègã a be àkpasɛ̃sɛ̃ be èdù xɔ̀xɔ be hùenu ò. Lè nyàwo toto mè a, ègbè dodo kè bɔ̀ ɖo ŋùkumè kɔ̀kɔ yeye kè a ŋuti a teŋu hɛ̃ tìtɔ̀titɔ va Yudàviwo be sɛ̃sɛ̃ a be gɔ̃mèɖokpewo mè. Sirasid be ètàɖojinu ye nyi be ne hlùɛ̃ ècrɔ̃nu kèwo nyi èkɔ̀dowo ku sɛ̃sɛ̃ kèwo ye dùkɔ̃ a xɔ̀, so jìjìmè kèwo va yì a si a ta. E ji be yè a ɖe ènu mè na yèbe dùkɔ̃ mèviwo, ne wo a teŋu le Yudàviwo be àmè hɛ̃hɛ̃ kè wo xɔ̀, so woa tɔgbewo si a, ɖo àsi, lè càka-càka kè lè xixie a mè, lè hùe ŋuã nu a mè, ɖo a, Izràɛl mu ɖo ènu ɖe, la kpla so (...)

²Àmè kɛ ye teŋu hlɛ̃ èji be ètãɖèɖewo, èkɔkui kèwo lè àpuwo to, àlo ŋùkèkè màvɔ̀wo ò?

³Àmè kɛ ye teŋu kãkã jiŋùkusi be èji yìyi mè, ànyigbã a be kèke mè, àpù be ègũ wɔ̀wɔ ò?

⁴Ànyasã ye wo ɖo cucugbɔ̃ a, eye àɖàŋù ɖèɖe lè, so xoxo-xòxò ke.

⁶Àmè kɛ ye kè ɖo yebe èkɛ̃wo ŋuti ò? Àmè kɛ ye jèsi yebe ènu wawlawo ò?

⁸Amè ɖèka ye nyi ènunyãtɔ ku nusɛ̃tɔ ŋutɔ̀ŋutɔ̀ a; Apetɔ kè lè yebe èfìɔzìkpe a ji a ye.

⁹E ye ɖo ènunyã; e kpɔ ɛ̀, e dà yebe àsìxɔ̀xɔ̀ a kpɔ, e ye hlɛ̃ ɛ̀ ɖo ènu ɖoɖowo keŋu ji.

¹⁰E sɔ ɛ̀ na àgbètɔwo kpata, e mã ɛ̀ sùgbɔ na èxlɔ̃awo. Jèsìdodo Àpetɔ a be gã nyinyi

¹¹Jèsìdodo Àpetɔ a be gãnyinyi nyi gogo be ènyà kè ŋuti wo la kpɔ jìjɔ̀ɛ sò a, ɖo a, e ɖɔna àmè ku jìjɔ̀ɛ gã ɖe.

¹²Jèsìdodo Àpetɔ a be gãnyinyi a ɖɔna pò na èjì blibo, nana jìjɔ̀ɛ gã ɖe ku àgbè didi.

¹³Ènuwo keŋu zɔ̃nà sùu, kaka yì vɔ̀vɔnu, na àmè kè dona bùbu Àpetɔ a ŋutia; e xɔ̀nà sìtu, kaka sɔ na yebe ŋùkèkè kpɔ̀tɛ a.

¹⁴Jèsìdodo Àpetɔ a be gãnyinyi a nyi ènu nyãnyã be gɔ̃mèjèje, Enu nyãnyã kè jè na èha mèviwoa, e jɔ̀ ku wo, so kaka woa nɔ̀ be àdɔ̀mè ke.

¹⁵E ɖo àtɔ̃ ɖo àgbètɔwo dòmè kaka sɔ yi, eye woabe jìjìmèviwo la teŋu dojì ɖo e ŋuti.

¹⁶Jèsìdodo Àpetɔ a be gãnyinyi a nyi ènunyãnyã ɖɔɖɔ blibo. E nana èkusɛ̃sɛ̃ sùgbɔ àgbètɔwo.

¹⁷Woabe àxuewo kpata ɖɔna ku ènu kè wo hiã a, eye woabe àvàwo ɖɔna ku èkusɛ̃sɛ̃wo.

¹⁸Jèsìdodo Àpetɔ a be gãnyinyi a nyi ènunyãnyã ɖoɖo, ènunana, àgbè nyuɛ̃ nɔ̀nɔ ku lãmèsɛ̃ àdodoe be èsepòpo.

¹⁹Enu nyãnyã kãkãnà ènù gɔ̃mè sèse be wɔ̀nawo, e nana kpɛ̃kpɛ̃mè àmè kèwo teŋu ɖo è a cà.

²⁰Jèsìdodo Àpetɔ a be gãnyinyi a, ènu nyãnyã be èkɛ̀, eye ènu kè be nana a, nyi àgbè dìdi. Adòdò hɛ̃hɛ̃ ku àmè ɖokoe ji ɖùɖù

²²Wo mu la teŋu dà àsi ɖo àdɔ̀mèze kè mu jè ò a ji ò; ɖo àmè kè le do àdɔ̀mèze a, lè crɔ̃crɔ̃ be èmɔ̃ ji.

²³Adòdò hɛ̃tɔ̀ a ɖùnà ye ɖòkoe ji, eye, lè ènùwuwù a, e trɔ kènà ɖo jìjɔ̀ɛ ŋuti.

²⁴E nyã gà kè mè, wo bɔ̀nanu kpoo a, và na wàlɛbɛ kè àmèwo kpata la gblɔ̃ be ènunyatɔ ye be nyi a. Leke wo la dɔ̃ gogo Mawu ɖo a

²⁵Èlododowo cã lè ènu nyãnyã be àdɔ̀kunuwo mè. Vɔ̀ a, Mawu sisi ɖona vɔ̃vɔ̃ na àmè kè mu xɔ̀sè ò a.

²⁶Ewò kè le ji ènunyãnyã a, zɔ̃ ɖo èseawo ji, eye Àpetɔ a la na wò.

²⁷Jèsìdodo Àpetɔ a be gãnyinyi a, fiɔna àmè ènu nyãnyã. Ènu kè jɔ̀nàjì na ɛ̀ a ye nyi ànùkua wɔ̀wɔ ku ètùfafa.

²⁸Mù gbà jè àgla ɖo Àpetɔ a be gãnyinyi ŋuti o, eye mù gba va ye gbɔ ku èji kè mã ɖo èvè ò.

²⁹Mù gbà nyi àyè mè nuwɔ̀tɔ̀ lè àmèwo be ŋùmè ò, vɔ̀ a, kpɔ̀ àpo ènuyiwo ji.

³⁰Mù gbà kɔ ɖokoe wò yi èji, ne wò a jè ànyi ò. Wò la va hɛ̃ ŋùkpɛ̃ va ɖokoe wò ji, ɖo Àpetɔ a la ɖè bèbemè-nuwo fiɔ, eye be la ɖiɖi wò ɖo ànyi lè àgũtòpò, ɖo wò mu na gogo ku bùbu Àpetɔ a ò, eye àpo èjì ɖɔ ku àyèmènu wɔ̀wɔ.