Read gen Sirasid 10 Bible Online

Sirasid 10 - gen bible

Sirasid 10

¹Èdù kpɔ̀kplɔ Kòjoɖotɔ nyãnuà fiɔ na ènu yebe dùkɔ̃a eye amè nyãnu be àcɛ̀ kpata likè nyuɛ̃ɖe.

²Leè kòjoɖotɔa lèà, nènea ke yebe èhadɔ wɔ̀tɔwo cã lèà yeŋù, lekè àmè kè le kplɔ̀ èdù lèà nènea ke yebe èdùmètɔwo cã nɔna.

³Èfìɔ̀ ɖe ènu mànyãtɔa nyi yebe dùkɔ̃a be cɔ̀crɔ̃, èdùa la li kè ɖo yebe fìɔ̀viwo be nugɔ̀mè sèse ji.

⁴Tɔhonɔ̀ be àsi mè ye ànyigbã be kpɔkplɔ a le, e ji ye be la fɔ̃ ŋusù ke jè a le yebe huènu.

⁵Tɔhonɔ̀ be asi mè ye àgbètɔ be jijèjè a lè, eye e la ɖè yebe gogoa fiɔ to èse wɔ tɔ a ji.

⁶Mù gbà xà ɖo ènu màjɔ̀-màjɔ ɖe ŋuti ne a le èha wò vi ɖo àdɔ̀mè ò, ŋùgbà wɔ ènu ɖekpe lè àdã wɔ̀wɔ mè ò.

⁷Àhèwùwu nyi àfɛ̃nu lè Tɔhonɔ̀ ku àgbètɔwo be ŋùmè, eye màjɔ̀màjɔ nyi àmè èvè à wo.

⁸Èfìɔ̀ɖùɖù à so na dukɔ̃ ɖe si yina èbu si mè ɖo ènu màjɔ̀-màjɔwo, àdãwɔ̀wɔwo ku ènu xàxla-ŋuti.

⁹Nukɛ ŋuti àmèkè nyi èkɔ ku àfia, do na yeɖokoe ɖo èji, vɔa le yebe àgbè mè à, yebe àdɔ̀mènuwo nyi ènu vovo ɖò?

¹⁰Èdɔ̀lele tìkãa ɖea viɔ̃ na èdɔ̀dàtɔa nu; eye àmè kè nyi èfiɔ egbèa la ku èsɔ.

¹¹Ne àgbètɔ ku kpòa, yebe ècrɔ̃ nua, trɔ na zù èlãtalànyigbãwo, èlãwo ku ŋɔ̃viwo.

¹²Àgbètɔ be àhèwùwu èjitɔtɔa ye le nyi àsà nana Tɔhonɔ̀a, ètè sisi ɖo yebe ɖoea-ŋuti

¹³Àhèwùwu be ŋukɔ̀gbenua ye le nyi nuvɔ̃ɛ, eye àmè kè nɔ̀nà e-ji tɛ̀ɛ̀à hɛ̃nà ènu nyɔ̃ŋu màso va na. Ye ŋuti ye Tɔhonɔ̀ wɔ̀ woabe hiã jèje le ze gãa eye be gbã wo hanyãhãnyã.

¹⁴Tɔhonɔ̀ nà àmè sɛ̃sɛ̃wo wo gɛ̃ lè woabe èfìɔ̀ zìkpewo ji, eye be sɔ̀ àmè fafawo ɖo woa tèpe.

¹⁵Tɔhonɔ̀ hɔ̃ ègòyitɔwo, eye be sɔ̀ àmè bɔ̀bɔɛwo ɖo woa tèpe.

¹⁶Tɔhonɔ̀ kakã dùkɔ̃wo eye be gbãwo yi kaka ànyigbã be èkèwo nu.

¹⁷E ɖè wo jo lè agbetɔwo dò mè eye be crɔ̃ wo, e tutu wo lè àmèwo be sùsù mè.

¹⁸Mawu mu ɖo àmè ne be a nyi ègòyitɔ ò; wo mu jì wo ne woa nɔ do àdɔ̀mèze ò.

¹⁹Kɔ̀ta kɛ ye jè ne àmè bùbu ò? Àgbètɔwo be kɔ̀ta yè, Kɔ̀ta kɛ ye jè na gogo? Amèkè woe vɔ̃ na Tɔhonɔ̀ à ye, hɛ̃nu kɛ ye jè ne wo mu gba do bubu ye ŋuti ò? Àgbètɔ tɔ̀ a ye. hɛ̃nu kɛ ye mu jè na gogo?

²⁰Wo do na àsì xɔ̀xɔ àpetɔ lè ye ŋutɔ nɔ̃viawo dòmè, eye ye ŋutɔ cã bù nà àmè kèwo le do bùbu Tɔhonɔ̀ ŋutia.

²¹Ècitɔ, ŋusɛ̃tɔ ku woàmènɔ̃, woabe bùbùa nyi Tɔhonɔ̀ be vɔ̃vɔ̃.

²³Enyi ènu màsɔ̀ gbè be woa zũ woamènɔ̀ ànyasãtɔa, eye mu sɔgbe ne wòa do bùbù èvɔ̃ɛ wɔ̀ tɔ ŋuti ò.

²⁴Wo do na bùbù àmèkèwo lè tèpe gã ŋuti, kplɔ̀tɔ̀wo ku èfìɔ̀viwo, gãkea ɖekpekpe mu wu gã àmè kewo bù nà Tɔhonɔ̀ be ŋusɛ̃ ò.

²⁵Sumɔ̃vi nyãnu xɔ̀ nà ablɔɖè mè wo ɖo ye be kpɔkplɔ gɔ̃mè; eye àmè sè ènu gɔ̃mèà, mà kpɔ ènyã ɖe so e ŋuti ò. Bɔ̀bɔɛ nyinyi ku nyãwo toto

²⁶Ne wò le wɔ̀ èdɔ wò à, mù gbà kpɔ ɖokoe wò ne gã ɖe ò, mù gbà kpɔ ɖokoe wò ènu nyãtɔ ò.

²⁷Enyɔ̃ ne mia wɔ dɔ ne mia ɖù àlè wu ekè mia susu a, sɔ wu be mia nɔ̃ jra ne àdɔ be awù mì.

²⁸Èvi nyè, kpɔ jìjɔɛ le tù fafa ɖe mè, eye sɔ bùbu ke je naɛ, ne.

²⁹Àmè ɖè vɔ̃ɛ̃ ɖo yebe èkla ŋutia, àmèkè la sò jɔ̀jɔɛ ne ò eye amè kè ma bù àmè ke pò èɖi yeŋutɔ be àgbè ò.

³⁰Wò teŋu kafu wɔàmènɔ̀ ɖe ɖo yebe ènu nyãnyã ŋuti, vɔ̀a ècitɔ ya wo la kafui ɖo yebe àdɔ̀kùnuwo ŋuti.

³¹Ne wo kafu àmè ɖe lè yebe wɔ̀amènɔ̀ nyinyi mè à, leke be la gbà nɔ̃ ɖo, ne e va nyi ècitɔ ò? Ne wo crì wò kè wò nyi ècitɔ a, lèke be la nɔ̃ ɖo ne wò va nyi wɔ̀amènɔ̀?