Read gen Sirasid 16 Bible Online

Sirasid 16 - gen bible

Sirasid 16

¹Àmè màkɔ̀-màkɔ̀wo be ètodɔ̃ Èvi jìjì fu a mu nyi ènu kè àmè la jro ò, ne wo mu la teŋu va nɔ̀ èbo ɖe nu ò a.

²Mù gbà kpɔ jìjɔ̀ɛ be wo sùgbɔ, ne wo mu ɖo Mawu be vɔ̃vɔ̃ ò.

³Mù gbà kpɔ èmɔ̃ be wo la nɔ̀ àgbè dìdi ɖe ò, mu gba kã ɖo woabe ègbɔ sùsu ji ò. eye mù gbà sɔ àpo èmɔ̃kpɔkpɔ dà ɖo woabe èsɔ̀mè ji ò, èvi ɖèka kè mè Mawu vɔ̃vɔ̃ lè a nyɔ̃ wu èvi èkàwivɔ àtɔ̃ (1000) mà-ɖì ènuwo; èkò cici nyɔ̃ wu èvi sùgbɔ mà-vɔ̃ Mawu jìji, be woa ɖo sugbɔ kewo mu jesi Mawu ò woa.

⁴Ènu nyãtɔ ɖèka sù, la na àmèwo la ɖɔ èdù, vɔ̀ a ènu mà-nyatɔ sùgbɔ la na èdù a la crɔ̃.

⁵Nyè ŋutɔ, mù kpɔ ènu kèawo hati sùgbɔ, eye mù sè kèwo gbà wu a.

⁶Èzò ye bìnà lè àmè mà-ɖo xɔsewo be àsàɖa mè, eye Tɔhonɔ̀ be àdɔ̀mèze fiɔ̃na àmè jè àglawo

⁷Musɔ agɔ ke amèjɔasu blematɔwo, àmè kèwo jè agla kùɖo woabe xɔxlɔ̃a-ŋuti o.

⁸Muɖe Lot be dua ɖo asa-mè o, aleke woawo be ahewuwu gbe ji naɛ ɖo.

⁹Mukpɔ ɖo mè na cɔcrɔ̃ be dukɔ̃a ke begbã do ɖo yebe nuvɔ̃ɛwo-ŋuti o,

¹⁰alo na ahuavi afɔtotɔ amè 600.000/hotu kavetakpo tepe etɔ̃ kewoe cã bɔ le woabe ji titria-mè o.

¹¹Ne amè ɖeka tutu ye lia hũɖomè ŋutɔ nyãa, elanyi ŋudãnu be nenɔ todɔ̃ɛ makpɔ; ɖoa ŋuzĩzĩkuku ku adɔmèzea le eya-mè, ele xɔxlɔ̃tɔa le sɔsɔke-mè, vɔa ekɔna adɔmèzea ɖɛ.

¹²Aleke yebe ŋuzĩzĩkuku a lolo ɖoa, nèneake yebe gojèjè lea yeŋu, eɖona kojo na àgbètɔwo sɔzɔ̃ɖo woabe wɔnawo-ji.

¹³Nuvuɛ̃wɔ̀tɔa mu la si jo ku yebe àmɔnyɔnua ò, ànùkuame be èjì gbɔ̃ ɖɛa mu la ɖù ŋùkpɛ̃ ò.

¹⁴Elana tepe asimèkeke ɖekpekpe, eye wolawɔ nu na amè ɖekpekpe sɔzɔ̃ɖo yebe wɔnawo-ji.

¹⁵Tɔhonɔ̀ tri Faraon be ŋùgbà va jè si-ì o, ne woanɔ nya yebe wɔwɔwo le jiŋukusiwo-gɔmè.

¹⁶Yebe ŋuzĩzĩkuku a le nɔ ze glalaa na nuɖoɖowo kpata, ema yebe kɛklɛ̃ ku vivitia na Adàm.

¹⁷Mù gbà nɔ gblɔ be: 'Mabe do Tɔhonɔ̀, so jihuĩ ŋua, amèkɛ laɖo ŋuku ji-nye ma? Le ehahoo gbogboa-mèa, amè majèsi mu nyi, àmè kɛ mu nyi le ènuɖoɖo lòlògloawo mè màa?'

¹⁸Fifì a jiŋùkusi a ku jiŋukusiawo be jiŋukusiwoa, egũɖaxoa ku ànyigbã le huhũ le yebe amèjikpɔ huènua.

¹⁹Etowo ku ànyigbã be gɔmènuwo huhũna ga-ke-mè ne eɖena kɔ kpɔ woawo.

²⁰Vɔa amèwo muɖena ŋugble so ekea kpata-ŋuti o; amè kɛ gɔ̃ lena ŋuku ɖo yebe mɔwo-ŋuti o?

²¹Sìgbè lekè àya sɛ̃sɛ̃a hɔ̃ vana lè àgbètɔ be mànya mèa, nèneake yebe wɔ̀nawo be gbogbotɔawo nɔ̀nà wawla-mè.

²²'Yebe jɔ̀jɔɛnyinyi be wɔ̀nawoa, àmè kɛ sɔna wo ɖo gà mà a? Àmè kɛ le kpɔ woa-sinu ò? Zòɖùɖua lè àzɔ̀ge boo!'

²³Nenea àgbètɔ ke jo bu ahɔhɔ̃a, susuna tamè yeŋu: lulunɔ, amètrãtɔa, ɖahuã kpo ye esusuna.

²⁴Ɖo tom, vi nye, eye anɔ ɖo nuwojèsi, sɔ jiwò be xɔxlɔ̃wo daɖo ape nupowo-ji.

²⁵Manɔ ɖe nu le nufiɔfiɔ-nu le jijè-ji, maɖe nunyanya gblɔ le gbesɔsɔɛ-ji.

²⁶Le gɔmèjèjèa ke Tɔhonɔ̀ ɖo yebe nuwɔnawoa, le woa wɔwɔ-mèa, ema woabe akpawo.

²⁷Eɖo yebe nuwɔnawo ɖɛ kaka na makponu, so woabe tɔtɔji kaka sɔyi woabe esɔmè bootɔa-nu. Àdɔ̀ muwuna wo o eye nu mutina kɔ na wo o, womugblena woabe dɔa ɖɛ o.

²⁸Eɖe muklɛ̃na enɔvia o, womugbena tonusese na yebe nyawo gbeɖe o.

²⁹Eyomè a, Tɔhonɔ̀ ɖe kɔ kpɔ ànyigbã ɖoɖa eye eɖɔɛ taŋu ku yebe nunyuiewo.

³⁰Ku elã hamè-hamèwo kpata ecɔ̃ yebe ŋukumè, eye eye-mè ye woɖo latrɔ yi.