Read gen Sirasid 17 Bible Online

Sirasid 17 - gen bible

Sirasid 17

¹Ènu kè àgbètɔ ɖo la wɔ̀ na Mawua Mawu sɔ èkɔ sɔ ɖo àmègbètɔ, ne e kua, e gbà trɔ yìnà èkɔ mè.

²E ɖo ènu wuwu ne àmègbètɔ be àgbè eye be gbà na wo gàpòpo kè wo la sɔ nɔ̀ àgbèa, eye be na wo ŋusɛ̃ ɖo ànyigbã a ji.

³Ekè be ɖo wo ɖo yebe nɔ̀nɔ mè mèa, e sɔ ŋusɛ̃ na wo.

⁴Ne bèa dù èlãwo ku xèviwo ji, eye bèa ɖè ègbè ɖo ènu kèwo kpata lè ànyigbã jia ji.

⁶E na wo kòjoɖoɖo, wɔ̀ ŋutinuwo: àɖe, ŋùkuviwo, ètowo, eye be wɔ̀ àhɔ̃hɔ̃ ne woa teŋu bù ètamè.

⁷Kè e na wo ɖɔ ku ànyasã ku ènunyanya vɔ̀a e na be wo jèsi ènyuɛ̃ ku èvuɛ̃

⁸E sɔ yebe kɛ̃klɛ̃a do woabe èjìwo mè, ne woa teŋu nya ènu gã kè be le wòa

¹⁰woa teŋu sɔ kafu na ye ɖèka kpò, lè àfi ɖekpekpe kè wo la do jèsì yebe èdɔwo lèa Zòɖùɖu be èse

¹¹Mawu mu sɔ ènu nyãnyã ɖèɖe kpò sɔ na àgbètɔwo ò, vɔ̀a e na wo èse cã be ne woa nɔ̀ àgbè

¹²E ɖù èzò màvɔa kudo wo eye be na wo jèsi yebe ɖoɖowo.

¹³Eye woabe ŋùkuwo kpɔ yebe ŋuti kɔ̀kɔɛ, eye woabe ètowo sè yebe ŋuti kɔ̀kɔɛ be ègbè

¹⁴“E gblɔ̃ na wo be: mì nɔ̀ ŋùzɔ̃ ɖo ènu kèwo sitè ɖo èsea ŋutia ŋuti, eye be na wo èse ɖo woabe èdu nɔ̀nɔ ŋuti. Ènu ɖekpe mu lè mànya mè na Mawu ò

¹⁵Eji ejia Mawu kpɔna ènu ɖekpekpe kè àgbètɔ le wɔ̀a, ènu ɖekpe mu lè wawla mè na ɛ̀ ò.

¹⁷E ɖo èga ɖo dùkɔ̃wo kpata nu, vɔ̀a Izràɛl ya nyi Mawu ŋutɔ be ècrɔ̃nu.

¹⁹Lè Mawu be ŋùkumèa, àgbètɔ be wɔ̀nawo kpata lè kɛ̃klɛ̃ mè; yebe ŋùkuwo lè woabe wɔ̀nawo ji.

²⁰Màjɔ̀ màjɔ ɖekpe mu lè wawla mè na ɛ̀ ò. Woabe àgɔ̀jèjewo kpata letè gã a lè ŋùkumè na ɛ̀.

²²Lè yebe ŋùkumèa, nyuɛ̃ wɔ̀ ne àmèa ɖo àsì xɔ̀xɔ gãɖe wu ènutùtu ɖo ènu ji. Àdɔ̀mènyuɛ̃ wɔ̀wɔa, xɔ̀ àsì wu ŋùkuvi be àzĩ.

²³Vɔ̀a gbè ɖèka, e la trɔ va ne bèa tufɛ̃ na àgbètɔwo sɔ̀ zɔ̃ ɖo woabe èdɔ ji eye àmè sia àmè la kpɔ yetɔ̀ xɔ̀.

²⁴Lè gà ŋuã mèa, àmè kèwo jèsi woa ɖokoe eye wo trɔ va ye gbɔa, e xɔ̀nà wo eye e dona ŋusɛ̃ àmè kèwo gbɔjɔa. Yɔyɔ va Mawu gbɔ

²⁵Trɔ ɖoɖa Mawu gbɔ eye wòa gbe ènu lè ènu bàɖa ŋuti. Ne wò le fãkuea, wò le ɖiɖi àpo ènu bàɖawo kpɔ̀tɔ̀.

²⁶Trɔ va Èjihũitɔa gbɔ, eye trɔ lè ènu bàɖa yomè, gbe ènu lè ènu kè be crìa ŋuti.

²⁷Lè èkuwodea, àmè kɛ la kafu Èjihũitɔa ò? Àmè àgbèagbewo kpò ye la teŋu na kàfu.

²⁸Àmè àgbèagbe kè lè sɛ̃sɛ̃ɖea kpò ye la teŋu kafu Mawu. Ne e gbe ku kpò, eye mu gbà lè òa, gà ŋuã mè kpò yebe kafua la tɔtè.

²⁹Tɔhonɔ̀ be nyɔnawo lòlò ku yebe sɔsɔkè ɖoɖa àmè kèwo trɔ va ye gbɔa, gbɔ.

³⁰Ènu ɖekpe mu ɖù blibo lè àgbètɔ mè ò, ɖo ènu kè ŋutia àgbètɔ mu nyi ènu màku ò.

³¹Ènu ɖe klɛ̃ wu dɔ̃ŋùkusua? Gãke vɔ̀a, e ɖona èxɔ̀ eye be cina, nèneake àgbètɔ kè le susu vuɛ̃a cã nyi yeŋu.

³²Mawu biɔna àkɔ̃ŋùta wètriviwo be àhùakɔ̃wo, vɔ̀a àgbètɔwo nyi èkɔ kudo hũhũ.