Read gen Sirasid 18 Bible Online

Sirasid 18 - gen bible

Sirasid 18

¹Mawu be gã nyinyi Mawu lè àgbè tɛ̀gbɛ̀, e ɖo ènuwo kpata, ɖekpe mu to lè e mè ò.

²Ye ɖèka kpò ye jè ne woa yɔ be jɔ̀jɔɛtɔ.

⁴Mu zĩna àmè ɖekpe ji, ne bèa gblɔ̃ ènu kè be la wɔ̀ ò. Àmè kɛ la teŋu do jèsi yebe ènu gãgãwo ò?

⁵Àlo mi la teŋu jije yebe gãnyinyia be ŋusɛ̃, wu gã ekèa àmè kɛ la teŋu pònu so nyɔna kèwo kpata be wɔ̀a ŋuti ò?

⁶Wo mu la teŋu ɖè ɖekpe to lè emè ò, wo mu la teŋu sɔ ɖekpe sɔ kpe ò. E sɛ̃sɛ̃ ne woa do jèsì Mawu be nyɔnawo.

⁷Ne mi susu be mi wɔ̀ vɔ̀a, gà ŋua mè gbɔ̀xue ye mi le jè e gɔ̃mè, ne mi tɔtèa, mi mu nyana àfi kè mi lè ò. Nukɛ àgbètɔ nyi ò?

⁸Nukɛ àgbètɔ nyi ò? Àsì xɔ̀xɔ kɛ lè ènu nyuɛ̃ kè be le wɔ̀a si ò? Àlo ènu bàɖa kè be le wɔ̀ ò?

⁹Ne e nɔ̀ àgbè èpè èkà èvè takpoa (100) e sùgbɔ.

¹⁰Lè Mawu be ŋùku mèa, èpè ŋuãwo lè sìgbè èsì be ètã ɖèɖe ɖèka kè jà ɖo àpù mèa nène, èkɔ kui ɖèka lè ànyigbã nène

¹¹Ènu kèa ŋuti Mawu hɛ̃nà àdòdò ɖoɖa àmèwo gbɔ, eye be ɖènà yebe àdɔ̀mènyuɛ̃a fiɔna wo.

¹²E kpɔna gbà nyana woabe vɔ̀vɔnu ŋuzĩzĩ tɔ̀a, ye ŋuti be nyi àdɔ̀mènyuɛ̃tɔ nènea na wo ɖo.

¹³Àgbètɔ nɔ̀nà nyuɛ̃ ɖe lè àmè kè gogo èa gbɔ. Vɔ̀a Tɔhonɔ̀ ya nyi àdɔ̀mènyuɛ̃tɔ lè àmè sia àmè gbɔ. E hɛ̃nà ènyà kudo wo, e pònà èto ɖo na wo fiɔna wo ènu, e kplɔ̀nà àmè kè bua gbɔ̀ va ye ɖokoe gbɔ sìgbè àlekè ègbɔ kplɔ̀tɔ kplɔ̀nà yebe àlɛ̃ bubuwo gbɔ̀ va a nène.

¹⁴E kuna ŋuzĩzĩ na àmè kè lɔ̀nà be woa fiɔ yè ènu, eye be jina be yèa ɖo èto yebe èseawo. Nɔ̀nɔmè nyuɛ̃ kè wo la sɔ kpe ɖo àmè ŋutia

¹⁵Èvi nyè, ne wò le wɔ̀ ènyuɛ̃ na àmè ɖea mù gbà pò nupo ɖo ye ŋuti ò, ne wò na ènu àmè ɖea, mù gbà gblɔ̃ àdɔ̀mèze be ènyà ɖe bɔ̀ ɖo e ŋuti ò.

¹⁶Ènyà ɖèka teŋu ɖo ŋusɛ̃ wu ènunana; e lè sìgbè àhũ kè ɖènà zòzoa nène.

¹⁷Ènyà nyuɛ̃ gbɔ̃gblɔ̃a xɔ̀ àsì wu ènunana àdodoe àmè kè nyi xɔ̀namètɔa, nana èvèa kpata.

¹⁸Èto màɖotɔa mu ɖènà susu, ne e le gblɔ̃ ènyà ɖe ɖo àmè ŋuti ò. Èŋuhuãtɔ be ènunana hɛ̃nà àvi va. Ènunyatɔwo be ŋùzɔ̃ nɔ̀nɔ

¹⁹Bù ètamè nyuɛ̃ɖe gbɔ̀xue ne wòa pò nupo, eye lebè na ɖokoe wò gbɔ̀xue ne wòa va jè èdɔ.

²⁰Kpɔ wò ŋutɔ ɖokoe wò nyuɛ̃ɖe gbɔ̀xue Mawu bèa ɖo kòjo na wò, eye ne gà pòpoa va be wòa ɖo àkɔ̃ŋùta a, wò la kpɔ ŋuzĩzĩ kuku lè e gbɔ.

²¹Mù gbà nɔ̀tè kpɔ èdɔ̀lele gbɔ̀xue wòa jèsi èvuɛ̃ wòwo ò, vɔ̀a, ne wò gbe jè dàda mè kpòa, ɖè è fiɔ, be wò do è jèsi.

²²Ne wò fìã àjɔ̀gbè ɖe na Mawu a, wò ɖo la wɔ̀ ɖo e ji. Ne gàmèa ɖoa, mù gbà nɔ̀tè kpɔ èku gbɔ̀xue la to lè e mè ò.

²³Kã ɖo ɖokoe wò ji, gbɔ̀xue wòa fìã àjɔ̀gbè, mù gbà srɔ̃ àmè kè le tè Mawu kpɔa ò.

²⁴ɖoŋù be wò la teŋu nɔ̀ yebe àdɔ̀mèzea nu, lè gà pòpo kpɔ̀tɛa mè kè be la gbe be yè mu jèsi wò òa.

²⁵Ne ènuɖùɖu fuu lè àsi wòa, ɖo ŋùku àdɔ̀wùamè kè gbãnà a, ne wò ɖo ènuwo keŋu lè ègbɔ sùsu mèa, mù gbà ŋlɔ̀be be yè la teŋu va trɔ zũ wɔ̀amènɔ̀ ò.

²⁶So ŋùdekɛ̃nyɛ sɔ yì wètrɔ a, ènu sia ènu teŋu trɔ, Mawu ye wɔ̀nà e kpata kaba.

²⁷Lè ɖekpekpe mèa ènunyatɔa jènà àyè, ne èvuɛ̃a vaa, e kpɔna ye ɖokoe ji, ne mu gbà jè e mè ò.

²⁸ènunyãtɔ̀ ɖekpekpe jènàsi ànyasã, eye be bùnà àmè kè yì kè ɖo ye ŋutia.

²⁹Àmè kèwo nya ènupo pòpowo ɖènà woabe ènuyanya cã fiɔ. Wo dona èlowo sìgbè lekè èji jànà a nène. Àmè ɖokoe ji ɖùɖu

³⁰Mù gbà na ŋutilã mè be èjro pòɖi ɖe ne ɖùji wò ò, ɖù ɖokoe wò ji lè ènu wɔ̀wɔwo mè.

³¹Ne wò le wɔ̀ ɖo èjro wòwo jia, wò la ɖì kòkoe na kɛ̃tɔwo.

³²Mù gbà kpɔ jìjɔɛ lè àgɔɖùɖu be àgbè nɔ̀nɔ mè ò, mu nyi nène òa, wò la va kpɔ àfɔ̀ku.

³³Ègà dodo sɔ ɖù àzã a mu gbà na wòa va trɔ zũ wɔ̀amènɔ̀, wàlɛbɛ kè wò mu ɖo ègà ɖekpe ɖo ègo mè ò.