Read gen Sirasid 23 Bible Online

Sirasid 23 - gen bible

Sirasid 23

¹Tɔhonɔ̀ ètɔ nyè ku àgbè nyèa be ènufiɔtɔ, mù gbà gble mù ɖo àɖe nyè be ŋusɛ̃ mè ne woa va kplɔ̀ mù yì cɔ̃crɔ̃ mè ò.

²Le àpe susuwo ɖo àpo kpàkpla gɔ̃mè eye àpe èjìa ne kù ɖo àpo ànyasã be ènufiɔfiɔa ŋuti ne mù gbà tàsi àpe àgɔ̀jèje ènu mànyatɔ̀ ò mù gbà kplɔ̀ mù do àfɔ̀ku mè ò.

³Be ne àpe àgɔ̀jèjewo mu gbà sùgbɔ ɖo ji ò eye àpe nuvuɛ̃wo mu gbà dri àgbo, ne ma teŋu tɔtè lè kɛ̃tɔ nyèwo be ŋùkumè ne wo mu gbà kpɔ jìjɔɛ be yèwo ɖù ji nyè ò.

⁴Oò Tɔhonɔ̀, Ètɔ nyè ku àgbè nyèa be Mawu mù gbà na mù jajra be ŋùkuviwo ò.

⁵Ɖè jojro bàɖawo jo lè gbɔ nyè boo.

⁶Mù gbà na be ŋutilã mè be vivisèse kudo ŋùku gã lè èta ŋutia, woa ɖù ji nyè ò eye mù gbà kplɔ̀ mù do jiji pòɖi mè ò. Àjɔ̀gbè fìãfiã

⁷Èvi nyèwo, mì ɖoto ne mìa nya lekè wo lena ènu ɖoa! Àmè kè le ènufiɔfiɔ kèa mè ɖo àsia mu la jè ànyi gbèɖe ò.

⁸Àgɔ̀jètɔ be ènuyiwo kplɔ̀nà ɛ̀ ɖo gbledo mè, ègòyitɔ ku àmè gɔ̃mè ɖùtɔ kpɔna ànyijèje lè emè.

⁹Mù gbà na àpo ènu ne nɔ tà Mawu àlo nɔ yɔ yebe nyikɔ kaba kaba ò.

¹⁰Sìgbè àlekè wo lena ŋùku ɖo sumɔvi ŋuti nyuɛ̃ɖe eye èba be àbìwo mu donakpò ye ŋuti nɔ̀nɔ òa, nèneake be nyi ne àmè kè tànà Mawu be nyikɔ kpòa yeŋu.

¹¹Àmè kè tànà ènu eji ejia ètodɔ̃ vana ye ku yebe àxuedoa kpata ji ne e wɔ̀ ɛ̀ lè ètamè màbu mèa kudo lè nupo sùgbɔ mèa ye ŋutɔ dohùɛdo ye ɖokoe eye àgbèa la sɛ̃ŋu na ye ku yebe xòmèa. Nupo nya pòpo

¹²Ènyàgbɔ̃gblɔ̃ be nɔ̀nɔmè ɖe lè kè sɔ̀ kudo èku, mù gbà ɖo Yakɔb be jìjimèviwo dòmè ò. Ɖo mawumɛwo la na ɛ̀ àsà ne wo mu gbà jè èvuɛ̃ kèa tɔ̃gbè mè ò.

¹³Ènyà vlo gbɔ̃gblɔ̃a mu gbà ma do wò ò wo la na wò la jè èvuɛ̃ mè.

¹⁴Ɖo ŋùku ètɔ kudo ènɔ̀ wò ji ne wò lè èdùkplɔ̀tɔwo be èha mèa ne mù gbà gblɔ̃ ènyà bàɖa ɖe ɖoɖa wo ne woa va sɛ̃kpɛ̃ na àpo jìgbè-zã ò.

¹⁵Àmè kè àmè zũzũ ma doa, kpàkpla be mɔnu mu hũnà na ɛ̀ ò. So màkɔ̀ màkɔ ŋuti

¹⁶Àmè sùgbɔ fuuwo wlana woabe èvuɛ̃ vɔ̀a sùgbɔ lè woa mèa, dɔ̃nà àdɔ̀mèze va woa ji. Woabe jojroa bìnà sìgbè èzò nène eye mu cina ne wo gbà le ɖè è kpɔ̀tɔ̀ ŋutɔ cã ò. Àmè kè sɔ yebe ŋutilã ɖo jojro pòɖi mèa, mu dìdìnà gbɔ̀xue be gblena ò.

¹⁷Ŋusù àsìjitɔa nyɔnù ɖekpekpe jrona ɛ̀ eye e kùnà ɖo e ŋuti kaka yì kpɔna èku lè emè.

¹⁸Àmè kè mu wɔ̀nà ànùkua kudo èsrɔ̃a òa, gblɔ̃nà be: 'àmè kɛ la kpɔ mù ò? Èzã do, èglìwo cã pòhla mù, àmè ɖekpe mu le kpɔ mù ò, ne mù le wɔ̀ ènugbegblea Èjihũitɔa mu la sɔ èɖe lè emè na mù ò.'

¹⁹Àmè kèa ènu kè be vɔ̃naa ye nyi àmè kè le kpɔ ɛ̀a; vɔ̀a e ŋlɔ̀be be Mawu be ŋùkuviwo kɔ̀ wu dɔ̃ŋukusu ŋutɔ cã eye e kpɔna àmè sia àmè be yìyi mè kaka jè glòbòpe kè wo teŋu wla a ŋutɔ cã.

²⁰Tɔhonɔ̀ nya ènuwo kpata gbɔ̀xue be va ɖo wo eye e gbà nya kaka sɔ̀na woabe cɔ̃crɔ̃

²¹Àgɔ̀jètɔa, wo la le gà kè mè mu lè ŋùɖo mè na ɛ̀ òa eye wo la dɔ̃ èto na ɛ̀ lè èdùgbonu. Nyɔnù gbòlòwɔ̀tɔ

²²Nèneake be la nyi ne nyɔnù àhasìtɔ kè sɔ ye ɖokoe va yì na ŋusù bua eye be jì jìdomèa.

²³Jè ŋùkɔ̀a, e dà lè Tɔhonɔ̀ be èsea ji, e yomèa e na vevesèse èsrɔ̃a eye e do àfɔ̀ ègbe sɔ ye ɖokoe wɔ̀ àhasìtɔ eye e jì èviwo na ŋusù bu.

²⁴Ye ŋutɔ ya wo la dɔ̃ ɛ̀ va àmèha be ŋùkumè eye wo la kù ènumè so èvi kèwo be jìa ŋuti.

²⁵Yebe èviwo mu la ɖo èta kaka yebe jìjimèviwo la va sɛ̃ èku ò.

²⁶Hùɛgbledo ɖe la tɛ ɖo yebe ŋuti-nya ŋuti eye yebe ènugbegble wɔ̀wɔa mu la bu gbèɖe ò.

²⁷Àmè kèwo kpɔ̀tɔ̀a, la do è jèsi be Tɔhonɔ̀ be vɔ̃vɔ̃a pòta na ènuwo keŋu eye ènu ɖekpe mu vivi wu be woa le yebe èseawo ɖo àsi ò.