Read gen Sirasid 27 Bible Online

Sirasid 27 - gen bible

Sirasid 27

¹Àmè sùgbɔ jè àgɔ̀ to ègà lɔ̃lɔ̃ mè, eye àmè kè ji be yèa kpɔ ècia trɔna yebe ŋùmè ɖoɖa àfi bu.

²Sìgbè lekè wo pònà àti ɖo èkpe èvè-ca dòmè nènea, nènea ye èvuɛ̃ gɛ̃na ɖo ènuplètɔ ku ènusàtɔ dòmèa yeŋu.

³Ne wò mu vɔ̃ Tɔhonɔ̀, tɛ ɖo e ŋuti kaɖi òa, mu la dìdì gbɔ̀xue àpo àxue la gbã keŋu-keŋu ò. Ènyà ɖènà èha àgbètɔ

⁴Ne wò le srà ènu ɖea, cakitiwo cina ànyi; nèneake wo dona jèsì àgbètɔ to yebe nupo pòpo mè.

⁵Sìgbè lekè èkpozo bina èze nènea, nèneake ye tètèkpɔwo bina àgbètɔ be susu ɖèɖea yeŋu.

⁶Lekè àti ɖènà èkusɛ̃sɛ̃wo tona ɖoa, nènea ye àbgètɔ be tètèkpɔwo zena lè yebe susuɖèɖe mèa yeŋu.

⁷Mù gbà kafu àmè ɖe gbɔ̀xue ne pò nupo ò. Ɖoa, ènyà kè be gblɔ̃a ye la ɖè àmè kè ŋùkumè be nyia fiɔ. Àɖàŋùɖoɖo be àlèwo

⁸Ne wò jè ènu jɔ̀jɔ̀ɛ yomèa àpo àlɔ̀ la sù e ji eye wò la do è sìgbè gogo be àwùgã nène.

⁹Sìgbè lekè ye xèvi, ɖèka ŋùkumè bɔ̀nà ɖodu ɖoa, nèneake ye nyàwototo trɔna va na nyàwototɔwo gbɔa yeŋu.

¹⁰Sìgbè lekè jãŋùta ɖiana yebe àdè ɖoa, nènea ye èvuɛ̃ ɖiana èvuɛ̃wɔ̀tɔa yeŋu.

¹¹Àmè nyuɛ̃ be nùpoa tona èmɔ̃ ɖèka ji, vɔ̀a àmè vuɛ̃ɖì ya trɔna sìgbè wètri be nɔ̀nɔmè nène.

¹²Lè àmè mà nyã ènuwo dòmèa, wɔ̀ àkɔ̃ŋùta so ɖokoe wò ŋuti, vɔ̀a, lè àmè nya ènuwo ya gbɔa, gbɔ̃jì ɖɛ blɛ̀wù.

¹³Ènu mà-nyãtɔwo be ènyà gbɔ̃gblɔ̃ hɔ̀nà èjì na àmè, eye woabe ènu kòkòewo sona èvuɛ̃ be èɖinuwo mè.

¹⁴Àmè kè tànà ènu, ètè mà-tɔa be ènyàwo dona àdɔ̀mèze na àmè, eye, ne wò le wɔ̀ àjrèa, àmèwo tuna èto.

¹⁵Ne ègòyitɔwo le wɔ̀ àjrèa, wo kɔ̀nà èhũ ɖɛ eye woabe èzũwo tɔna èto mè. Ènuwawlawo

¹⁶Àmè kè ɖènà èha ènyà wawla a gblena àmèwo dòmè eye mu la gbà teŋu kpɔ èxlɔ̃ ɖekpe kè la jè e ji na ɛ̀ ò.

¹⁷Lɔ̃ èxlɔ̃ wò, ne wòa wɔ̀ ànùkua na ɛ̀; vɔ̀a, ne wò ɖè èha yebe ènyà wawlawo a, mu gbà hiã be wòa gbà jè e yomè ŋutɔ cã ò.

¹⁸Wò bu èxlɔ̃jèjea sìgbè lekè wo buna àmè veve kè kua nène.

¹⁹Wò ɖè àsi lè èxlɔ̃ wò ŋuti be jo, sìgbè xèvi kè ŋuti, wò ɖè àsi lè, be gɛ̃a nène.

²⁰Mù gbà jè e yomè ò, ɖoa, e yì boo vɔ̀, sìgbè èzĩ kè si jo lè gàmɔ̃ mèa nène.

²¹Wo la teŋu bla àbì, be la ku, eye lè èzũ yomèa, wo la gbà teŋu jrà àmè dòmè ɖo. Vɔ̀a, èmɔ̃ kpɔkpɔ ɖekpe mu gbà lè na àmè kè ɖè nɔ̀via gɔ̀mèa ò. Àyèmènu wɔ̀wɔ ku lɛ̀gɛ̀dɛ̀

²²Àmè kè fĩ kpɔ àmèa ɖo susu bàɖà, ɖo èta mè. Ne wò kpɔ ɛ̀ jèsìa, na ɛ̀ àsà.

²³Lè gbɔ wòa, e la vivi ènu mè na wò, eye èjì la jɔ̀ ɛ̀ ɖo ènyà gbɔ̃gblɔ̃ wòwo ŋuti. Vɔ̀a, ne wò gbe trɔ ŋùgbedòmè kpòa, e la trɔ àɖe, eye be la sɔ àpo ènu mè-nyà sɔ ji ènyà na wò.

²⁴Mù crì ènu sùgbɔ be ènyà gbɔ, vɔ̀a, nyè mu crì ènu ɖekpe wu nènemɛa ò, eye Tɔhonɔ̀ ŋutɔ cã crì ì. Èvuɛ̃ kè wo wɔ̀a be èfɛ̃tu

²⁵Àmè kè dà èkpe ɖoɖa àya mèa, ye ŋutɔ be èta ji, be la xɔ̀ ɛ̀ ɖo; eye àmè kè wɔ̀nà lɛ̀gɛ̀dɛ̀ ɖo àmè ŋutia, wo la wɔ̀ ɛ̀ ɖo ye cã ŋuti.

²⁶Àmè kè le kù èdo ɖo ŋùkɔ̀ na nɔ̀via a, ye ŋutɔ la gɛ̃ jè e mè, eye àmè kè le tre èmɔ̀ a, la jè èmɔ̀a mè.

²⁷Èvuɛ̃ kè ye àgbètɔ wɔ̀nà a trɔna ɖo àmèa ŋuti, kè ye ŋutɔ mu gbà nyãna àfikè be so va ò.

²⁸Àmè kòkò ku àmè zũzũ sona ègòyitɔ gbɔ, eye èhlɔ̃ biɔbiɔa nɔ̀nàtè kpɔna ɛ̀, sìgbè jãŋùta kè doxa a nène.

²⁹Àmè kèwo kpɔna jìjɔɛ, so àmè jɔ̀jɔɛwo be ànyijèjè ŋutia, àyà ɖùɖu la kpe wo, gbɔ̀xue, wo la ku. Sɔsɔkè

³⁰Èkɛ̃ lele ku àdɔ̀mèze dodo nyi ènu kèwo wo la crìa, vɔ̀a woa mè ye èvuɛ̃wɔ̀tɔ ɖùnà èfìɔ lè.