Read gen Sirasid 28 Bible Online

Sirasid 28 - gen bible

Sirasid 28

¹Àgɔ̀ sɔ kè àmè nɔ̀vi Àmè kè le biɔ èhlɔ̃ a la ɖù èhlɔ̃ biɔbiɔ be ènuwɔ̀ɖonu so Tɔhonɔ̀ kè la nɔ̀ sɔ yebe èvuɛ̃wo ɖo hɛ̃hlɛ̃ ji sɛ̃ŋu sɛ̃ŋua.

²Sɔ èhawòvi, àgbètɔ be ènu màjɔ̀ màjɔ kè be wɔ̀a, kè è; eŋua, ne wò fãkuea, wo la sɔ àpo èvuɛ̃wo kè wò.

³Ne àgbètɔ be èvi le nyi àdɔ̀mèze ɖo àgbètɔ be èvi ŋutia, leke be teŋu biɔ èdɔ̀ dàda Tɔhonɔ̀, na ye ɖokoe ɖo ò?

⁴Mu le ku ŋuzĩzĩ ɖekpe na àgbètɔ kè nyi yebe èhavi ò; leke be la teŋu blìbɔ̀ ɖo ye ŋutɔ yebe èvuɛ̃wo ta ò?

⁵Ne e ye kè nyi ŋutilã kpòa e le wɔ̀ èkɛ̃ nènea, àmè kɛ ye la teŋu xɔ̀ ye ŋutɔ be èvuɛ̃wo be sɔsɔkè na ɛ̀ ò?

⁶Bù ètamè so àpo àgbè be nuwùwu ŋuti, ne wòa nɔ̀tè àmè cìcri; bù ètamè so èku ku lekè àmè nyìnyɔ̀nà ɖoa ŋuti, ne wòa zɔ̃ ɖo Mawu be èsewo ji.

⁷Ɖoŋù Tɔhonɔ̀ be èsea ku yebe èzòɖùɖua ji, ne wòa ɖè àsi lè èkɛ̃ wɔ̀wɔ ŋuti, eye wòa ɖè àsi lè èhlɔ̃ biɔbiɔ ŋuti. Àjrè wɔ̀wɔ

⁸Na àsà àjrè wɔ̀wɔ, ne èvuɛ̃ wòwo ne ɖiɖi kpɔ̀tɔ̀, ɖo àmè kè binajìa dona èzò àjrè wɔ̀wɔ mè.

⁹Èvuɛ̃wɔ̀tɔ dona tìtɔ̀-titɔ èxlɔ̃wo dòmè, eye be hɛ̃nà àmèdòmè mamã va àfi kè ènu gɔ̃mèsèse lèa.

¹⁰Ne wo le do ànakè, èzò mè kpe èa, èzòa be àɖewo gbà bìnà kpe è. Eye, àjrè wɔ̀wɔ mu tɔna tè, ne wo kpɔ̀tɔ̀ le do èzò e mè ò. Ŋusù kè sɛ̃ŋua, hlɔ̃na ɖo yebe àdɔ̀mèze ji, eye yebe àdɔ̀mèze gbà bìnà kpe è, sɔ zɔ̃ ɖo yebe ècikpɔkpɔ ji.

¹¹Ènu gɔ̀mè mà-sè viɖe kpò nana èzòa bìnà, eye, ne àdɔ̀mèze hɔ̃a, èhũ kɔ̀nà ɖɛ.

¹²Ne wo plu èzòa, ye be lena. Vɔ̀a, ne wò tu ètã kɔ̀ ɖo e jia, e ci na ɛ̀. Eye ènu èvè kèa kpata a, àmè be ènu ye wɔ̀nà wo.

¹³Hèlu na àmè kè fĩnà èto-fĩa, ku àɖè èvè-nɔ̀a, ɖo wo dona mamã àmè sùgbɔ kèwo lèdua dòmè.

¹⁴Àɖe bàɖàwo gble àmè sùgbɔ dòmè, wo nyà àmè kèawo ɖo ègbe, so èdù-ta, yì kɔ̀ ɖo èdù-ta; wò gbã èdù sɛ̃sɛ̃wo, wo gble xòmè ɖìnyi sùgbɔ dòmè. wo gbã woabe èdù sɛ̃sɛ̃wo, eye wo fɔtɔ cãmìwo be àxuewo.

¹⁵Wo na, wo nyà nyɔnù àdodoewo lè àsuxue, eye wo xɔ̀ woabe èdɔwɔ̀wɔ be èkusɛ̃sɛ lè woa si.

¹⁶Àmè kè ɖona èto àɖe bàɖàwo mu gbà kpɔna gbɔ̃jɛ̃ ò, eye mu gbà teŋu nɔ̀nà ŋutifafa mè ò.

¹⁷Èba kè pò àmèa dona àbì àmè ŋuti, vɔ̀a àɖe kè pò àmèa ŋɛ̃na èpùwo lè lãmè.

¹⁸Àmè sùgbɔ ku ci èwui nu, vɔ̀a, wo hùe wu àmè kèwo àɖe crɔ̃a.

¹⁹Sìtumɛ ye nyi àmè kè nɔ̀ àzɔ̀ge na àɖea, àmè kè mu ɖo àɖe be àdã jèje mè ò, àmè kè wo mu do àɖe be èkɔ̀kùti be ŋusɛ̃ gɔ̃mè, ne bèa ci yebe kɔ̀sɔ̀kɔsɔwo mè ò.

²⁰Ɖo yebe èkɔ̀kùti nyi gàkpo be èkɔ̀kùti, eye yebe kɔ̀sɔ̀kɔsɔwo nyi gàjɛ̃ be kɔ̀sɔ̀kɔsɔwo.

²¹Èku kè àɖe hɛ̃nà vaa nyi èku jiŋɔ, eye vìvìti mè be èfìɔdu ŋutɔ cã nyɔ wu ì.

²²Àɖe mu la teŋu ɖo ŋusɛ̃ ɖo àmè jɔ̀jɔɛ ji ò; eye àmè jɔ̀jɔɛ mu la teŋu jè yebe èzò mè ò.

²³Àmè kèwo ɖènà èkɔ̀ lè Tɔhonɔ̀ ŋutia, àmè ŋuawo ye jènà ànyi lè yebe èba gɔ̃mè. Ne e le èzò, lè woa dòmèa, woa ŋutɔ, wo dona e mè ànakè, eye èzòa mu gbà cina gbèɖe ò. E lũnà ɖo woa dòmè, sìgbè jãŋùta nène, eye be vũvũna wo, sìgbè èkpɔ̃ nène.

²⁴Kpɔɖa, ne wò sɔ àklãŋùtì tɔ̃ èkpa do àpo àgblèa, tɔ̃ èkpa trɔ do àpo ènu cã ku gàja. Ne wò lena àpo klòsalò ku àpo sìka gògòeɖea, lebè na àpo àɖe ku àpo nupo pòpo cã.

²⁵Wò wɔ̀nà nudàmɔ cã ku nudàkpewo xàɖo àpo nyàwo ŋuti, nèneake wɔ̀ àgbo ɖèka cã ku kɔ̀cikɔ̀ciwo ɖo àpo ènu.

²⁶Nɔ̀ ŋùzɔ̃, kpɔ àɖe wòa ji, ne mu gbà kplɔ̀ wò, ne wòa klɛ̃ àfɔ̀, ne wòa jè ànyi, jè àmè kè le ɖia wòa be àsi mè ò.