Read gen Sirasid 3 Bible Online

Sirasid 3 - gen bible

Sirasid 3

¹Ɖèviwo be èdɔ na woabe àjìitɔwo Ɖéviwo, mì ɖo èto mìa tɔwo be ètopòɖo, mì zɔ̃ ɖo woa ji, ne mì a gã.

²Àpetɔ a na àcɛ̀ kpàkpa ètɔ, ɖo èvi ji, eye ènɔ̀ ɖo jèna lè èviwo gbɔ.

³Àmè kè do bùbù ètɔa ŋuti a, la kpɔ èvùɛ̃ be sɔsɔkè.

⁴Àmè kè le do bùbù ènɔ̀a ŋuti a le bɔ̀ àdɔ̀kùnu ɖɛ.

⁵Àmè kè le do bùbù ètɔa ŋuti a, èviawo la do jɔ̀jɔ̀ɛ na ɛ̀, eye Mawu la sè yebe kùefãwo.

⁶Àmè kè la ɖo bùbù na etɔa, la nɔ àgbè didi. Àmè kè le ɖoto Àpetɔ a be egbea, la na eji jeme enɔ̃a

⁷esumɔ̃na yebe ajitɔwo sìgbè apetɔ̀awo nène.

⁸Enu kewo wò le gblɔ̃ alo wò le wɔà ɖo la do bùbù etɔwo ŋuti, eye wò la hɔ situ so e gbɔ.

⁹Etɔ be situ ye nyi ŋusɛ̃ lè eviwo be axue ji, vɔ enɔ be kpɛ̃sɛ̃ gblena dodoeawo.

¹⁰Mù gba nɔ kpɔ jijɔɛ ɖo etɔ wò be anyi jeje ŋuti o, yebe anyi jejea ma teŋu nɔ asi hɔhɔ o.

¹¹Etɔ be bùbù nan amè asi hɔhɔ. Nyɔnu ke be nyagbɔ wo cria nyi na ŋukpɛ̃ na eviawo.

¹²Evi nye kpe ɖo etɔ wò ŋuti lè yebe sĩsĩ me, mù gba do veve seese ne lè yebe àgbè ŋuke kewo me o.

¹³Ne yebe aye le gbɔjɔa, woa hɛ̃ adodo kudoe; mù gba cri yebe enyà gbɔ o, ewò ke si ŋusɛ̃ gbà kpɔtɔ lea.

¹⁴Mawu mu la ŋlɔ̃be adɔme nyuɛ̃ kewo kpata wò le wɔ na etɔ̀ wò o, wo la tutu apo ènuvuɛ̃wo jo. Lè àpo nuvuɛ̃wo tèpe a, ekè a la nyi àxue yeye ɖo èta wò.

¹⁵Lè àpo ènuxàxa be àzã gbè a, wo la ɖoŋù wò; àpo nuvuɛ̃wo la srè keŋukeŋu, sìgbè èsì-kpe, lè dɔ̀ŋùkusu gbè nène.

¹⁶Vɔ̀ a, àmè kè ɖènà èkɔ̀, lè ètɔa ŋuti a, àmè kè dona àdɔ̀mèze na ènɔ̀a a, Tɔhonɔ̀ la sɛ̃kpɛ̃ na ɛ̀.

¹⁷Èvi nyè, wɔ̀ ènu ku ètù jè ànyi, lè èdɔ ɖekpekpe kè wò le wɔ̀ a mè, eye àmè kè jè ŋùmè na Mawu a la ɖo lɔ̃lɔ̃ na wò.

¹⁸Leke wò ɖìnyi ɖo a, nène a ye wò ɖo la bɔ̀bɔ̀ ɖokoe wò yeŋu, eye wò la fɔ̀ màaje lè Tɔhonɔ̀ be ŋukɔ̀.

¹⁹Àmè ɖìnyi ku àmè kpɛ̃kpɛ̃ sùgbɔ lè, vɔ̀ a àmè kèwo bɔ̀bɔ̀nà woa ɖokoewo a ye Tɔhonɔ̀ ɖènà yebe ènu wawlawo fiɔna.

²⁰Ɖo Tɔhonɔ̀ be ŋusɛ̃ lòlò, eye àmè kèwo bɔ̀bɔ̀nà woa ɖokoewo a dona ɛ̀ ɖo èji.

²¹Ènu kè sɛ̃ŋu wu wò a, mù gbà nɔ ji èmɔ̃ lè e ŋuti ò. Ènu kè wu gã ŋusɛ̃ wòwo a, mù gbà kã e mè kpɔ ò.

²²Nɔ bù ètamè so èse kèwo wo sɔ na wò a ŋuti; ènu kèwo le wawla mèawo be ènyà ɖe mu kã wò ò.

²³Mù gbà nɔ hlɔ̃ ɖo wɔ̀nà kèwo wu gã wò a ŋuti ò; ènu kè wo fiɔ wò a wu ènu kè àgbètɔ be èvi be ètagomè la teŋu susu a.

²⁴Ɖo àmè sùgbɔ trã, to woabe susu ɖèɖèwo mè, to woabe ètagomè fàfla nyrãku a mè, eye be gble woabe susuwo.

²⁵Ne ŋùkuvi mu lè àsi wò ò a, kɛklɛ̃ la dɛ̃ wò; ne ènunyãnyã hùe do wò a, mù gbà gblɔ̃ be yè a fiɔ ènu àmè ò.

²⁶Èjì kè trì a, crɔ̃na lè jɔ̀gbèvuɛ̃ mè; àmè kè lɔ̃nà àfɔ̀ku a la ci àfɔ̀ku mè.

²⁷Ŋusù kè be èjì trì a la va ci ènuxàxawo mè; èvùɛ̃wɔ̀tɔ a la nɔ̀ bɔ nuvuɛ̃ ɖo nuvuɛ̃ ji.

²⁸Èdɔ̀danu mu lè na ègòyitɔ be ènuxàxa ò, ɖo a èvùɛ̃jɔ̀jɔ be àti ɖo èkè ɖo e mè.

²⁹Ŋusù kè nyãna ènu a bùnà èlododowo ŋuti kpɔ; èto kè lè nùvò a, ye nyi ènu kè àɖàŋùɖotɔ jina a.

³⁰Leke èsì cina èzò kè le bì vlàvlàvlà ɖo a, nène a ye àsi mè kèke ɖoɖa wɔ̀amènɔ̀wo gɔ tutuna èvùɛ̃wo jo a yeŋu.

³¹Àmè kè sɔna ènunana ɖona wɔ̀nà ŋuti a, le bù ètamè so èsɔ̀mè ŋuti. Ne mu gbà teŋu va le tɔtè ò a, e la kpɔ xɔ̀namètɔ. [2]