Read gen Sirasid 34 Bible Online

Sirasid 34 - gen bible

Sirasid 34

¹Èdrɔ̃kukuwo Èmɔ kpɔkpɔ gbalowo flùnà àmè mànyanu, eye èdrɔ̃kukuwo flùnà susu màɖètɔwo.

²Woa kù ɖo èdrɔ̃kuku ŋutia lè sìgbè woa ji la le vɔ̃vɔ̃lì àlo àya nène.

³Ènu kè wo kpɔna lè emèa lè sìgbè ènu ɖì ènu nène eye e gbà sɔ̀ ku àpùpui mè kpɔkpɔ.

⁴Lè ènu màkɔ̀màkɔ ŋutia fikɛ kɔ̀kɔɛa la so ò? Eye lè àjè ŋutia fikɛ nyàwoa la so ò?

⁵Àye flù na àmè, àmè bèble, èdrɔ̃kuku, woa kpata nyi ènu gbalo ku àcã sɔ flù àmè sìgbè nyɔnù kè le èkua nène.

⁶Ne mu nyi Tɔhonɔ̀ be ènyà gbɔ̃gblɔ̃ so kaka èjihũi òa wo mu sɔ ɖe lè èdrɔ̃kuku mè ò.

⁷Ɖo nɔ̀nɔmè ŋuawo bu àmè sùgbɔ eye fuu kèwo xɔ̀nàsè ɖo woa jia, jè ànyi.

⁸Èsea be xɔ̀xɔa nana be wo mu jènà àmè fùflu ŋuawo mè ò, eye àmè kè lè ègbèjia ènunyanya ɖɔ ènu mè na ɛ̀ eye e ɖù blibo. Mɔjiyìyiwo be àsìxɔ̀xɔ

⁹Àmè kè ɖìsà sùgbɔa nyananu sùgbɔ, eye ènunyatɔa pònà nupo àdodoe.

¹⁰Àmè kè mu to tètèkpɔ sùgbɔ mè òa ènu viɖe kpò be nya,

¹¹vɔ̀a àmè kè ɖìsà sùgbɔa, gbɔ̀nà ku nunyanya sùgbɔ

¹²Mù kpɔ ènu sùgbɔ lè àpe èsàɖìɖiwo mè. Eye ènu kèwo gɔ̃mè mù sèa, nyè mu la teŋu gblɔ̃ e kpata ò.

¹³Mù to àfɔ̀ku sùgbɔwo mè, vɔ̀a mù kpɔ gãgã ɖo àpe nunyanya ŋuti. Bù Tɔhonɔ̀ be gãnyinyi

¹⁴Bùbu nana Tɔhonɔ̀ nana àgbè dìdi,

¹⁵ɖo woabe ŋùdo lè Tɔhonɔ̀ kè hlùɛ̃nà àmè gãa ji.

¹⁶Àmè kè vɔ̃na Tɔhonɔ̀a, mu la vɔ̃ ènu ɖekpe ò, ɖo yebe ŋùɖoa kpata lè Tɔhonɔ̀ ji.

¹⁷Sìtumɛ ye nyi àmè kè vɔ̃na Tɔhonɔ̀a!

¹⁸Àmè kɛ ŋuti be la kù ɖo ò? Àmè kɛ la nyi yebe ŋusɛ̃ ò?

¹⁹Tɔhonɔ̀ be ŋùkuwo nɔ̀nà àmè kèwo lɔ̃nà ɛ̀ ji, àkpoxɔ̀nu sɛ̃sɛ̃, àlɔ̀do sɛ̃ŋu, gòxɔ ne àya zòzo le pòa, fafa lè dɔ̃ŋùkusu jàse, àkpoxɔ̀nu lè èmɔ̃ xenuwo mè, xɔ̀namètɔ lè ànyijèje mè.

²⁰E kɔna èkla ɖo ji, e nana ŋùkuviwo klɛ̃na ku jìjɔɛ ne e dà èdɔ̀a, e nana àgbè ku sìtu. Sɛ̃sɛ̃ àdodoea

²¹Èvlo dodo Tɔhonɔ̀ ye nyi be woa sɔ èlã màɖo àsìxɔ̀xɔ sɔ savɔ na ɛ̀.

²²Eye àmè kèwo wɔ̀nà vɔsa vɔ̀a dànà èse jia, wo mu la xɔ̀ sìtu ɖekpe ò.

²³Èjihũitɔa mu kpɔna jìjɔɛ ɖo àmè vuɛ̃ɖìwo be vɔsa ŋuti ò, eye mu nyi èlã sùgbɔwo be vɔsasa ye xɔ̀nà nuvuɛ̃wo be sɔsɔkè ò.

²⁴Àmè kè sɔ wɔ̀amènɔ̀ be ènu sɔ le savɔa, lè sìgbè àmè kè sɔ èvi le savɔ lè ètɔa be ŋùkumèa nène.

²⁵Wɔ̀amènɔ̀ ɖùnà àyà gbɔ̀xue kpɔna vi kè be la ɖùa, àmè kè le xɔ̀ ɛ̀ lè e sia, àmèwùtɔ ye be nyi.

²⁶Ènu kè hawòvi sɔ nɔ̀nà àgbèa ne wò xɔ̀ ɛ̀ lè e sia wò wù ì

²⁷eye èfɛ̃ màtu na èdɔwɔ̀tɔa nyi àmèwùwu.

²⁸Ne àmè ɖe le tù ì eye àmè bu le mù ìa, àlè kɛ wo la kpɔ lè e mè ò? mu nyi tagbã ɖèɖe yea!

²⁹Àmè ɖe le tusì, àmè bu le sɛ̃kpɛ̃, àmè kɛ be ègbè Àpetɔa la sè ò?

³⁰Àmè kè kɔ̀ ye ɖokoe ŋuti wàlɛbɛ kè e tɔ àsi àmèkuku eye be gbà trɔ yì tɔ ɛ̀ àsia, àlè kɛ be la kpɔ lè e mè be e trɔ yì lè èsì ò?

³¹Nèneake àmè kè blananu ɖo yebe àgɔ̀jèje ŋuti vɔ̀a gbà jènà nuvuɛ̃ ŋua ke mèa yebe nubabla mu la ɖe àlè na ɛ̀ ò, eye àmè kɛ la ɖoto yebe kuefã ò?