Read gen Sirasid 46 Bible Online

Sirasid 46 - gen bible

Sirasid 46

¹Yosùa ku Kalɛb Yosùa, Nun be èvia nyi àhùawɔ̀tɔ kãlìtɔ ɖèka. E je Mosè yomè lè gblɔ̃ɖɛtɔ be èdɔ nu eye zɔ̃ ɖo yebe nyikɔa jia, e trɔ zũ àmègã ne bèa hlùɛ̃ Tɔhonɔ̀ be àmècãcãwo, ne bèa dɔ̃ èto na kɛ̃tɔ kèwo sitè ɖo e ŋutia eye Izràɛl ne ɖo yebe ècrɔ̃nua mè.

²Gogo kɛ nyi ye tɔ̀ gà kè mè be kɔ àlɔ̀wo ɖoɖa ji, eye be ɖè èwui ɖo ji ɖo èdùwo ŋuti ɖo!

³Àmè kɛ gɔ̃ tù àdãfɔ̀ tè nène, jè ŋùkɔ̀ na ɛ̀ ò? Nyàwo e ya ye wɔ̀ Tɔhonɔ̀ be àvũwo.

⁴Mu nyi to yebe àlɔ̀ ji ye èwèa tɔtè eye ŋùkèke ɖèka jo trɔ èvè òa?

⁵E fã yɔ Tɔhonɔ̀, Ŋusɛ̃tɔa, gà kè mè kɛ̃tɔwo xa ɛ̀ to àgowo kpata mè, eye Tɔhonɔ̀a xɔ̀ ègbè na ɛ̀ kè be ɖo èsìkpewo ɖo ŋusɛ̃ àdìtì ɖe ɖoɖa.

⁶E lũ ɖo kɛ̃tɔwo be dùkɔ̃a ji, e crɔ̃ àmècrìtɔ kèwo ye mlì ɖì àbùa, àleke be dùkɔ̃wo la jèsi yebe èlãnuwo keŋu, ɖo kè e nyi be Tɔhonɔ̀ ŋuti ye wo sɔ àhùa ɖoa. Nyàwo ye, e zɔ̃ kplɔ̀ àhùakɔ̃wo be Mawu ɖo

⁷eye lè Mosè be ŋùkèkewo ji kea e wɔ̀ ànùkua, sìgbè Kalɛb, Yefune be èvia nène: ekè ne wo sĩkã lè àmèhaa be ŋùmèa wo tu èmɔ̃ na dùkɔ̃a be mu gbà wɔ nuvuɛ̃ ò eye wo na lìhũi lìhũi bàɖàwo tɔtè.

⁸Nènea ye wo àmè èvèawo kpɔ gãgã, woawo ɖèɖe lè gbãdãgbã àfɔ̀totɔ hotu àlɔ̀ ètɔ̃ (600000) mè, gɛ̃ ɖo woabe crɔ̃nua mè, ànyigbã kè ji nyìnɔsi ku ànyisi srànà lè.

⁹Eye Tɔhonɔ̀ na Kalɛb ŋusɛ̃ tɔ̀xɛ kè nɔ̀ e si kaka yi sĩsĩ mè, e na be xɔ̀ èto nyigbã be nutowo mè na yebe jìjimèviwo sìgbè ècrɔ̃nu nène,

¹⁰Nènea Izràɛlviwo kpata la nya be e nyɔ be woa jè Tɔhonɔ̀ yomè.

¹¹Kòjoɖotɔwo cã, zɔ̃ ɖo ɖe sia ɖe be yɔ̀yɔ ji, àmè kèwo kpata mu tàsi woa ɖokoe na àhasì kaka la trɔ lè Tɔhonɔ̀ yomè ò, woabe ŋùɖoa ne nyi sìtu ɖèɖe!

¹²Woabe èpuwo kpɔ̀tɔ̀ lè yɔ̀do mè, co Tɔhonɔ̀ ne na woabe jìjimèviwo ne ɖè woabe nyiɖìɖia fiɔ.

¹³Tɔhonɔ̀ be àmè ɖève, Samuɛl, Tɔhonɔ̀ be gblɔ̃ɖɛtɔ kèa ye li fìɔɖùɖua ɖɛ, e sì àmì na ègawo ɖo yebe dùkɔ̃a nu

¹⁴Sɔ zɔ̃ ɖo Tɔhonɔ̀ be èsea jia, e ɖo kòjo na àmèhaa eye Tɔhonɔ̀ va do àlɔ̀ Yakɔb.

¹⁵To yebe ànùakua mèa e ze gblɔ̃ɖɛtɔ àkoŋùka, lè yebe ènyàwo mèa wo jèsi ì ènukpɔtɔ àdodoe.

¹⁶E fã yɔ Tɔhonɔ̀, Ŋusɛ̃tɔa, gà kè mè kɛ̃tɔwo xa ɛ̀ so ago sia go, eye be sɔ àlɛ̃vi lè ànɔnu wɔ̀ vɔsaa.

¹⁷Tɔhonɔ̀ ɖè ègbè so èji, eye e ɖì lè zigìdi gãɖe mè.

¹⁸E crɔ̃ Tiròviwo be àmègãwo kudo Filistì be èfìɔviwo.

¹⁹Jè ŋùkɔ̀ na àlɔ̃dɔ̃dɔ̃ màvɔa, e ɖù ɖase lè Tɔhonɔ̀ ku yebe àmèsìamìna be ŋùmè be: “Nyè mu zĩ àmè ɖe be ènu ji kpɔ ò, kaka jè àfɔ̀kpa ŋutɔ cã ji”, eye àmè ɖe mu dohùɛ do è kpɔ ò.

²⁰Kè e dɔ̃ àlɔ̃ vɔ̀ cã, e gbà wɔ̀ gblɔ̃ɖɛtɔ be èdɔ eye e sìa èfìɔ so yebe vɔ̀vɔnu ŋuti; so ànyigbã be ètù mèa, e kɔ ègbè yì ji le gblɔ̃ ènyà ɖɛ, sɔ tutu dùkɔ̃a be nuvuɛ̃wo jo.