Read gen Sirasid 49 Bible Online

Sirasid 49 - gen bible

Sirasid 49

¹Yosìas Yosìas be ŋùɖoa nyi hɔ̃huɛ̃ gbigbli kèwo caka, kè nyi àmìhɔ̃huɛ̃ɖàtɔ be èdɔ wɔ̀wɔa. E lè sìgbè ànyisi nène lè ènuwo kpata mè, sìgbè ègbèɖìɖi vivi lè àzãɖùkplɔ̃ ŋuti fikè vɛ̃ sùgbɔ lèa nène.

²E zɔ̃ èmɔ̃ jɔ̀jɔɛ trɔ jìmè na dùkɔ̃a eye e gũ àfɛ̃nu bàɖà wɔ̀wɔwo.

³E trɔ yebe èjì ɖoɖa Tɔhonɔ̀ gbɔ, Wàlɛbɛ kè àmèwo le crì Èsea, e trɔ na ŋusɛ̃ sùmɔ̀ sumɔ àdodoea. Yudà be èfìɔ kpɔ̀tɛawo

⁴Tovò lè David, Ezekìas ku Yosìas ŋutia, èfìɔwo kpata na èsejidàda gbà yì e ji kpe è, ɖoa wo ɖèkɔ̀ lè Jihũitɔa be Èsea ŋuti. Yudà be èfìɔwo bu vĩĩ,

⁵ɖoa wo sɔ woabe ŋusɛ̃a jo na àmè buwo, jo woabe gogoa na àmèjro dùkɔ̃.

⁶Kɛ̃tɔwo tɔ èzò èdù kɔ̀kɔɛ kè Mawu ŋutɔ cãa eye wo na yebe èmɔ̃ wo ci àgba,

⁷zɔ̃ ɖo Yeremìa be ènyà ji, ɖo wo do àyà na ɛ̀, ye ŋutɔ kè wo cã gblɔ̃ɖɛtɔ so kaka ènɔa be àdɔ̀mè, ne bèa hɔ̃ ènu ku èkè, la gbã ènu gbà gble ènu, vɔ̀ bèa tù ènu gbà do ènu cãa.

⁸Ezekiɛl kpɔ gogoa be àvìmènu kè Mawu sɔ fiɔ ɛ̀ lè Kerubìwo be àhùakèkea ji,

⁹ɖoa e ɖo ŋùku kɛ̃tɔwo ji lè gbawɔɛ mè eye e wɔ̀ nyuɛ̃ na àmè kèwo lè èmɔ̃ jɔ̀jɔɛa ji.

¹⁰Gblɔ̃ɖɛtɔ woèvèwo be èpuwo kpɔ̀tɔ̀ lè woabe èyɔ̀dowo mè. Vɔ̀a Tɔhonɔ̀ ne gbìgbɔ ji àmèwo ɖo woa tèpe! Nyàwo, wo do ŋusɛ̃ Yakɔb be àxuedoa eye wo hlùɛ̃ ɛ̀ to ànùkua be ŋùdo ji.

¹¹Àleke wo la kafu Zorobabɛ̀l ɖo, e ye kè lè sìgbè ènujitùnu nène lè ɖùsilɔ mè na Tɔhonɔ̀ ò?

¹²Nèneake e lè na Yosùa Yosedɛ̀k be èvia, woawo ye tù mawuxɔa lè woabe hùènu, eye wo li tèpe kɔ̀kɔɛ ɖe na Tɔhonɔ̀ kè jè na gogo màkpònua.

¹³Nèhemìa be ŋùɖoa cã lòlò, e ya kè gbìgbɔ̀ tù miabe àgbògbò kèwo jo mùa, e gbìgbɔ̀ jra èdùgbowo ku kɔ̀cikɔ̀ciwo ɖo, eye e fɔ̃ miabe nɔ̀pewo ɖotè.

¹⁴Àmè ɖe mu lè ànyigbã kèa ji sɔ̀ ku Henɔ̀k ò, ɖo, e yaa, wo kɔ ɛ̀ jo lè ànyigbã ji.

¹⁵Àmè ɖekpe cã mu nɔ̀ ànyi kpɔ sìgbè Yosɛ̀f nène ò, e nyi ètatɔ na nɔ̀viawo, yebe dùkɔ̃a be àlɔ̀dotɔ. Yebe èpuwo xɔ̀ bùbu.

¹⁶Sɛm ku Set nyi àmè ɖìnyiwo lè àgbètɔwo dòmè, vɔ̀a kè wugã ènu àgbèàgbèwo kpata lè ènuɖoɖowo dòmèa ye nyi Adàm.