Read gen Sirasid 6 Bible Online

Sirasid 6 - gen bible

Sirasid 6

¹Xlɔ̃kadodo Eye mù gbà trɔ zù kɛ̃tɔ na èhlɔ̃ wò ɖo nyikɔ vuɛ̃ hɛ̃nà ŋùkpɛ̃ ku èvlòdo àmè và nà; ɖo eye nyi àgbètɔ kè mu ɖo èsè ku xɔ̀sè ò eyè be nyi àɖè vènɔ̀.

²Ŋù gbà na èjì wò ne ɖù ji ò ne mu nyi nène ò à ŋusɛ̃ wòà la bu ɖiwàa

³eye àti pupu be nɔnɔ̃mè kpɔè la nɔ̃ àsi wò sìgbè àti ke hlɛ̃ yebe àmàkpa ò eye be do kpò èkù sɛ̃sɛ̃.

⁴Sèsè lè lãmè bàɖa kplɔ̀nà amè yì nà crɔ̃crɔ̃ mè na yebe kɛ̃tɔwo be jìjɔɛ kpɔkpɔ. Èhlɔ̃ bàɖa ku nyuɛ̃

⁵To àɖemè vivimea wò je na ehlɔ̃ sùgbɔ eye ènyà àdodoea nana èkà dòdo nyuɛ̃.

⁶Wò tèŋu nɔ hɔ̀ ègbè ne àmè sùgbɔ vɔ̀à ɖèka lè kawui vɔ àtɔ̀ mèa ne nyi àpo ètà pòɖotɔ.

⁷Do àmè kpɔ gbɔ̀ hùe àjè èhlɔ̃ kui eŋùa ŋutia mù gba pò èjì kù ɖo eŋuti kaba o.

⁸Èhlɔ̃ ɖewò le ɖo gàmè ɖe kpò ŋuti, vɔ̀à ne wò jè tètèkpɔ mèa wo kànà hlɛ̃ keŋu keŋu.

⁹Èxlɔ̃ ɖe lè, kè trɔna àmè be kɛ̃tɔ ne àmè gɔ̃mè ɖèɖe ŋuti ne bèa sɔ do vlò wò.

¹⁰Èxlɔ̃ ɖe lè kè la nɔ ɖùnu ku wò lè èkplɔ̃ ŋuti vɔ̀a wò la ji ì do kpò lè xixa gbè.

¹¹Lè àzã nyuɛ̃wo gbèà ela nɔ̃ sìgbè wò ŋutɔ nène la nɔ̃ ɖè gbè ɖo sumɔ̃vi wò wo ji.

¹²Vɔ̀à lè gbledò be gàmèa, e la sitè ɖo ŋuti wò eye wò la ji do kpò.

¹³Nɔ̃ àzɔ̀ge na kɛ̃tɔ wò eye jè àyè ne àmè kè woe yɔ woaɖokoe be èhlɔ̃ wò.

¹⁴Èxlɔ̃ ànùkua mèa nyi àjɔ sùsui ɖè ne wò kè ɖo eŋutia elè sìgbè be wò fɔ̀ àdɔ̀kù nène

¹⁵Èxlɔ̃ ànùkua mèa, wu ènu kè wo ma teŋu do àsì na ò.

¹⁶Ele sìgbè àgbè be àti ke Tɔhonɔ̃ jràɖo ɖɛ ne yebe ànùkua mèwo.

¹⁷Àmèke vɔ̃na Tɔhonɔ̃a jèna èhlɔ̃ nyũɛ ɖo lekè be lèa nènea kè èhlɔ̃a cã nɔ̀na yeŋu. Kpla ènù so anyàsã ŋuti

¹⁸Èvi nyè, na woa fìɔ̀ wò ènu so àpo ɖèvi me eye la na be, ne wò va fũ èwà à, wò la ɖo ànyasã.

¹⁹Sigbe ènùŋlɔ̃tɔ kudo ènù dotɔ nènea, tete gogoè eyè wò la ɖu yebe èku sɛ̃sɛ̃ nyũɛ̃wo. Ɖo wò ble sìgbè àgble nène, to aya ɖuɖu me vɔa kpoeɖe wò la ɖu yebe nukuwò.

²⁰Anyasã nyi ènu sɛ̃ŋu ɖe ne ame ma nyã nu ɖo amekè mu nya ènu o wà mu drɛ̀ na avũ ɖekpe ò.

²¹Elè naɛ sìgbè èkpe ke be la kɔ yi jia nène, ne bèa do yebe ŋusɛ̃ kpɔ, vɔ̀à la gbà dɛ ŋùgbe kaka.

²²Ànyasã jè na yebe nyikɔ a, eye àmèvi ɖewo kpò si be sùna.

²³Ɖoto ne wòa sè; evi nye; mù gbà gbe ètò pòɖo nyè a ò.

²⁴Sɔ àpo àfɔwo ɖo yebe kɔ̀sɔ̀kɔsɔ mè eye yebe èkà ne nɔ̃ èkɔ̀ na wò.

²⁵Kɔkɔɛ ɖo àpo àbɔtà eye mù gbà do kpo tɛtɛ ɖo e ŋuti ò.

²⁶Sɔ àpo èjì kpata sɔ hɔ̀ɛ eye a sɔ apo ŋusɛ̃ wò kpata zɔ̃ yebe èmɔ̃ wo ji.

²⁷Ji èmɔ̃ naɛ eye e la ɖè yeɖokòe fiɔ wò; eye ne wò leà mù gbà ɖe àsi lè e ŋuti ò.

²⁸Ɖoa lè vɔ̀vɔnua wò la kpɔ jɛ̃gbɔ̃gbɔ̃ lè egbɔ eye e la trɔ zũ jijɔɛ na wò.

²⁹Eŋũã yebe kɔ̀sɔkɔsɔ̀ kèwo mè wò sɔ àfɔ̀wò pòɖoa, la trɔ zũ àkpo hɔ̀nu sɛ̃ŋu na wò eye yebe èkà kè lè èkɔ̀ na wòà la trɔzũ gogo be jèsi na wò.

³⁰Yebe kɔ̀kùtia nyi sìka be àcɔ̃ ɖonu eye kɔ̀sɔkɔsɔ̀wo le nyi ègoji blanu hɔ̀àsì na wò.

³¹Wò la sɔ̀ ɛ do sìgbè gogo be àwù nène eye wò la cɔ̃ ɛ sìgbè jègba nène.

³²Èvi nyè, ne wò jia, wò la kpla ènù eye ne wò sɔ àpo èjì kùɖo eŋutia wò la nyi àmè nyã ènù.

³³Ne wò lɔ̃ nà ètò ɖoɖoa, wò la kpla ènù eye ne wò sèna ènùa wò la ɖo anyàsã.

³⁴Nɔ̀ tè gogo àmè kèwo ŋɔ̃ jè ènù ŋutia eye àle ànyasã be ènù ke wò le fiɔ wòa mè ɖo àsi.

³⁵Sɔ èjrò nyuɛ̃ ɖo to àgbè nyà eye mù gba na ènyà adodoe ɖekpe bèa to ŋuti wò ò.

³⁶Ne wò kpɔ àmè nyã ènù ɖea, pu dù kplɔ̀ɛ̀ do eye àpo àfɔ̀ mù gba ɖɛ̀ lè yebe àgbo nu ò.

³⁷Nɔ bù tàme sò Tɔhonɔ̀ be ɖoɖo ŋuti eye ale ŋùku ɖo yebe èseawo ŋuti eye yeŋutɔ la na àpo èjì la likè eye ànyàsã ke wò le jia la sù àsi wò.