Read gen Sirasid 8 Bible Online

Sirasid 8 - gen bible

Sirasid 8

¹Àyè jèjè Mù gbà kpe ènya kudo àmè ke si ŋusɛ̃ lè ò ne wò mu gbà va jè yebe àlɔ̀ me ò.

²Mù gbà wɔ̀ àjrè kudo ècitɔ ò, ne be a va tɔ̀ be e ɖo kpɛ̃kpɛ̃ mè wu wò. Ɖoa sìka gble àmè sùgbɔ kaka etrɔ èfìɔ̀wo ŋutɔ cã be èji.

³Mù gbà do ènu àmè kè pò nà nupo fũu a be ènyã mè ò, eye mù gbà kɔ̀ ànakè ɖo yebe èzòà mè ò.

⁴Mù gbà ɖè àlɔmè lè kplamàse ŋuti ne be a va yì zù tɔgbe wòwo ò.

⁵Mù gbà hɛ̃ ènya ɖo àmè kè jèsi yebe àgɔ jeje ŋuti ò, ɖo ŋùkui be mia kpata àgɔ̀jètɔwo ye mi nyi.

⁶Mù gbà do vlo àmè kè ku àmegã ò, ɖo àmè ɖewo lè mia dòmè jè àmègã kuku be èmɔ̃ ji vɔ̀.

⁷Àmè ɖe be ku mu gbà do jìjɔɛ na wò ò, ɖo ŋùku be mia kpata mi la va ku.

⁸Mù gbà sɔ ànyasã mèwo be ènu fiɔfiɔ dà ŋugbe ò, ɖo ŋùku woabe àlobalòwo ji. Ɖo, to emèa, wò la kpla leke wò sumɔ̃ na àmè ŋùkutawo.

⁹Mù gbà sɔ amɛgãxowo be ènu nyã sɔ do toku mè ò, ɖo woa cã wo xɔɛ sò woabe àjìtɔwo gbɔ. Woawo gbɔ ye wò la kpla ènù sùgbɔ lè ne wòa teŋu ɖo ènyã ŋuti lè àmè huènu.

¹⁰Mù gbà do àdã tamè ne àmè jè àgla ò, elè sìgbè be ɖe, wò le do èzo ɖe kè la va fiɔ̃ wò ŋutɔa nène.

¹¹Mù gbà do àɖìka ku jìmàkpla ɖe ò, ne be a va sɔ àpo ènu mè nyã sɔ ji ènyã na wò ò.

¹²Mù gbà do èci wò na àmè sɛ̃sɛ̃ ɖekpe ò, ɖo wò mù le ja teŋu kpɔɛ xɔ̀ lè esi ò.

¹³Mù gbà do àlɔ amè ɖe wu gã apo ŋutete ò, ne mu nyi nène ò à, wò la yi tu èfɛ̃ kè wò mù ɖù ò à.

¹⁴Mù gbà kplɔ̀ kòjoɖotɔ yì kòjo mè ò, ɖo yebe ènyã la ɖù ji wò ɖo nyikɔ kè lè esia ŋuti.

¹⁵Mù gba zɔ̃ èmɔ̃ ku àme kè ma nɔ̃ ànyi kpo ò, ne mu nyi nène ò à, e la kplɔ̀ wò do ènyã kè la kplɔ̀ wò yì èku mèa mè.

¹⁶Mù gbà wɔ̀ àjrè ku àmè jè àgla ò, eye mù gbà na bè a kplɔ̀ wò to zogbe mɔ̃ ji ò. Ɖoa ŋuɖekpe mù lè funùa kè la tu èmɔ̀ ne àpo wùwu ò.

¹⁷Mù gbà wɔ̀ ɖoɖo ɖekpe ku yàkàmè ò, ɖo ma teŋu bɔ̀nu ɖo ènyã wlawlawo ji ò.

¹⁸Lè àmèjro be ŋùku mèa, mù gbà wɔ̀ wawla mè nu ɖekpe ò, ɖoa wò mu nya yebe èdɛ̃ hàɖe ò.

¹⁹Mù gbà hũ àpo èjì mè ne àmè ɖekpekpe kpò ò, ɖoa wo mu le ja va nyɛ na wò ò.