Read gen Ezayà 12 Bible Online

Ezayà 12 - gen bible

Ezayà 12

¹Dùkɔ̃ kpɔ vòvo, wò la gblɔ̃ lè àzã ŋua gbè be: “Mù le doàkpe na wò, Oò Tɔhonɔ̀! Ɖo mù wɔ̀ ènu jè àgla kè jè na ètodɔ̃a ɖo ŋuti wò sãa, vɔ̀ fifìa, àpo jìbi be àdãa nu fa eye wò ɖo àsi àkɔ na mù.

²Mì kpɔ Mawu kè hlùɛ̃ mù gãa, mù ɖè èjì ɖɛ, nyè mu gbà le vɔ̃ ke ò. Ɖo àpe ŋusɛ̃ be zũ ye nyi Tɔhonɔ̀, e ye kpò mì la nɔ kafu. E nyi àpe hlùɛ̃tɔ.”

³Mì la yì kù èsì lè jìjɔɛ mè lè hlùɛ̃gã be èsìdoa to.

⁴Eye mì la gblɔ̃ lè àzã ŋua gbè be: “Mì lòlò Tɔhonɔ̀ be nyikɔ, mì mlã ɛ̀, mì do àpa gblɔ̃ ènu kè Tɔhonɔ̀ wɔ̀a na dùkɔ̃wo kpata.

⁵Mì sɛ̃ Tɔhonɔ̀ ku kafu-hawo, ɖo e wɔ̀ ènu jɔ̀ àsuwo. Mì gblɔ̃ wo na dùkɔ̃wo kpata!”

⁶Èwò Ziɔ̀n-vi, do jìjɔɛ be àpa, do àpa ku jìjɔ̀jɔɛ! Ɛ̃ɛ, Mawu, Izràɛl be àɖèsã trì àkɔ. E lè mìa dòmè.