Read gen Ezayà 52 Bible Online

Ezayà 52 - gen bible

Ezayà 52

¹Fɔ̃ Ziɔ̀n, fɔ̃! Ɖè ŋusɛ̃ wòa fiɔ! Yèruzàlɛm èdù kɔ̀kɔ̀ɛ. Do àpo àwù xɔ̀asìwo, ɖo àmèjrowo, àmè mà-kɔ̀ mà-kɔ̀wo mu la gbà va gbɔ wò gbèɖe ò.

²To lè hùhũa mè ne wòa kplɔ̀ ŋuti. Sitè gbà ne wòa trɔ nɔ̀ tèpe wò, Yèruzàlɛm, àhùale! Ɖè èkɔ̀kùti wòawo jo, èwò Ziɔ̀n, àhùale!

³Ɛ̃ɛ, nène ye Tɔhonɔ̀ gblɔ̃ na yebe dùkɔ̃a be: “Wo sà mì sìgbè èkluviwo nène ɖo àcì ji, wo la xɔ̀ mì plè èfɛ̃ ɖe màtu.”

⁴Tɔhonɔ̀ gbà gblɔ̃ be: “So gɔ̃mè jèjea, Ejiptè ye dùkɔ̃ nyèa sò yì ci. Lè vɔ̀vɔnua, Àsirìa ye yì zĩ ì ɖo ànyi.

⁵Eye fifìa, àlè kɛ ye mù ɖù ò? Tɔhonɔ̀ ye gblɔ̃ ɛ̀. Wo kplɔ̀ dùkɔ̃ nyèa àhùale yì gàtɔnugbe ɖo àcì ji. Àmè kèwo ɖù woa jia le do jìjɔɛ be àpa eye wo le dà [9] àpe nyikɔ ɖo ànyigbã mà jìjɔ.

⁶Ekèa ŋuti ye dùkɔ̃ nyèa la nya àmè kè mù nyia gbè ɖèka. Ɛ̃ɛ, e la nya be mù nyi àmè kè gblɔ̃ be: Ènyè ye kè!”

⁷Jìjɔɛ gãɖe ye e la nyi lè ètowo ji, kè mi sè àŋɛ̀dotɔwo be àfɔ̀zĩa. E hɛ̃ àŋɛ̀ nyuɛ̃ ɖe va na mi. E le do ŋuti fàfa, nyɔna kudo hlùɛ̃gã be àŋɛ̀. E le gblɔ̃ na wò Yèruzàlɛm be: “Àpo Mawu ye nyi èfìɔa.”

⁸Ɖo èto àpo bèkpɔɛawo be ègbè. Wo le do jìjɔɛ be àpa, ɖo woabe ŋùkuviwo ŋutɔ ye le kpɔ Tɔhonɔ̀ le trɔ va Ziɔ̀n.

⁹Yèruzàlɛm be èglìkpowo, mì do jìjɔɛ be àpa. Tɔhonɔ̀ trɔ le na ŋùɖo yebe dùkɔ̃a. E trɔ xɔ̀ Yèruzàlɛm plè.

¹⁰Tɔhonɔ̀ ɖè yebe àbɔ sɛ̃sɛ̃a fiɔ lè dùkɔ̃-pòpuwo kpata be ŋùkɔ̀. Eye ànyigbã be nukpòpewo kpata la kpɔ miabe Mawu a be hlùɛ̃gã.

¹¹Mì jè èmɔ̃ ne mìa yì, mì to lè funua, mì mu gbà tɔ àlɔ̀ ènu mà-kɔ̀ mà-kɔ ɖekpe ò. Mì to lè Babɛ̀lviwo dòmè ne mìa kɔ̀ mìa ɖokoewo ŋuti, mì àmè kèwo hɛ̃nà mawuxɔa mè be sɛ̃sɛ̃ be ènuwo.

¹²Fifì ya, mì mu la gbà jo kplà, lè jicici mè ò. Mì mu la gbà jo lè ànyigbã ji sìgbè àmè kèwo le sia nène ò. Nyàwo, Tɔhonɔ̀ ŋutɔ ye la xɔ̀ ŋùkɔ̀ na mì, eye Izràɛl be Mawu a la xɔ̀ ŋùgbe na mì, lè mìabe zɔ̃zɔ̃ mè.

¹³Sumɔvi nyèa la kpɔ jiɖùɖu ɖɔɖɔ. E la xɔ̀ gogo kè wu kpɔ̀tɛawo keŋuã, kudo bùbu tɔ̀xɛ.

¹⁴Vɔ̃vɔ̃ la jè àmè sùgbɔ kèwo le kpɔ ɛ̀a ji ɖo yebe ŋùmè mu gbà nya kpɔkpɔ klua ò. Mu gbà ɖì àgbètɔ be vi cã ò.

¹⁵Nène ye fifìa, yebe ènu la wɔ̀ ŋùdã na dùkɔ̃ sùgbɔ. Èfìɔwo be ènu la ku lè yebe ŋùkɔ̀, ɖo wo la kpɔ ènu kè be àseŋu wo mu kã na wo sã ò eye wo le kpɔ ènu kè be ènyà wo mu gblɔ̃ na wo va yì òa.