Read gen Ezayà 59 Bible Online

Ezayà 59 - gen bible

Ezayà 59

¹Aò! Tɔhonɔ̀ mu gbɔjɔ kaka ne bèa hlùɛ̃ mì ò. Yebe èto mu tu kaka ne bèa sè mìabe ègbè ò.

²Vɔ̀a mìabe àgɔ̀jèjewo ye hɛ̃ mamã va mìa ku Mawu dòmè. Mìabe èvuɛ̃wo ye na be e trɔ ŋùgbe do mì eye mu gbà le ɖo èto mìabe ègbè cã ò.

³Mìabe àlɔ̀wo pò èhũ, mìabe àlɔ̀wo wɔ̀ ènu màye màyewo. Mìabe ènu gblɔ̃nà àjèɖànya ku ènyà kpòtoewo.

⁴Mì donahùɛ do àmè kpò ɖo àya mè. Mì mu sònà jɔ̀jɔɛ sɔ zɔ̃ ɖo nyàwo ji ò. Mì kãna ɖo ènu mà-ɖo ètùwo ji eye mì gblɔ̃nà àjèɖànyàwo. Èvuɛ̃ lifɛ̃ ɖo mìa mè eye e jìnà gbledo.

⁵Èdã be àzì ye mì pònà eye wo gbà lɔ̃nà èyeɖɔwo. Àmè kè ɖù mìabe àzìa la ku, ɖo Jàkpàtàvi ye mìabe àzìwo pònà.

⁶Mìabe èkàwo mu la teŋu lɔ̃ àvɔ kaka wo la sɔ cɔ̃ ò. Ènu gbegble kpò mì wɔ̀nà. Eye ɖoɖo vuɛ̃wo ye lè mìa si.

⁷Mìabe àfɔ̀wo lè èdùsisi ji tùtà èvuɛ̃ mè. Mì lè èbla ji la kɔ̀ èhũ ɖɛ. Mìabe sùsuwo nyìnyɔ̀. Eye èkunyànyrã ku àŋùjawo ye mì gblena ɖo mìabe àfɔ̀topewo.

⁸Mì mu nya ŋuti fàfa be èmɔ̃ ò, eye jìjɔɛ mu lè mìabe topewo ò. Mì glɔ̃na èmɔ̃ nana àmè kèwo jè mìa yomè a. Eye àmè kè to funua, mu kpɔna ŋuti fàfa gbèɖe ò.

⁹Ekèa ŋuti Mawu ɖè èkɔ̀ lè mia ŋuti eye mu gbà le sò jɔ̀jɔɛ na mi ò. Mi lè ŋùɖo mè na kɛ̃klɛ̃ kɔ̀kɔ̀ɛ vɔ̀a, mi kpɔ̀tɔ̀ lè vìvìti mè; mi le nɔ̀tè kpɔ èŋù be kèke, vɔ̀a, mi kpɔ̀tɔ̀ le zɔ̃ lè èzã mè.

¹⁰Mi le le èglì sìgbè ŋùvìnɔ̀wo nène. Mi le ji èmɔ̃ sìgbè àmè kèwo mu le kpɔ ènu nyuɛ̃ ɖe òa nène. Dɔ̃ŋùkusu jàse ye mi le klɛ̃nu le jè ànyi sìgbè èzã mè nène. Mi lè àgbè, le sɛ̃sɛ̃ɖe, vɔ̀ jo lè sìgbè àmè kukuwo nène.

¹¹Mi wɔ̀nà àdã sìgbè sisiblìsiwo nène, eye mi gbà ŋɛ̃nà kòɖò sìgbè àhɔ̃newo nène. Mi lè ŋùɖo mè na Mawu be jɔ̀jɔɛ sòso vɔ̀a, mu le kè ènu do e mè na mi ò. Mi le nɔ̀tè kpɔ yebe hlùɛ̃gã vɔ̀a, e kpɔ̀tɔ̀ lè boo lè mia gbɔ.

¹²Tɔhonɔ̀, mi mu sènà ètonu na wò eji-eji ò. Miabe èvuɛ̃wo le dohùɛ do mi. Miabe àglajèjewo lètè gãa lè ŋùmè na mi, eye mi nyana miabe àgɔ̀jèjewo.

¹³Mi sitè ɖo Tɔhonɔ̀ ŋuti eye mi gbe wò klua. Mi si jo lè miabe Mawu a gbɔ boo. Mi ɖikina mia nɔ̀viwo vɔ̀, gbà jènà àgla; Àjèɖàɖa sɔ̃ŋuwo ye ɖɔ miabe èjì kudo sùsuwo.

¹⁴Nène a ye jɔ̀jɔɛ sòso si yì ŋùgbe eye jɔ̀jɔɛ wɔ̀wɔ lè boo lè mia gbɔ. Nyàwo toto dɛ̃ lè èha dòmè eye ànùkua wɔ̀wɔ mu gbà lè ò.

¹⁵Ɛ̃ɛ, nyàwo toto bu eye àmè kè ji la na àsà èvuɛ̃a, ye wo hlànà ɖù. Tɔhonɔ̀ kpɔ ènu kèa kpata. E kpɔ be jɔ̀jɔɛ mà nɔ̀ ànyi a, nyi ènu bàɖà.

¹⁶Ekè e kpɔ be àmè ɖe mu lè kè la xɔ̀ ènyà gblɔ̃ òa, e wɔ̀ ŋùdã na ɛ̀ be àmè ɖekpe mu le gblɔ̃ ènyà ɖe ò. Ye ŋuti e ɖo è be, yè ŋutɔ yèa ɖè yèbe àbɔ sɛ̃sɛ̃a fiɔ. Ɛ̃ɛ, yebe jɔ̀jɔɛ wɔ̀wɔ ye na ɛ̀ mɔnu kpɔkpɔ kèa.

¹⁷E sɔ jɔ̀jɔɛ wɔ̀wɔa sɔ do sìgbè àhùawɔ̀nu nène; E cɔ̃ hlùɛ̃gã be kukua eye e sɔ èhlɔ̃biɔbiɔ be àwùa sɔ do. Eye àvũ wɔ̀wɔ be àdã jè e ji.

¹⁸E la ɖo e tèpe na àmè sia àmè zɔ̃ ɖo yebe wɔ̀nawo ji. Yebe jìbibi be àdã la jè kɛ̃tɔwo ji eye e la dɔ̃to na wo veveɖe kaka jè ètɔ̀dòmèkɔ̃ɛ̃tɔwo ŋutɔ cã ji.

¹⁹Nène a ye wo la vɔ̃ Tɔhonɔ̀ so èwèzɛ̃pe va yì èwèɖoxɔ̀pe eye wo la na ɛ̀ gogo. Ɖo Tɔhonɔ̀ la va sìgbè ètɔ̀ sàsra nène to bàlì miɔ̃-miɔ̃ mè eye ye ŋutɔ be àya sɛ̃sɛ̃a ye la nɔ do èdù na ɛ̀;

²⁰Tɔhonɔ̀ la va Yèruzàlɛm sɔ hlùɛ̃ Izràɛlvi kèwo trɔ èjì mèa gã. Tɔhonɔ̀ ŋutɔ ye gblɔ̃ ɛ̀.

²¹E gbà sɔ kpe è be: “Kpɔɖa zòɖùɖu kè mù wɔ̀ kudo woa ye nyi be “Àpe gbɔ̃gbɔ̃a lè ji wò eye àpe ènyà kèwo mù sɔ do ènu mè na wòa, mu gbà dɛ̃ èwò gbèɖe kaka la dɛ̃ àpo jìjimèviwo be jìjimèwo ò.” Tɔhonɔ̀ ye gblɔ̃ ɛ̀ so fifì kaka sɔ yì.