Read gen Ezayà 64 Bible Online

Ezayà 64 - gen bible

Ezayà 64

¹Wò la kè nɔ̀ sìgbè èzò kè le bì àvewo, àlo kè na èsìwo le fìɔa nène. Eŋuã mè ye wò la ɖè ɖokoe wò fiɔ àpo kɛ̃tɔwo lè. Dùkɔ̃wo la hũhũ lè ŋùkɔ̀ na wò.

²Ne wò le wɔ̀ ènu gãgã jiŋɔwo vɔ̀a mi mu le ɖoto wò òa, wò ɖiɖina va èdò eye ètowo hũhũna lè ŋùkɔ̀ na wò.

³Gbèɖe! Àmè ɖe mu sè kpɔ, àlo nya kpɔ, àlo kpɔ kpɔ be mawu ɖe wɔ̀ ŋusɛ̃-dɔ kèa kpɔ na àmè kèwo dojì ɖo e ŋutia ò.

⁴Wò va donagò àmè kè le sò jɔ̀jɔɛ lè nyàwo toto mèa, àmè kè le zɔ̃ lè àpo èmɔ̃ ji gbà lè ŋùɖo mè na wòa. Vɔ̀a kè mi trã èmɔ̃a, wò do àdɔ̀mèze ɖo mia ŋuti. Ɖo àpo èmɔ̃wo ji mi ɖo la nɔ̀ sɔ kpɔ gãgã.

⁵Mia kpata, mi nɔ̀ sìgbè ènu mà-kɔ̀ mà-kɔ nène va yì eye miabe wɔ̀nawo cã nyɔŋu. Àgɔ̀ jèjewo na mi zũ sìgbè àmàkpa kèwo yrɔ̀a nène. Miabe èkunyànyrã kplɔ̀ mi le yì sìgbè àya nène.

⁶Àmè ɖekpe mu gbà le biɔ àlɔ̀do so gbɔ wò ò, àmè ɖe cã mu gbà le ɖoŋù ɖo ŋuti wò ò. Nyàwo, wò mu gbà le ji la kpɔ mi ku ŋùku ò, wò ɖè àsi lè mia ŋuti eye mi ci èvuɛ̃ si mè.

⁷Co Tɔhonɔ̀, èwò ye nyi mia Tɔ, mi kpɔ̀tɔ̀ le nyi ànyikɔ kè wò la na nɔ̀nɔmè kè jro wòa. Àpo àlɔ̀nudɔwo sɔ̃ŋu ye mi nyi.

⁸Tɔ̀wòjɔ̀, mù gbà bijì do mi kaka sɔ yì ò, Tɔhonɔ̀. Mù gbà ɖo àɖì miabe àgɔ̀wo ò. Vɔ̀ kpɔ be miawo ye nyi àpo dùkɔ̃a.

⁹Àpo èdùgã kɔ̀kɔ̀ɛwo trɔ zũ zògbè, Yèruzàlɛm ci puplu eye Ziɔ̀n trɔ zũ èglìkpowo ɖèɖe eye àgbè nu sò lè funua.

¹⁰Èzò bì àpo àxue kɔ̀kɔ̀ɛ kè mè mia tɔgbewo jìnàhà lè sɔ kanafu wòa. Ènu kè dona jìjɔɛ na mia, trɔ zũ ènu gũgũ.

¹¹Wò lè gbledo kèawo be ŋùkɔ̀a? Wò la bɔ̀nu kaka ye mi la ci ŋùkpɛ̃ kèa mè yì ɖo baa?