Read gen Levìwo 12 Bible Online

Levìwo 12 - gen bible

Levìwo 12

¹Tɔhonɔ̀ pò nupo na Mosè, eye be gblɔ̃ na ɛ̀ be:

²To na Izràɛlviwo be: “Ne nyɔ̃nù ɖe fɔ èfu, eye be jì ŋusùvia, e la nɔ̀ màkɔ̀ màkɔ ŋùkèkè adrɛ̃, kè sɔ̀ ku lekè àsi-ɖo-ànyi dìdìnà ɖoa.

³Ŋùkèkè ènyigɔ̃a gbèa, wo la sò èvo na ɖèvia[20].

⁴E yomè a, nyɔ̃nùa la nɔ̀ èxɔ̀ mè, ŋùkèkè ègbãvɔ ètɔ̃, sɔ kɔ̀ ye ɖokoe ŋuti, ɖo èhũ kè be gũa ŋuti. Mu la tɔ àsi ènu ɖe ŋuti ò, eye mu la ɖo kɔ̀kɔ̀ɛpea, kaka ne gà kè mè be wu yebe ŋuti kɔ̀kɔ nu ò.

⁵Ne nyɔ̃nùvi ye be jìa, e la nɔ̀ màkɔ̀ màkɔ, kuasiɖa èvè, sìgbè gà kè mè be le ɖo àsi ànyia nène. E yomè a, e la nɔ̀ èxɔ̀ mè ŋùkèkè èkàtakpo ci àdɛ̃, sɔ kɔ̀ ye ɖokoe ŋuti, ɖo èhũ kè be gũa ŋuti kaka na gà kè mè be wu yebe ŋuti kɔ̀kɔ nua.

⁶Ne nyɔ̃nùa be ŋutikɔ̀kɔ be hùenua wu e nu na yebe ŋusùvi, àlo, na yebe nyɔ̃nùvia vɔ̀a, e la hɛ̃ ènumème vɔsa be àlɛ̃vi kè ɖo èpè ɖèkaa ku èvuɛ̃ sɔsɔkè be vɔsa be àhɔ̃ne, àlo, peplelu ɖèka, va na hũbonɔa, lè Ègòdodo be gòxɔa mɔnu.

⁷Hũbonɔa la sɔ wo ɖo Tɔhonɔ̀ be ŋùkɔ̀, eye ne hũbonɔa wɔ̀ èvuɛ̃ sɔsɔkè be èkɔ̀nua na nyɔ̃nùa, nyɔ̃nùa be ŋuti la kɔ̀ so èhũ kè be gũa mè.” Ekèawo ye nyi ɖoɖo kèwo lè nyɔ̃nù kèwo jì ŋusùvi, àlo, nyɔ̃nùvia ŋuti.

⁸Ne nyɔ̃nùa mu la teŋu kpe àlɛ̃vi ji ò a, e teŋu hɛ̃ àhɔ̃ne èvè, àlo, peplelu èvè va; wo la sɔ ɖèka wɔ̀ ènumème vɔsa, eye, wo la sɔ èvègɔ̃a wɔ̀ vɔsa ɖo èvuɛ̃ ta.”