Read gen Àlenanawo 5 Bible Online

Àlenanawo 5 - gen bible

Àlenanawo 5

¹Aò, Tɔhonɔ̀! Ɖoŋù ènu kè jɔ̀ ɖo mia jia! Ɖè èkɔ̀, ne wòa kpɔ miabe ŋùkpɛ̃ ɖa.

²Miabe ècrɔ̃nuwo gɛ̃ jè àmèjrowo si mè, miabe àxuewo ci èdù bu mètɔwo si.

³Mi trɔ zũ ècɔɛviwo, ètɔ mu lè mia si ò, mia nɔ̀wo zũ àhòsìwo.

⁴Èsì kè mi nùnàa, mi plènà ɛ̀ ye, eye èci ye mi tuna ɖo miabe ànakè ta.

⁵Àmè kèwo le tĩ mia yomè a lè ŋùgbedòmè na mi, ènu tìkɔ̀ na mi, eye wo mu na, mi gbɔ̃jɛ̃ ò.

⁶Ne mia teŋu ɖù ènu la ɖɔpòa, mi jo èta na Ejiptè ku Asur.

⁷Mia tɔwo wɔ̀ ènuvuɛ̃, vɔ̀a, fifìa, wo mu gbà lè ò. Egbèa, woabe ètodɔ̃ lè mia ji.

⁸Kluviwo ye nyi àmègãwo lè mia nu, eye àmè ɖekpe mu lè, la jo mi lè woa si ò.

⁹Miabe àgbè mi le sà, sɔ le ɖùnu, ɖoa, èwuiwo lè zògbè a ji.

¹⁰Àdɔ̀ wù àmè na be miabe ŋutilã mè xɔ̀zò, sìgbè èkpozo mè nène.

¹¹Wo gble nyɔ̃nùwo lè Ziɔ̀n, ku tùgbɛ̀jɛwo lè Yudà be èdùwo mè.

¹²Wo sɔ woabe àlɔ̀wo do èkà ève na àgbònùglawo, eye wo mu ɖo bùbu na àmè sĩsĩwo ò.

¹³Wo zĩ ɖèkajɛwo ji be woa[1] tù èwɔ lè ète ji, eye ɖèviwo le jè ànyi lè ànakè-gbãa gɔ̃mè.

¹⁴Àmè sĩsĩwo hũ jo lè àgbònùglawo dòmè. Eye ɖèkajɛwo hũ jo lè èhũpòpewo.

¹⁵Jìjɔɛ hũ jo lè miabe èjìwo mè, Miabe èwèɖuɖua trɔ zũ èfũlòlo.

¹⁶Miabe fìɔkukua gɛ̃ lè èta na mi. Hèlu na mi, ɖoa mi wɔ̀ ènuvuɛ̃!

¹⁷Ekèa ŋuti ye miabe èjìwo le gbɔjɔ ɖo, Ekèa ŋuti ye miabe ŋùkuviwo le ci vĩi ɖo.

¹⁸Ziɔ̀n be ètoa tamè ci àma, eye wɛ̀tɛ̀klɛ̀wo doxa ɖo e ji.

¹⁹Gãkea, èwò, Tɔhonɔ̀ yaa, wò le ɖùfìɔ tɛ̀gbɛ̀, eye àpo èfìɔɖùɖu le yì e ji, so jìjimè, yì jìjimè.

²⁰Vɔ̀a, nukɛ ŋuti wò le ŋlɔ̀be mi lekea ɖo ò? Nukɛ ŋuti wò gble mi ɖɛ dìdi ɖe lekea ɖo ò?

²¹Aò, Tɔhonɔ̀! Gbìgbɔ̀ dɔ̃ mi ɖo ŋuti wò, ne mia trɔ gbɔ̀! Gbìgbɔ̀ wɔ̀ mi yeye ɖo àgbè kè mi nɔ̀ na wò sãa nu jro!

²²Àlo, wò jo gbe mi keŋu-keŋu, ku àdɔ̀mèze gbogbo ŋuaa? Wò gbà le bijì do mi wunu è!