Read gen Ezekìɛl 15 Bible Online

Ezekìɛl 15 - gen bible

Ezekìɛl 15

¹Eye Tɔhonɔ̀ be ègbèa ɖì na mù gblɔ̃ be:

²“Èwò àgbètɔ, wò susu be vɛ̃ti[4] be àtia ɖo àsìxɔ̀xɔ wu àve mè be àti kpɔ̀tɛawoa?

³Wo la teŋu sɔ yebe àtia sɔ wɔ̀ àlɔ̀nudɔ ɖe a, wo la teŋu sɔ ɛ̀ ka ɖo èglì ŋuti, la sɔ ènuɖàgànu sɔ kù ìa?

⁴Aò, e nyɔ kpò na èzòdodo. Wàlɛbɛ kè èzòa la bì yebe ènugbɔ èvèa eye dòdòmèa la ci èzò be ètùmèa, ènu ɖe la gbà teŋu kpɔ̀tɔ̀a?

⁵Kaka kè e kpɔ̀tɔ̀ lè bliboa, mu lè èbò ɖe nu ò. Fifì kè èzò bì ì keŋuã, wo la teŋu sɔ ɛ̀ wɔ̀ ènu ɖe a? Kpao!

⁶Ekèa ŋuti ye kpɔɖa ènyà kè Tɔhonɔ̀ Mawu gblɔ̃a ye nyi ekèa be: woa lɔ vɛ̃ti kɔ̀ ɖo èzò mè ne bèa fiɔ̃. Nène a ke mù la wɔ̀ kudo Yèruzàlɛm be dùkɔ̃a.

⁷Mù la sitè ɖo woa ŋuti. Wo la susu be yèwo si lè èzò nu, vɔ̀ èzò ŋua ke la fiɔ̃ wo. Mì la nya ɛ̀ be ènyè ye nyi Tɔhonɔ̀ Mawu wàlɛbɛ kè mù la wɔ̀ ɛ̀ ku woa.

⁸Mù la trɔ woabe ànyigbã wɔ̀ zògbè, ɖo wo mu wɔ̀ ànùkua na mù ò. Ènyè Tɔhonɔ̀ Mawu ye gblɔ̃ ɛ̀.”