Read gen Òzeà 3 Bible Online

Òzeà 3 - gen bible

Òzeà 3

¹Tɔhonɔ̀ gblɔ̃ na mù be: “Wò la gbà yì ɖe, eye wò la ji nyɔ̃nù kè ɖo àzìãvi gbà nyi àhasìtɔa. Wò la lɔ̃ ɛ̀ sìgbè àlekè Tɔhonɔ̀ lɔ̃ Izràɛlvi kèwo trɔ jè vòduwo yomè eye wo sènà vivi na woabe klàkowoa nène.”

²Mù la trɔ xɔ̀ èsrɔ̃ nyɔ̃nù nyèa plè ku klòsalò ga woeàtɔ̃ kudo èlùvi kplikpã àdɛ̃.

³Mù gblɔ̃ na ɛ̀ be: “Wò la nyi tɔ̀ nyè dìdìɖe eye wò mu la gbà yì ŋusù bu gbɔ ke ò. Wò mu la gbà zɔ̃ ku ŋusù bu ɖe ò, eye nyè cã mù la wɔ̀ nènea ke va gbɔ wò.”

⁴Ɖo Izràɛlviwo la nɔ̀ ànyi dìdìɖe, èfìɔ àlo èga ɖe mà-ɖo, vɔsa mà wɔ̀, mà-ɖo èkpe xɔ̀asì kaka la va ɖo kèwo wo sɔ biɔna ènyà Mawu sèa.

⁵Lè eŋuã yomè a, Izràɛlviwo la trɔ gbɔ̀ va Tɔhonɔ̀ woabe Mawu kudo David woabe èfìɔa gbɔ. Eye to ɖokoe bɔ̀bɔ mèa, wo la ji Tɔhonɔ̀ be àmègbɔ nɔ̀nɔ kudo yebe àdɔ̀mè nyuɛ̃a.