Read gen Òzeà 5 Bible Online

Òzeà 5 - gen bible

Òzeà 5

¹Mìa hũbonɔwo, mì ɖoto ekèa! Mìa Izràɛl be kplɔ̀tɔwo cã, mì sè! Kaka jè mì, àmè kèwo lè fìɔsaa mèa ji: Mì ɖo la sò kòjo jɔ̀jɔɛ. Co lè Mispà be èdùa mèa, mì nyi èmɔ̃tetre na dùkɔ̃ nyèa. Lè Tabɔ̀r be ètoa jia, mì nyi èɖɔ kè wo ɖoa.

²Èhlɔ̃dãtɔwo yì ɖè èdo gã ɖe ɖo Sitìm Eye mù la dɔ̃ èto na wo veveɖe.

³Mù jèsi Efràyim be kɔ̀taa eye wo mu la teŋu wla Izràɛl do mù ò. Ɖo fifìa, Efràyim wɔ̀ àhasì Eye Izràɛl jè mà-kɔ̀ mà-kɔ̀ nyinyi mè.

⁴Ènu kè Izràɛlviwo wɔ̀a, mu gbà na wo èmɔ̃ ne woa teŋu trɔ va woabe Mawu a gbɔ ò. Àhasì be àya lè woa dòmè, eye wo mu nya Mawu be èmɔ̃a ò.

⁵Izràɛl be jajra ze glãlã. Efràyim ku Izràɛl jèanyi ɖo woabe àgɔ̀jèjea ŋuti. Yudà cã jè è kudo wo.

⁶Wo la yì ji Tɔhonɔ̀ kudo woabe èlãwo gbàkudo woabe ènyìwo vɔ̀ wo mu la kè ɖo e ŋuti kpɔ ò. Ɖo E tè yì àzɔ̀ge boo lè woa gbɔ.

⁷Wo mu nɔ̀ ègbèji na Tɔhonɔ̀ ò, ɖo wo jì àhasìviwo. So fifìa kaka na wètri ɖèkaa, woabe ànyigbã a la crɔ̃.

⁸Mì ku èkpɛ̃ lè Gibea ku Ramà. Mì sìa Bɛt-Avɛ̃n! Bɛnyamìn, trɔ kpɔ ŋùgbe!

⁹Lè ètodɔ̃ be gàmèa, Efràyim la trɔ zògbè ɖèɖe. Mù kã ɖo ènyà kè mù gblɔ̃a ji Izràɛl be kɔ̀tawo kpataa!

¹⁰Yudà be ègawo be wɔ̀na ɖèfũ ŋutɔ. Mù la ɖùɖù àdɔ̀mèze nyèa kɔ̀ ɖo woa ji.

¹¹Wo tafu Efràyim, le tù àfɔ̀ yebe jènawo mè. Ɖo e ji be yèa kplɔ̀ àya do.

¹²Eye mù la nɔ̀ na Efràyim sìgbè àbì sìɔ̃sì nène, eye na Yudà, sìgbè àbì jè màku gbèɖe nène.

¹³Efràyim do jèsìdo yebe èdɔ̀a eye Yudà cã kpɔ yebe àbìa. Nène a ye Efràyim yì ji àlɔ̀do lè Àsirìa. Wò dɔ̃ àmè ɖoɖa èfìɔ gãa gbɔ. Vɔ̀, mu la teŋu dà àbì kèa na wò ò.

¹⁴Nyàwo, nyè ŋutɔ ye zɔ̃ ɖo Efràyim ji sìgbè jãŋùta nène, eye mù zɔ̃ ɖo Yudà ji sìgbè èlã wɔ̀adã nène. Ne mù jè àdèlã nyèa ji, sɔ ɛ̀ le yìa, àmè dɛkpe mu lè la teŋu hlùɛ̃ ɛ̀ lè àsi nyè ò.

¹⁵Tɔhonɔ̀ gblɔ̃ be: “Mù la trɔ yì gbɔ nyè, kaka na gàmè kè wo la jèsi woa ɖokoe eye wo la trɔ va gbɔ nyèa. Wàlɛbɛ kè gbledo la jè woa jia, wo la ji èmɔ̃ na mù.”