Read gen Yoɛ̀l 3 Bible Online

Yoɛ̀l 3 - gen bible

Yoɛ̀l 3

¹Tɔhonɔ̀ gblɔ̃ be: “Eŋuã yomè a, mù la ɖùɖù Gbɔ̃gbɔ̃ nyèa kɔ̀ ɖo àmè sia àmè ji. Mìabe ŋusùviwo kudo nyɔ̃nùviwo la trɔ zũ gblɔ̃ɖɛtɔwo. Mìabe àmè sĩsĩwo la kudrɔ̃ eye ɖèkajɛviwo la kpɔ àvìmènuwo.

²Gà ŋua mèa, mù la ɖùɖù Gbɔ̃gbɔ̃ nyèa ɖo sumɔ̃vi ŋusù ku nyɔ̃nùwo cã ji.

³Eye mù la na ye ŋùdãnuwo la jɔ̀ lè jiŋùkusi kudo ànyigbã ji. Èhũ ku èzò la to, àzìzɔ be lilikpowo.

⁴Dɔ̃ŋùkusu la do vìvìti. Eye wètri la bìa hɛ̀ sìgbè èhũ nène keŋu gbɔ̀xue Tɔhonɔ̀ be ŋùkèkèa la va, ŋùkèkè gãa, jiŋɔ kèa ɖo vɔ̃vɔ̃.”

⁵Nène a, àmè ɖekpekpe kè yɔ Tɔhonɔ̀ be nyikɔa, la gã. Tɔhonɔ̀ ye fìã àjɔ̀gbè kèa: Àmè ɖewo la kpɔ̀tɔ̀ ci àgbè lè Yèruzàlɛm ku Ziɔ̀n be ètoa ji. Àmè kèawo ye Tɔhonɔ̀ cã be woa nɔ̀ àgbè.