Read gen Àmos 8 Bible Online

Àmos 8 - gen bible

Àmos 8

¹Tɔhonɔ̀ Mawu gbà sɔ àjàfi kè ɖɔ kudo àtikusɛ̃sɛ̃ ɖìɖia fiɔ mù.

²E gblɔ̃ na mù be: “Àmos, nukɛ wò kpɔ ò?” Mù ɖo e ŋuti be: “Mù kpɔ àjàfi ɖe kè ɖɔ kudo àtikusɛ̃sɛ̃ ɖìɖi”. Eye Tɔhonɔ̀ gblɔ̃ na mù be: “Izràɛl, dùkɔ̃ nyèa le ɖo yebe vɔ̀vɔnu sìgbè àtikusɛ̃sɛ̃ kèwo ɖìa nène. Nyè mu la gbà gble è ɖɛ ò.

³Ènyè Tɔhonɔ̀ Mawu ye gblɔ̃ ɛ̀ be: gbè ŋua gbèa, fìɔsa mè be èhàjìtɔwo la jì àvifãfã be èhàwo. Àmè sùgbɔ la crɔ̃, ŋutilãkukuwo la bɔ lè àfi sia àfi. Èɖa la ɖo see!”

⁴Mì ɖoto ne mìa sè, mì àmè kèwo ɖikina ènuwɔ̀donɔ̀wo, mì àmè kèwo le crɔ̃ ànyigbã be àmèbɔ̀bɔɛwo:

⁵Mì gblɔ̃nà be: “Oò, wètri yeye be àzãa ne vɔ̀ kaba ne mia teŋu gbà sà miabe èlùawo! Jɛ̃gbɔ̃zãa ne vɔ̀ kaba ne mia teŋu gbà hũ miabe àvàwo!” Mì ɖènà àlɔ̀ kpɔ̀tɔ̀ na jijeawo, mì trɔna àsi so ènudànuawo ŋuti mì dànà ègà ɖo ènuwo ji eye mì mu dànà ènu kè sɔ̀gbè ò.

⁶Mì sànà kaka jè èlù be cakiti cã ji na àmèwo. Mì plènà wɔ̀amènɔ̀a kudo ègà vi ɖe kpò kè mu la teŋu va tu yebe èfɛ̃a ò eye àfɔ̀kpa dodo xɔ̀asì wu wɔ̀amènɔ̀via.

⁷Tɔhonɔ̀ kã àtãŋu kèa be: “Mù tà ànyigbã kè ŋuti mì jɔ̀nàjì lèa be nyè mu la ŋlɔ̀be mìabe àgbènɔ̀nɔ kèawo ò!”

⁸Ènu kèa ŋuti ye ànyigbã la hũhũ, ècɔ la ku lè dùkɔ̃a kpata mè. Eye e la sitè sìgbè àlekè Ejiptè be ètɔ̀ gãa sinatèa nène e yomè a, e la gbà jè e mè kpoo.

⁹Tɔhonɔ̀ Mawu gblɔ̃ be: “Gbè ŋua gbèa, mù la na dɔ̃ŋùkusua la ɖoxɔ̀ gà woèvè tututu; ŋùkèkèa be dòdòmè tutu ye ànyigbã kpata la gɛ̃ jè vìvìti mè.

¹⁰Mù la trɔ mìabe àzãɖùɖuwo wɔ̀ èfũlòlo eye mìabe èhàwo la trɔ àvifãfã be èhàwo. Àmè sia àmè la do ècɔ be àwù la sã èfũlòvɔ ɖo àlì. Àmè sia àmè la plɔ èta sìgbè lè àkòŋùgòvi ɖe be èku gbè nène. Eye ènu sia ènu la vɔ̀vɔ̀ sìgbè lè àkpɔ̃ zã tɔ̀xɛ ɖe gbè nène.”

¹¹Tɔhonɔ̀ Mawu gblɔ̃ be: “Ŋùkèkè gbãnà kè ji mù la na àdɔ̀ la to lè èdùa mè. Àdɔ̀ la wù àmèwo, vɔ̀a, ènuɖùɖu la dɛ̃. Èsìkɔ la tì wo, vɔ̀, èsì mu la nɔ̀ ànyi na wo ò. Àdɔ̀ la wù wo, sìkɔ cã la tì wo ɖo àpe ènyà be sèse ŋuti.

¹²Wo la dãgbã so àpùgo lè èwèɖoxɔ̀pe yì èvègo lè èwèzɛ̃pe, sɔ ji Tɔhonɔ̀ be ènyà la sè, vɔ̀a, wo mu la yì kè ɖo e ŋuti ò.

¹³Gbè ŋua gbèa, sìkɔ la tì tùgbɛ̀jɛvi nyuɛ̃wo kudo ɖèkajɛviwo.

¹⁴Eye àmè kèwo kpata la kã àtãŋu to Sàmarìa be àjè be vòdua ji gblɔ̃ be: “Mù tà vòdu wò Dàn!” aAlo “Mù tà èmɔ̃ kɔ̀kɔ̀ɛ kè yì Bɛ̀rcebàa!” Woa kpata la jèanyi, la crɔ̃ gbidi-gbidi.”