Read gen Àmè Hɛ̃hlɛ̃ 1 Bible Online

Àmè Hɛ̃hlɛ̃ 1 - gen bible

Àmè Hɛ̃hlɛ̃ 1

¹Tɔhonɔ̀ pò nupo na Mosè lè Ègòdodo be Gòxɔa mè, lè Sinaì be zògbè a ji, lè wètri èvègɔ̃a be ŋùkèkè cucugbãa gbè, Izràɛlviwo be toto so Ejiptè-nyigbã ji be èpè èvègɔ̃a yomè. E gblɔ̃ be:

²“Mì hlɛ̃ Izràɛlviwo be àmèha a mètɔwo keŋu ɖèka ɖèka, ɖo kɔ̀ta vòvòvò ku xòmè vòvòvòwo nu. Mì la ŋlɔ̀ àmèwo be nyikɔ ɖèka ɖèka.

³Èwò ku Arɔ̀n, mì la ŋlɔ̀ ŋusù ɖe sia ɖe kè ɖo èpè èwì ku kèwo to e ŋutiawo be nyikɔ, àmè kèwo keŋu lè Izràɛl be àhùakɔ̃wo mèa, mì la ŋlɔ̀ woabe nyikɔwo ɖo àhùakɔ̃awo be ɖoɖo nu.

⁴Kɔ̀ta ɖe sia ɖe be ŋusù ɖèka, ŋusù kè la nyi xòmègaa la nɔ̀ mìa ŋuti.

⁵Ŋusù kèwo la kpe ɖo mìa ŋutia be nyikɔwo ye nyi ekèawo: Elisùr, kè nyi Sedùr be ŋusùvia la nɔ̀ Rubɛ̀n be kɔ̀ta be ŋùkɔ̀;

⁶Selumìɛl kè nyi Kurishadai be ŋusùvia, la nɔ̀ Simeɔ̀n be kɔ̀taa be ŋùkɔ̀;

⁷Nasɔ̀n kè nyi Aminadàb be ŋusùvia, la nɔ̀ Yudà be kɔ̀taa be ŋùkɔ̀;

⁸Nètanaɛl kè nyi Cuar be ŋusùvia la nɔ̀ Isakàr be kɔ̀taa be ŋùkɔ̀;

⁹Eliab kè nyi Helɔ̀n be ŋusùvia, la nɔ̀ Zabulɔ̀n be kɔ̀taa be ŋùkɔ̀;

¹⁰Lè Yosɛ̀f be èviwo mèa, Amihùd be èvi kè nyi Elishamàa la nɔ̀ Efràyim be kɔ̀taa be ŋùkɔ̀; Gamelìɛl kè nyi Pedahsùr be èvia la nɔ̀ Manasè be kɔ̀taa be ŋùkɔ̀;

¹¹Avidàn kè nyi Gideɔ̀n be èvia, la nɔ̀ Bɛnyamìn be kɔ̀taa be ŋùkɔ̀;

¹²Ahiezɛr kè nyi Amisadaì be èvia la nɔ̀ Dàn be kɔ̀taa be ŋùkɔ̀;

¹³Raguiɛl kè nyi Okràn be èvia la nɔ̀ Àsɛr be kɔ̀taa be ŋùkɔ̀;

¹⁴Elizaf kè nyi Dehuɛl be èvia la nɔ̀ Gad be kɔ̀taa be ŋùkɔ̀;

¹⁵Ehira kè nyi Einàn be èvia la nɔ̀ Neftalì be kɔ̀taa be ŋùkɔ̀.”

¹⁶Àmè kèawo ye nyi Izràɛlviwo be àmèha be àmèdɔ̃dɔ̃wo, woa tɔwo be kɔ̀ta vòvòvòwo be ŋùkɔ̀nɔ̀tɔwo: wo nyi àmè èkà wìvɔàtɔ̃wo be ŋùkɔ̀nɔ̀tɔwo na Izràɛl.

¹⁷Mosè ku Arɔ̀n sɔ àmè cãcã kèawo wɔ̀ woabe àlɔ̀dotɔwo.

¹⁸Wètri èvègɔ̃a be ŋùkèkè cucugbãa jia, Mosè ku Arɔ̀n bɔ̀ dùkɔ̃a kpata, eye Izràɛlviwo ɖo woabe hɛ̃nu ku xòmèwo nu, eye wo ŋlɔ̀ ŋusù kèwo ɖo èpè èwì to e ŋutiawo, ɖèka ɖèka.

¹⁹Mosè hlɛ̃ wo keŋu lè Sinaì be zògbèa ji, sìgbè lekè Tɔhonɔ̀ ɖo è na ɛ̀a nène.

²⁰Ekèa na be, Rubɛ̀n kè nyi Izràɛl be ŋùkɔ̀gbevia, be kɔ̀ta mèvi ŋusù kèwo ɖo èpè èwì to e ŋutiawo be hɛ̃hlɛ̃ mè ɖèka-ɖèka lè àhùakɔ̃a mèa nyi: kè wo ŋlɔ̀ woabe nyikɔwo ɖo hɛ̃nu ku xòmèwo nua,

²¹wo sù àgbètɔ hotu èwì vɔ ètɔ̃ àlɔ̀ àtɔ̃ (46500), na Rubɛ̀n be kɔ̀taa.

²²Lè Simeɔ̀n be jìjimèviwo be gomèa, ekè wo ŋlɔ̀ ŋusù kèwo wo hlɛ̃awo be nyikɔwo ɖèka-ɖèkaa, ŋusù kèwo keŋu ɖo èpè èwì ku e jivɔwoa, ekèwo lè àhùakɔ̃a mè, ɖo jìjimè, hɛ̃nu, kɔ̀ta ku xòmèwo nua,

²³wo sù àgbètɔ hotu èwì vɔ àsiɖèkɛ àlɔ̀ woètɔ̃ (59300), lè Simeɔ̀n be kɔ̀taa mè.

²⁴Lè Gad be jìjimèviwo gomèa, ekè wo ŋlɔ̀ àmè kèwo keŋu ɖo èpè èwì ku e jivɔwo, kèwo ye lè àhùakɔ̃a mè, ɖo woabe jìjimè, hɛ̃nu, kɔ̀ta ku xòmèwo nua,

²⁵wo sù àgbètɔ hotu wìvɔ-vè àlɔ̀ woeàdɛ̃ èkàci-wo (45650), lè Gad be kɔ̀taa mè.

²⁶Lè Yudà be jìjimèviwo gomèa, ekè wo ŋlɔ̀ àmè kèwo keŋu ɖo èpè èwì ku e jivɔwo, eye wo lè àhùakɔ̃a mè, ɖo woabe jìjimè, hɛ̃nu, kɔ̀ta ku xòmèwo nua,

²⁷wo sù àgbètɔ hotu ègbãvɔadrɛ̃ àlɔ̀ àdɛ̃ (74600), lè Yudà be kɔ̀taa mè.

²⁸Lè Isakàr be jìjimèviwo gomèa, ekè wo ŋlɔ̀ àmè kèwo keŋu ɖo èpè èwì ku e jivɔwo, eye wo lè àhùakɔ̃a mèa, ɖo woabe jìjimè, hɛ̃nu, kɔ̀ta ku xòmèwo nua,

²⁹wo sù àgbètɔ hotu wìvɔadrɛ̃ àlɔ̀ ènè (54400), lè Isakàr be kɔ̀taa mè.

³⁰Lè Zabulɔ̀n be jìjimèviwo gomèa, ekè wo ŋlɔ̀ àmè kèwo keŋu ɖo èpè èwì ku e jivɔwo, eye wo lè àhùakɔ̃a mè, ɖo woabe jìjimè, hɛ̃nu, kɔ̀ta ku xòmèwo nua,

³¹wo sù àgbètɔ hotu èwì vɔ ènyi àlɔ̀ woènè (57400), lè Zabulɔ̀n be kɔ̀taa mè.

³²Lè Yosɛ̀f be jìjimèviwo gomèa, àmè kèwo nyi Efràyim be hɛ̃nu mèviwoa, ekè wo ŋlɔ̀ àmè kèwo ɖo èpè èwì ku e jivɔwo, eye wo lè àhùakɔ̃a mè, ɖo woabe jìjimè, hɛ̃nu, kɔ̀ta ku xòmèwo nua,

³³wo sù àgbètɔ hotu èwì àlɔ̀ àtɔ̃ (40500), lè Efràyim be kɔ̀taa mè.

³⁴Lè Manasè be jìjimèviwo gomèa, ekè wo ŋlɔ̀ àmè kèwo keŋu ɖo èpè èwì ku e jivɔwo, eye wo lè àhùakɔ̃a mè, ɖo woabe jìjimè, hɛ̃nu, kɔ̀ta ku xòmèwo nua,

³⁵wo sù àgbètɔ hotu woeàdɛ̃ àlɔ̀ èvè (32200), lè Manasè be kɔ̀taa mè.

³⁶Lè Bɛnyamìn be jìjimèviwo gomèa, ekè wo ŋlɔ̀ àmè kèwo keŋu ɖo èpè èwì ku e jivɔwo, eye wo lè àhùakɔ̃a mè, ɖo woabe jìjimè, hɛ̃nu, kɔ̀ta ku xòmèwo nua,

³⁷wo sù àgbètɔ hotu woeadrɛ̃ àlɔ̀ woènè (35400), lè Bɛnyamìn be kɔ̀taa mè.

³⁸Lè Dàn be jìjimèviwo gomèa, ekè wo ŋlɔ̀ àmè kèwo keŋu ɖo èpè èwì ku e jivɔwo, eye wo lè àhùakɔ̃a mè, ɖo woabe jìjimè, hɛ̃nu, kɔ̀ta ku xòmèwo nua,

³⁹wo sù àgbètɔ hotu gbãvɔɖèka àlɔ̀ adrɛ̃ (62700), lè Dàn be kɔ̀taa mè.

⁴⁰Lè Àsɛr be jìjimèviwo gomèa, ekè wo ŋlɔ̀ àmè kèwo keŋu ɖo èpè èwì ku e jivɔwo, eye wo lè àhùakɔ̃a mè, ɖo woabe jìjimè, hɛ̃nu, kɔ̀ta ku xòmèwo nua,

⁴¹wo sù àgbètɔ hotu èwì àlɔ̀ woeàtɔ̃ (41500), lè Àsɛr be kɔ̀taa mè.

⁴²Lè Neftalì be jìjimèviwo gomèa, ekè wo ŋlɔ̀ àmè kèwo keŋu ɖo èpè èwì ku e jivɔwo, eye wo lè àhùakɔ̃a mè, ɖo woabe jìjimè, hɛ̃nu, kɔ̀ta ku xòmèwo nua,

⁴³wo sù àgbètɔ hotu èwì vɔ àdɛ̃ àlɔ̀ woènè (53400), lè Neftalì be kɔ̀taa mè.

⁴⁴Ekèawo ye nyi àmè kèwo be nyikɔwo Mosè, Arɔ̀n ku Izràɛlviwo be ŋùkɔ̀nɔ̀tɔ woèvèawo ŋlɔ̀a be hɛ̃hlɛ̃mè. Kɔ̀ta ɖe sia ɖe ɖo àmè ɖèka.

⁴⁵Izràɛlviwo kèwo kpata wo hlɛ̃ lè xòmè ɖe sia ɖe mèa, àmè kèwo ɖo èpè èwì ku e jivɔwo, eye wo lè Izràɛl be àhùakɔ̃a mèa,

⁴⁶woa kpata wo sù àgbètɔ hotu àlɔ̀ ètɔ̃ vɔ ɖèka àlɔ̀ woeàtɔ̃ èkà ci èwo (603550).

⁴⁷Vɔ̀a, wo mu hlɛ̃ Levì kèwo ye nyi àmègãsĩsĩ, àlo tɔgbewo be kɔ̀tawo ya ò.

⁴⁸Tɔhonɔ̀ gblɔ̃ na Mosè be:

⁴⁹“Lè Izràɛlviwo kpata dòmèa, Levì be kɔ̀taa kpò ye wò mu la hlɛ̃ ò.

⁵⁰Wò la sɔ Zòɖùɖu-Ɖakà a be nɔ̀pea ku yebe ŋutinuwo kudo yebe èdɔwɔ̀nuwo kpata do àsi na Levìwo. Wo la nɔ kɔkɔ ɛ̀ ku yebe ŋutinuwo keŋu; wo la nɔ wɔ̀ e ŋuti-dɔ, eye wo la do woabe àsàɖa trɔ do è.

⁵¹Ne nɔ̀pea le hɔ̃ joa, Levìwo ye la kãkã nɔ̀pea. Ne nɔ̀pea la nɔ̀tèa, Levìwo ye la gbìgbɔ̀ tu ì. Vɔ̀, ne àmè bu ɖe gogo èa, wo la wù ì.

⁵²Izràɛlvi ɖe sia ɖe la ɖo àsàɖa ɖo yebe nɔ̀pe, àmè sia àmè lè yebe àhùakɔ̃wo be èha mè.

⁵³Levìwo yaa, wo la tù àsàɖa trɔ do Zòɖuɖu-Ɖakà a be nɔ̀pea, ekèa la na be Tɔhonɔ̀ mu la do àdɔ̀mèze ɖo Izràɛlviwo be dùkɔ̃a ŋuti ò.

⁵⁴Izràɛlviwo wɔ̀ ɖo ènyà kè Tɔhonɔ̀ sɔ do àsi na Mosè a ji pɛpɛpɛ.