Read gen Àmè Hɛ̃hlɛ̃ 2 Bible Online

Àmè Hɛ̃hlɛ̃ 2 - gen bible

Àmè Hɛ̃hlɛ̃ 2

¹Tɔhonɔ̀ gblɔ̃ na Mosè ku Arɔ̀n be:

²“Izràɛlviwo dòmètɔ ɖe sia ɖe la do àsàɖa ɖo ye ŋutɔ be àhùakɔ̃ mè, lè àfi kè yebe kɔ̀ta do àplãŋuga ɖoa. Wo la do àsàɖa trɔ do Ègòdodo be Gòxɔa, lè àzɔ̀ge na Gòxɔa viɖe.

³Àhùakɔ̃ kè mè Yudà be jìjimèwo lèa la do àsàɖa ɖo èwèzɛ̃pe. Yudà be jìjimèviwo be ŋùkɔ̀nɔ̀tɔ ye nyi Nasɔ̀n, Aminadàb be èvia.

⁴Yebe àhùakɔ̃a mètɔwo lè àgbètɔ hotu ègbã vɔ adrɛ̃ àlɔ̀ àdɛ̃ (74600).

⁵Kɔ̀ta kèwo la nɔ̀ kɔ̀ta kèa gbɔawo ye nyi Isakàr ku Zabulɔ̀n. Isakàr be jìjimèviwo be ŋùkɔ̀nɔ̀tɔ ye nyi Netanèl, Suàr be èvia.

⁶Yebe àhùakɔ̃a mètɔwo lè àgbètɔ hotu èwì vɔ adrɛ̃ èkà èwo (54400),

⁷Zabulɔ̀n be jìjimèviwo be ŋùkɔ̀nɔ̀tɔ ye nyi Eliab, Helɔ̀n be èvia.

⁸Yebe àhùakɔ̃a mètɔwo lè àgbètɔ hotu èwì vɔ ènyi àlɔ̀ woènè (57400).

⁹Yudà be àsàɖaa mètɔwo kpata lè àgbètɔ hotu èkà èvè ci woètɔ̃ àlɔ̀ ènè (186400), na àhùakɔ̃ ètɔ̃awo. Woawo ye la nɔ̀ ŋùkɔ̀, la jo cucugbãa.

¹⁰Rubɛ̀n be jìjimèviwo la do àsàɖa ɖo àpùgo, àfi kè woabe hɛ̃nuwo be àhùakɔ̃wo la do àplãŋuga ɖo a. Rubɛ̀n be jìjimèviwo be ŋùkɔ̀nɔ̀tɔ ye nyi Elisùr, Sedehùr be èvia.

¹¹Yebe àhùakɔ̃a mètɔwo lè àgbètɔ hotu èwì vɔ ètɔ̃ àlɔ̀ àtɔ̃ (46500).

¹²Kɔ̀ta kèwo la nɔ̀ kɔ̀ta kèa gbɔawo ye nyi Simeɔ̀n ku Gad. Simeɔ̀n be jìjimèviwo be ŋùkɔ̀nɔ̀tɔ ye nyi Selumìɛl, Surisadai be èvia.

¹³Yebe àhùakɔ̃a mètɔwo lè àgbètɔ hotu èwì vɔ àsiɖèkɛ àlɔ̀ woètɔ̃ (59300).

¹⁴Gad be jìjimèviwo be ŋùkɔ̀nɔ̀tɔ ye nyi Elisàf, Rehuɛl be èvia.

¹⁵Yebe àhùakɔ̃ mètɔwo lè àgbètɔ hotu èwì vɔ èvè àlɔ̀ woeàdɛ̃ èkà ci èwo (45650).

¹⁶Rubɛ̀n be àsàɖaa mètɔwo kpata lè àgbètɔ hotu èkà takpo ci woeàtɔ̃ àlɔ̀ woènè èkà ci èwo (151450), na àhùakɔ̃ ètɔ̃awo. Woawo ye la jo èvègɔ̃a.

¹⁷Woa yo mè ye Ègòdodo be Gòxɔa la jè ku Levìwo be àsàɖaa, lè dòdòmè na àsàɖa kpɔ̀tɛawo. Izràɛlviwo la zɔ̃ ɖo ɖoɖo kè ji wo ɖo àsàɖa ɖoa nu, la sɔ hɔ̃ jo, àmè sia àmè lè ye tèpe, èha ɖe kplɔ̀ èha bu do.

¹⁸Àhùakɔ̃ kèwo la nɔ̀ Efràyimviwo be àsàɖa mèawo la nɔ̀ èwèɖoxɔ̀pe. Efràyim be jìjimèviwo be ŋùkɔ̀nɔ̀tɔ ye nyi Elisamà, Amihud be èvia.

¹⁹Yebe àhùakɔ̃a mètɔwo lè àgbètɔ hotu èwì àlɔ̀ àtɔ̃ (40500).

²⁰Kɔ̀ta kèwo la nɔ̀ kɔ̀ta kèa gbɔawo ye nyi Manasè ku Bɛnyamìn. Manasè be jìjimèviwo be ŋùkɔ̀nɔ̀tɔ ye nyi Gamelìɛl, Pedahùr be èvia.

²¹Yebe àhùakɔ̃a mètɔwo lè àgbètɔ hotu woeàdɛ̃ àlɔ̀ èvè (32200).

²²Bɛnyamìn be jìjimèviwo be ŋùkɔ̀nɔ̀tɔ ye nyi Avidàn, Gideonì be èvia.

²³Yebe àhùakɔ̃a mètɔwo kpata lè àgbètɔ hotu woeadrɛ̃ àlɔ̀ woènè (35400).

²⁴Efràyim be àsàɖaa mètɔwo kpata lè àgbètɔ hotu èkà ci woènè àlɔ̀ ɖèka (108100), na àhùakɔ̃ ètɔ̃awo. Woawo ye la jo ètɔ̃gɔ̃a.

²⁵Àhùakɔ̃ kèwo la nɔ̀ Dàn be àsàɖa mèawo la nɔ̀ àvego. Dàn be jìjimèviwo be ŋùkɔ̀nɔ̀tɔ ye nyi Ahiezɛr, Amisadaì be èvia.

²⁶Yebe àhùakɔ̃a mètɔwo lè àgbètɔ hotu ègbã vɔ ɖèka àlɔ̀ adrɛ̃ (62700).

²⁷Kɔ̀ta kèwo la nɔ̀ kɔ̀ta kèa gbɔawo ye nyi Àsɛr ku Neftalì. Àsɛr be jìjimèviwo be ŋùkɔ̀nɔ̀tɔ ye nyi Pagìɛl, Okràn be èvia.

²⁸Yebe àhùakɔ̃a mètɔwo lè àgbètɔ hotu èwì àlɔ̀ woeàtɔ̃ (41500).

²⁹Neftalì be jìjimèviwo be ŋùkɔ̀nɔ̀tɔ ye nyi Ahirà, Einàn be èvia.

³⁰Yebe àhùakɔ̃a mètɔwo lè àgbètɔ hotu èwì vɔ àdɛ̃ àlɔ̀ woènè (53400).

³¹Dàn be àsàɖaa mètɔwo kpata lè àgbètɔ hotu èkà takpo ci woènyi àlɔ̀ woeàdɛ̃ (157600), na àhùakɔ̃ ètɔ̃awo. Woawo ye la jo ŋùgbesia, ne àhùakɔ̃wo jo, èɖe lè èɖe yomè vɔ̀a.”

³²Kè wo hlɛ̃ Izràɛlviwo lè hɛ̃nu ɖe sia ɖe mèa, woa kpata woabe hɛ̃hlɛ̃ mè lè àsàɖawo mè, ɖo àhùakɔ̃wo nu lè àgbètɔ hotu àlɔ̀ ètɔ̃ vɔ ɖèka àlɔ̀ woeàtɔ̃ èkà ci èwo (603550).

³³Levìwo ya mu nɔ̀ Izràɛlviwo be hɛ̃hlɛ̃a mè ò. Ekèa nyi ɖoɖo kè Tɔhonɔ̀ sɔ do àsi na Mosè a.

³⁴Izràɛlviwo wɔ̀ ɖo ɖoɖo kè Tɔhonɔ̀ sɔ do àsi na woa ji tututu. Ɖoɖo kèwo Tɔhonɔ̀ do àsi na Mosè a ji wo zɔ̃ ɖo, wàlɛbɛ kè wo nɔ̀ woabe àhùakɔ̃ vòvòvòwo mè, sɔ ɖo woabe àsàɖa vòvòvòwo, eye wo hɔ̃ jo, lè woabe hɛ̃nuwo ku xòmè vòvòvòwo nu.