Read gen Àmè Hɛ̃hlɛ̃ 29 Bible Online

Àmè Hɛ̃hlɛ̃ 29 - gen bible

Àmè Hɛ̃hlɛ̃ 29

¹Wètri adrɛ̃gɔ̃ a be ŋùkèkè cucugbãa gbèa[31], mì la bɔ̀, la sɔ sɛ̃ mù. Mì mu la wɔ̀ èdɔ ɖekpe ò, ɖoa, jìjɔɛ zã gbè ku kafu zã gbè be la nyi na mì.

²Mì la wɔ̀ vɔsa kè be hɔ̃hɔ̃ɛ gbligbli la fa àkɔ na Tɔhonɔ̀a ku ènyì-suvi ɖèka, àgbò ɖèka, èpè ɖèka be àlɛ̃vi adrɛ̃, eye àfi ɖekpe mu la gble lè èlãawo dòmètɔ ɖe ŋuti ò.

³Mì la sɔ èwɔ kè wo blù ku àmì be ènu nana kè jè a kpe ɖo e ŋuti: ekèa ye nyi mamã èwogɔ̃a be tèpe ètɔ̃, na ènyì-su ɖèka, eye mamã èwogɔ̃a be tèpe èvè, na àgbò ɖèka.

⁴Wo la sɔ èwɔ kè wo blù ku àmìa be mamã èwogɔ̃a be tèpe ɖèka kpe è, na àlɛ̃vi ɖe sia ɖe.

⁵Sɔ kpe èa, mì la sɔ gbɔgbɔɛ ɖèka savɔ ɖo nuvuɛ̃ ta, eye mì la sɔ wɔ̀ èvuɛ̃ sɔsɔkè be èkɔ̀nua ɖo mìabe nuvuɛ̃wo ta.

⁶Mì la wɔ̀ vɔsa kèawo keŋu, kpe ɖo gbè sia gbè be ènumème vɔsaa ŋuti. Mì la gbà wɔ̀ wo kpe ɖo wètri yeye be ènumème vɔsa, èwɔ ku àmì be ènunana, kèwo mì wɔ̀nà ŋuti. Ekèa la nyi ènu ɖùɖu kè be hɔ̃hɔ̃ɛ gbligblia fana àkɔ na Tɔhonɔ̀.

⁷Wètri adrɛ̃gɔ̃ kèa be ŋùkèkè èwogɔ̃a, mì la bɔ̀, la sɔ sɛ̃ mù. Mì la blanu, eye mì mu la wɔ̀ èdɔ ɖekpe ò

⁸Mì la wɔ̀ ènumème vɔsa kè be hɔ̃hɔ̃ɛ gbligblia la fa àkɔ na Tɔhonɔ̀: ènyì-suvi ɖèka, àgbò ɖèka, èpè ɖèka be àlɛ̃vi adrɛ̃, èlã kèwo be àfi ɖekpe mu gble ò a.

⁹Mì la sɔ èwɔ kè wo blù ku àmì be ènu nana kè jè a kpe ɖo e ŋuti: ekèa ye nyi mamã èwogɔ̃a be tèpe ètɔ̃, na ènyì-suvia, eye mamã èwogɔ̃a be tèpe èvè, na àgbòa.

¹⁰Wo la sɔ èwɔ kè wo blù ku àmìa be mamã èwogɔ̃a be tèpe ɖèka kpe è, na àlɛ̃vi ɖe sia ɖe.

¹¹Sɔ kpe èa, mì la sɔ gbɔgbɔɛ ɖèka savɔ ɖo nuvuɛ̃ ta, eye mì la sɔ wɔ̀ èvuɛ̃ sɔsɔkè be ŋùkèkè gãa be èkɔ̀nua ɖo mìabe nuvuɛ̃wo ta, ku ènumème vɔsa gbè sia gbè tɔ̀a kudo yebe ènu nana gbàkudo èsìkɔ̀ɖɛ kèwo la zɔ̃ ku ìa.

¹²Wètri adrɛ̃gɔ̃ a be ŋùkèkè woeàtɔ̃gɔ̃a gbèa, mì la bɔ̀, la sɔ sɛ̃[32] mù. Mì mu la wɔ̀ èdɔ ɖekpe ò. Mì la ɖù àzã na Tɔhonɔ̀, ŋùkèkè adrɛ̃ sɔ̃ŋu.

¹³Mì la sɔ ènyì-suvi woètɔ̃, àgbò èvè, èpè ɖèka be àlɛ̃vi woènè, èlã kèwo be àfi ɖekpe mu gble ò a, sɔ wɔ̀ ènumème vɔsa kè be hɔ̃hɔ̃ɛ gbligblia, la fa àkɔ na Tɔhonɔ̀.

¹⁴Mì la sɔ èwɔ kè wo blù ku àmì be ènu nana kè jè a kpe ɖo e ŋuti: ekèa ye nyi mamã èwogɔ̃a be tèpe ètɔ̃, na ènyì-suvi woètɔ̃awo dòmètɔ ɖe sia ɖe, eye mamã èwogɔ̃a be tèpe èvè, na àgbò èvèawo dòmètɔ ɖe sia ɖe.

¹⁵Eye, mì la sɔ èwɔ kè wo blù ku àmì be mamã èwogɔ̃a be tèpe èvè na àlɛ̃viawo dòmètɔ ɖe sia ɖe.

¹⁶Sɔ kpe èa, mì la sɔ gbɔgbɔɛ ɖèka savɔ ɖo nuvuɛ̃ ta, eye mì mu la ŋlɔ̀be ènumème vɔsa gbè sia gbè tɔ̀ ku yebe ènu nana a, kudo èsìkɔ̀ɖɛ kèwo la zɔ̃ ku ìa ò.

¹⁷Ŋùkèkè èvègɔ̃a gbèa, mì la sɔ ènyì-suvi woèvè, àgbò èvè, èpè ɖèka be àlɛ̃vi woènè, èlã kèwo be àfi ɖekpe mu gble ò a,

¹⁸mì la sɔ ènu nana ku èsìkɔ̀ɖɛ kè jè na ènyì-suviawo, na àgbòawo ku àlɛ̃viawoa, nenè kè wo gbe nyi kpòa be ènu kè jè na vɔsaa, zɔ̃ ɖo èkɔ̀nua nu.

¹⁹Sɔ kpe èa, mì la sɔ gbɔgbɔɛ ɖèka savɔ ɖo nuvuɛ̃ ta, eye mì mu la ŋlɔ̀be ènumème vɔsa gbè sia gbè tɔ̀a ku yebe ènu nana, kudo èsìkɔ̀ɖɛ kèwo la zɔ̃ ku ìa ò.

²⁰Ŋùkèkè ètɔ̃gɔ̃a gbèa, mì la sɔ ènyì-suvi woeɖèka, àgbò èvè, èpè ɖèka be àlɛ̃vi woènè, èlã kèwo àfi ɖe mu gble na ò a,

²¹mì la sɔ ènu nana ku èsìkɔ̀ɖɛ kè jè na ènyì-suviawo, na àgbòawo ku àlɛ̃viawoa, nenè kè wo gbe nyi kpòa be ènu kè jè na vɔsaa, zɔ̃ ɖo èkɔ̀nua nu.

²²Sɔ kpe èa, mì la sɔ gbɔgbɔɛ ɖèka savɔ ɖo nuvuɛ̃ ta, eye mì mu la ŋlɔ̀be ènumème vɔsa gbè sia gbè tɔ̀a ku yebe ènu nana kudo èsìkɔ̀ɖe kèwo la zɔ̃ ku ìa ò.

²³Ŋùkèkè ènègɔ̃a gbèa, mì la sɔ ènyì-suvi èwo, àgbò èvè, èpè ɖèka be àlɛ̃vi woènè, èlã kèwo be àfi ɖekpe mu gble ò a,

²⁴mì la sɔ ènu nana ku èsìkɔ̀ɖɛ kè jè na ènyì-suviawo, na àgbòawo ku àlɛ̃viawoa, nenè kè wo gbe nyi kpòa be ènu kè jè na vɔsaa, zɔ̃ ɖo èkɔ̀nua nu.

²⁵Sɔ kpe èa, mì la sɔ gbɔgbɔɛ ɖèka savɔ ɖo nuvuɛ̃ ta, eye mì mu la ŋlɔ̀be ènumème vɔsa gbè sia gbè tɔ̀a ku yebe ènu nana kudo èsìkɔ̀ɖɛ kèwo la zɔ̃ ku ìa ò.

²⁶Ŋùkèkè àtɔ̃gɔ̃a gbèa, mì la sɔ ènyì-suvi àsiɖèkɛ, àgbò èvè, èpè ɖèka be àlɛ̃vi woènè, èlã kèwo àfi ɖekpe mu gble na ò a,

²⁷mì la sɔ ènu nana ku èsìkɔ̀ɖɛ kè jè na ènyì-suviawo, na àgbòawo ku àlɛ̃viawoa, nenè kè wo gbe nyi kpòa be ènu kè jè na vɔsaa, zɔ̃ ɖo èkɔ̀nua nu.

²⁸Sɔ kpe èa, mì la sɔ gbɔgbɔɛ ɖèka savɔ ɖo nuvuɛ̃ ta, eye mì mu la ŋlɔ̀be ènumème vɔsa gbè sia gbè tɔ̀a ku yebe ènu nana kudo èsìkɔ̀ɖɛ kèwo la zɔ̃ ku ìa ò.

²⁹Ŋùkèkè àdɛ̃gɔ̃ a gbèa, mì la sɔ ènyì-suvi ènyi, àgbò èvè, èpè ɖèka be àlɛ̃vi woènè, èlã kèwo àfi ɖekpe mu gble na ò a,

³⁰mì la sɔ ènu nana ku èsìkɔ̀ɖɛ kè jè na ènyì-suviawo, na àgbòawo ku àlɛ̃viawoa, nenè kè wo gbe nyi kpòa be ènu kè jè na vɔsaa, zɔ̃ ɖo èkɔ̀nua nu.

³¹Sɔ kpe èa, mì la sɔ gbɔgbɔɛ ɖèka savɔ ɖo nuvuɛ̃ ta, eye mì mu la ŋlɔ̀be ènumème vɔsa gbè sia gbè tɔ̀a ku yebe ènu nana kudo èsìkɔ̀ɖɛ kèwo la zɔ̃ ku ìa ò.

³²Ŋùkèkè adrɛ̃gɔ̃ a gbèa, mì la sɔ ènyì-suvi adrɛ̃, àgbò èvè, èpè ɖèka be àlɛ̃vi woènè, èlã kèwo àfi ɖekpe mu gble na ò a,

³³mì la sɔ ènu nana ku èsìkɔ̀ɖɛ kè jè na ènyì-suviawo, na àgbòawo ku àlɛ̃viawoa, nenè kè wo gbe nyi kpòa be ènu kè jè na vɔsaa, zɔ̃ ɖo èkɔ̀nu kè kã woa nu.

³⁴Sɔ kpe èa, mì la sɔ gbɔgbɔɛ ɖèka savɔ ɖo nuvuɛ̃ ta, eye mì mu la ŋlɔ̀be ènumème vɔsa gbè sia gbè tɔ̀a ku yebe ènu nana kudo èsìkɔ̀ɖɛ kèwo la zɔ̃ ku ìa ò.

³⁵Ŋùkèkè ènyigɔ̃a gbèa, mì la wu mìabe àzãɖùɖua nu: mì mu la wɔ̀ èdɔ ɖekpe ò.

³⁶Mì la sɔ ènyì-suvi ɖèka, àgbò ɖèka, èpè ɖèka be àlɛ̃vi adrɛ̃, èlã kèwo be àfi ɖekpe mu gble ò a, sɔ wɔ̀ ènumème vɔsa kè be hɔ̃hɔ̃ɛ gbligblia, la fa àkɔ na Tɔhonɔ̀.

³⁷Mì la sɔ ènu nana ku èsìkɔ̀ɖɛ kè jè na ènyì-suviawo, na àgbòawo ku àlɛ̃viawoa, nenè kè wo gbe nyi kpòa be ènu kè jè na vɔsaa, zɔ̃ ɖo èkɔ̀nu kè kã woa nu.

³⁸Sɔ kpe èa, mì la sɔ gbɔgbɔɛ ɖèka savɔ ɖo nuvuɛ̃ ta, eye mì mu la ŋlɔ̀be ènumème vɔsa gbè sia gbè tɔ̀a ku yebe ènu nana kudo èsìkɔ̀ɖɛ kèwo la zɔ̃ ku ìa ò.

³⁹Ènu kèwo mì la sɔ nɔ savɔ na Tɔhonɔ̀, ɖo hùenu kèwo wo ɖo na mìawo nua ye nyi ekèawo. Tovò na mìabe ènumème vɔ̀sawo, ènu ɖùɖu vɔ̀sawo, ènunùnu vɔ̀sawo, àkpedodo vɔ̀sawo ku àjɔ̀gbè be ènu nana, àlo, ènu kèwo mì la na, lè mìa ɖokoewo sia.”