Read gen Mikà 3 Bible Online

Mikà 3 - gen bible

Mikà 3

¹Eye mù le gblɔ̃ be: “Mì ɖoto fifì, mìa Yakɔb be àxuedo a. Mu nyi mìawo ye nyi Izràɛl be dùkɔ̃a be jɔ̀jɔɛ sòtɔwo òa?

²Vɔ̀, mì jo le crì ènyuɛ̃ ɖo èvuɛ̃ tèpe. Mì le plɔ àmèwo kaka yì kɔ̀ ɖo èpu ŋuti.”

³Ɛ̃ɛ, wo le ɖù àmèwo lè dùkɔ̃ nyèa mè. Wo plɔna woa ŋuti. Eye wo gbãnà èpu na wo. Wo flìnà wo wuwlui sìgbè èlã kè wo le do èze la ɖàa nène.

⁴Ekèa ŋuti ye ne wo va le yɔ Tɔhonɔ̀a, mu la ɖo èto wo ò. Vɔ̀, e la ɖè èkɔ̀ lè woa ŋuti ɖo èhlɔ̃ kèwo wo dãa ŋuti.

⁵Ènyà kè Tɔhonɔ̀ gblɔ̃ so gblɔ̃ɖɛtɔ kèwo le flù àpe dùkɔ̃a ŋutia ye nyi be: “Ne wo do ènu àkpò mè na woa, wo mu jina èvuɛ̃ na àmèwo ò. Vɔ̀, ne wo mu na wo ènu ɖekpe òa, wo jènà àgla ɖo àmèwo ŋuti.

⁶Woabe àvìmènukpɔkpɔa ŋutɔ cã tɔtè! Èzã la do do mì, mìa gblɔ̃ɖɛtɔwo. Mì mu gbà la gblɔ̃ ènyà ɖe ò. Vìvìti la do do mì sìgbè àlekè xixe mè nɔ̀nà ne dɔ̃ŋùkusu yì ɖo èxɔ̀ vɔ̀a nène. Eye mì la nɔ̀ vìvìti cicri mè!”

⁷Àmè kèwo kpata kãnà ènua, la sɔ àlɔ̀ cɔ̃ ŋùkumè, nɔ wla woabe ŋùkpɛ̃wo ɖo Mawu mu la gbà ɖo woabe ènyà biɔbiɔa ŋuti na wo ò.

⁸Vɔ̀ lè tɔ̀ nyè gomèa, mù ɖɔ kudo ŋusɛ̃. Tɔhonɔ̀ na mù yebe gbɔ̃gbɔ̃a, eye mù ɖɔ ku jɔ̀jɔɛ sòso kudo èjìdodo sɔ ɖè Yakɔb be jìjimèviwo be àglajèje fiɔ. Ne ma gblɔ̃ Izràɛl be vuɛ̃ be ènyà.

⁹Mì ɖoto mù, mìa Yakɔb be àxuenùgawo, mìa Izràɛl be kòjoɖotɔwo, mì àmè kèwo sitè ɖo jɔ̀jɔɛ sòso ŋuti eye mì glɔ̃na jɔ̀jɔɛ nyinyia,

¹⁰mì le tù Yèruzàlɛm, Mawu be èdùa be nyɔna ɖo èhlɔ̃dãdã kudo àmè zĩzĩ ɖo ànyi ji.

¹¹Mìabe kòjoɖotɔwo le ɖù èzãnu sɔ le sò kòjo; hũbonɔwo le biɔ àjɔ̀ gbɔ̀xue le fiɔ èsea. Gblɔ̃ɖɛtɔwo le xɔ̀ ènu ɖo àkpò mè gbɔ̀xue, le gblɔ̃ ènyà ɖɛ. Eye Tɔhonɔ̀ be nyikɔ ye wo yɔna, gblɔ̃nà be: “Tɔhonɔ̀ lè mia ji, èvuɛ̃ ɖekpe mu la va mia ji ò.”

¹²Ekèa ye na be, ɖo mìa ŋutia Ziɔ̀n la trɔ zũ àgblè nyigbã kè wo la ŋlɔ̀a. Yèruzàlɛm la trɔ èglìkpowo ɖèɖe. Eye èto kè ji mawuxɔa lèa la ɖɔ kudo ègbe ɖèɖe.