Read gen Zakarìa 12 Bible Online

Zakarìa 12 - gen bible

Zakarìa 12

¹Kpɔɖa, Tɔhonɔ̀ be ènyà kè be gblɔ̃ so Izràɛl ŋutia ye nyi ekè. Tɔhonɔ̀ kè vlũ jiŋùkusi, ɖo ànyigbã be dodoe eye be wɔ̀ àgbètɔ be gbɔ̃gbɔ̃a gblɔ̃ be:

²“Mù la trɔ Yèruzàlɛm sɔ wɔ̀ kogò kè ɖɔ kudo àpe àdɔ̀mèzea. E la mu dùkɔ̃ kèwo trɔdo èa sìgbè vɛ̃ nène. Wàlɛbɛ kè wo la xa Yèruzàlɛm be èdùa, Yudàtɔwo kpata ye la xɔ̀ ŋùkɔ̀.

³Ɛ̃ɛ, wàlɛbɛ ŋua, mù la trɔ Yèruzàlɛm sɔ wɔ̀ àhlìhãkpe kè ye àmè ɖekpe mu la teŋu kɔ òa. Àmè kè la tè è kpɔa, la jè àfɔ̀ku. E ye ŋuti ànyigbã ji dùkɔ̃wo kpata la wɔ̀ ɖèka ɖo.

⁴Ènyè Tɔhonɔ̀ mù le gblɔ̃ ɛ̀ be wàlɛbɛ ŋua: Mù la na vɔ̃vɔ̃ la jè èsɔwo kpata ji, eye èsɔawo be ɖotɔwo la jè àɖàhùa. Mù la lebè na Yudà, vɔ̀ mù la gbã ŋùku na dùkɔ̃ kpɔ̀tɛawo be èsɔwo.

⁵Yudà be kplɔ̀tɔwo la gblɔ̃ lè woa nɔ̀nɔwo dòmè be: “Yèruzàlɛm be dùmètɔwo sɛ̃ŋu ŋutɔ ɖo woabe Mawu a, xixea be Tɔhonɔ̀ ye.”

⁶Wàlɛbɛ ŋua, mù la trɔ Yudà be kplɔ̀tɔwo sìgbè èzò kè le bì lè ànakèkpowo gɔ̃mè nène, àlo sìgbè èbèyɔɛ kè le bì lè èbliti babla gɔ̃mè nène. Wo la crɔ̃ dùkɔ̃ kèwo trɔ do èa keŋu. Vɔ̀ Yèruzàlɛmtɔwo la kpɔ̀tɔ̀ nɔ̀ tèpe ŋua.”

⁷Tɔhonɔ̀ la hlùɛ̃ Yudà be xòmèwo gã jè ŋùkɔ̀. Nène a, David be àxuedo a kudo Yèruzàlɛmtɔwo mu la gbà nɔ susu be yèwo wu gã Yudà be àmèwo ke ò.

⁸Wàlɛbɛ ŋua, Tɔhonɔ̀ la xɔ̀ na Yèruzàlɛm be dùkɔ̃a: Àmè kèwo gbɔjɔ lè woa dòmèa, la ɖo ŋusɛ̃ sìgbè èfìɔ David nène. David be àxuedo a la nɔ̀ sìgbè Mawu nène na wo, sìgbè Tɔhonɔ̀ be àtikplɔtɔ nène.

⁹Tɔhonɔ̀ gblɔ̃ be: “Wàlɛbɛ ŋua mù la ji la crɔ̃ dùkɔ̃ kèwo keŋu la va xa Yèruzàlɛm be èdùa.

¹⁰Mù la ɖùɖù àdɔ̀mè nyuɛ̃ ku kuefã gbɔ̃gbɔ̃ ɖo David be àxuedo ku Yèruzàlɛmtɔwo ji. Wo la trɔ nɔ kpɔ mù, ɖo àmè kè wo ŋɔ ènua ŋuti. Wo la jì èfũlòha na ɛ̀ sìgbè àkòŋùgò vi kè kua tɔ̀ nène. Wo la fã na ɛ̀ sìgbè àlekè wo fãnà na ŋùkɔ̀gbevi kè kua nène.

¹¹Wàlɛbɛ ŋua, ècɔ gã ɖe la nɔ̀ Yèruzàlɛm wu gã Hadàd-Rimɔ̀n tɔ̀ lè Mègidò be bàlìa mè.

¹²Èdùa be hɛ̃nu ɖe sia ɖe la wɔ̀ ècɔa ɖovò: Lè David be àxuedo a mèa, ŋusùwo la wɔ̀ ɛ̀ ɖovò na nyɔ̃nùwo. Lè Natàn be xòmè mèa, ŋusùwo la nɔ̀ èvò na nyɔ̃nùwo.

¹³Lè Levì be xòmè mèa, ŋusùwo la wɔ̀ ɛ̀ ɖovò na nyɔ̃nùwo. Lè Sìmeyì be xòmè mèa, ŋusùwo la wɔ̀ ɛ̀ ɖovò na nyɔ̃nùwo.

¹⁴Nène a ke ye hɛ̃nu kpɔ̀tɛawo la wɔ̀ ècɔa ɖovò, ŋusùwo ɖovò na nyɔ̃nùwo.