Read gen Zakarìa 3 Bible Online

Zakarìa 3 - gen bible

Zakarìa 3

¹Tɔhonɔ̀ ɖè hũbonɔ gã Yosùa sɔ fiɔ mù. E lètè lè Tɔhonɔ̀ be àtikplɔtɔa be ŋùkɔ̀. Satana, èhùɛdotɔa, lètè lè Yosùa be ɖùsi mè ne bèa dohùɛ do è.

²Tɔhonɔ̀ be àtikplɔtɔa gblɔ̃ na èhùɛdotɔa be: “Tɔhonɔ̀ ne na wòa bɔ̀nu hũi, Satana! Ɛ̃ɛ, ne na wòa bɔ̀nu, ye ŋutɔ ye cã Yèruzàlɛm! Yosùa mu lè sìgbè èzòtikpo kè wo lìɔ to lè èzò mèa nènea?”

³Yosùa, lè àwù pòɖiwo mè lètè lè àtikplɔtɔa be ŋùkɔ̀.

⁴Àtikplɔtɔa gblɔ̃ na ye tɔ̀ kèwo lè funu kudo èa be woa ɖè àwùawo na ɛ̀. E yomè a, e gblɔ̃ na Yesùa be: “Kpɔɖa mù ɖè àpo àgɔ̀jèjewo jo, eye wò la teŋu do jìjɔɛ kpɔkpɔ be àwùwo fifì.”

⁵E gbà ɖè ègbè be woa sɔ àvɔnu ɖèɖe sɔ bla èta na Yosùa. Wo sɔ àvɔnu ɖèɖea bla èta na ɛ̀ eye wo do jìjɔɛ kpɔkpɔ be àwù na ɛ̀ lè àtikplɔtɔa be ŋùkɔ̀.

⁶E yomè a, Tɔhonɔ̀ be àtikplɔtɔa gblɔ̃ na Yesùa be:

⁷Tɔhonɔ̀ le doŋùgbè na xixea be: “Ne wò wɔ̀ ènu kè mù gblɔ̃a, ne wò wɔ̀ ɖo àpe ègbèɖèɖewo jia, wò la nyi àpe dùkɔ̃a kudo yebe ànyigbã ji kpɔtɔ. Mù la sɔ wò do àmè kèwo le sumɔ mù lè fikèawo dòmè.

⁸Yosùa, èwò kè nyi hũbonɔ gãa, ɖo èto, eye mìa hũbonɔ kèwo lè kudo èawo cã mì ɖo èto. Nyàwo, mìa hũbonɔwo be fikèa nɔ̀nɔ do ènu kè gbãnà be àŋɛ̀. Mù la na sumɔ̃vi nyè kè wo yɔna be “Gɛrmà” la va.

⁹Mù sɔ èkpe ɖe dà ɖo Yosùa be ŋùkɔ̀, ènu kɛ̃klɛ̃ adrɛ̃ lè èkpe ŋua ɖèka pɛɛ ji. Nyè ŋutɔ mù la ŋlɔ̀ ènu ɖe ɖo e ji, eye lè ŋùkèkè ɖèka pɛɛ mèa, mù la ɖè dùkɔ̃ kèa be àgɔ̀jèjewo jo. Ènyè Tɔhonɔ̀ ŋusɛ̃kpatatɔa ye gblɔ̃ ɛ̀.

¹⁰Lè ŋùkèkè ŋua jia, mì la kpe mìa nɔ̀nɔwo yì mìabe vɛ̃-gblewo mè eye mì la xɔ̀ àya lè mìabe ègbovitiwo be gɔ̃mè.”