Read gen Zakarìa 7 Bible Online

Zakarìa 7 - gen bible

Zakarìa 7

¹Lè èfìɔ Dàrius be èfìɔɖùzã èpè ènègɔ̃a mè, wètri àsiɖèkɛ kè wo yɔna be Kìsèlu[3] mè, lè ŋùkèkè ènègɔ̃a gbèa, Tɔhonɔ̀ pò nupo na mù.

²Betɛ̀l-Sàresɛ̀r, èfìɔ be àhùaga gã kudo àmèwo dɔ̃ àmè ɖewo ɖoɖa mawuxɔa mè ne woa yì biɔ Mawu be àdɔ̀mè nyuɛ̃.

³Ne woa gbà biɔ Tɔhonɔ̀ ŋusɛ̃kpatatɔ be hũbonɔa be: “E jè be mìa kpɔ̀tɔ̀ nɔ fã àvi, nɔ blanu lè wètri àtɔ̃gɔ̃a mè lè èpèa mè, sìgbè lekè mì wɔ̀nà ɛ̀ kòɖòa nènea?”

⁴Nène a, Tɔhonɔ̀ ŋusɛ̃kpatatɔa do ègbè kèa àsi na mù

⁵be ma ɖè yèbe ɖoŋutia gblɔ̃ na hũbonɔwo kudo èdùmènɔ̀tɔwo kpata be: “So èpè èkà takpo ci èwo (70) sɔ̃ŋu ye mì le blanu eye mì le jì àvihawo lè wètri àtɔ̃ kudo adrɛ̃gɔ̃awo mè. Vɔ̀ ènyè ŋuti ye mì le blanu ɖo tututua?

⁶Mu nyi mìabe gomè kpɔkpɔ ŋuti ye mì ɖùnànu gbà nùnànu ɖoa?”

⁷Sã xoxoa, gblɔ̃ɖɛtɔwo gbe ènyà na mì lè Tɔhonɔ̀ be nyikɔ mè. Lè hùe ŋua nua, Yèruzàlɛm be dùkɔ̃a kudo èdù kèwo trɔ do èawo kpata lè ŋuti fafa mè, àmèwo lè Nègev be àgo kudo èdùa be àpùgo.

⁸Tɔhonɔ̀ ŋusɛ̃kpatatɔa sɔ ènyà do àsi na mù be ma gblɔ̃ be:

⁹“Mì sò kòjo jɔ̀jɔɛwo, mì wɔ̀ àdɔ̀mè nyuɛ̃ eye mìa hɛ̃ mìa nɔ̀nɔwo blɛ̀wù.

¹⁰Mì mu gbà sɔ màjɔ̀ màjɔ sɔ tɛ ècɔɛviwo kudo àhòsìwo, àmèjrowo kudo wɔ̀amènɔ̀wo ɖo ànyi ò. Mì mu gbà nɔ ɖè sùsu kpòtoewo so mìa nɔ̀nɔwo ŋuti ò.”

¹¹Vɔ̀ sã xoxo kea, àmèwo gbe be yèwo ma ɖoto ò. Wo trɔ ŋùgbe eye wo tu woabe ètowo ne wo mu gbà sènu ò.

¹²Wo na woabe èjìwo sɛ̃ŋu sìgbè dàyimɔ̀n-kpe nène. Wo gbe be yèwo mu la xɔ̀ Tɔhonɔ̀ ŋusɛ̃kpatatɔa be nufɔfiɔ kè be wɔ̀ to yebe gblɔ̃ɖɛtɔ xoxoawo ji ò. Nène a ye Tɔhonɔ̀ gɛ̃ ɖo àdɔ̀mèze veveɖe mè

¹³eye e gblɔ̃ be: “Wo mu ji la ɖoto mù wàlɛbɛ kè mù le biɔ wo ètoɖoɖo ò. Nène a ke, nyè mu ji la ɖoto wo wàlɛbɛ kè wo le biɔ mù àlɔ̀doa ò.

¹⁴Mù na wo kplɔ̀ wo yì dùkɔ̃ ɖekpekpe kèwo wo mu jèsi sã òa dòmè. Nène a ye wo crɔ̃ woabe èdùa lè ŋùgbedòmè na wo. Àmè ɖekpe mu yìnà e mè kaka la to so e mè ò. Wo trɔ woabe èdù nyuɛ̃ ŋua sɔ wɔ̀ èglìkpowo ɖèɖe.”