Read gen Markò 4 Bible Online

Markò 4 - gen bible

Markò 4

¹Yesù gbà tɔ ènufiɔfiɔ lè Galilea be ètɔ̀a to. Àmè kèwo trɔ do èawo sùgbɔ, àlekè be e ɖo ètɔ̀jihũ ɖe mè, bɔ̀bɔ̀ nɔ̀ ànyi. Ètɔ̀jihũa lè ètɔ̀a ji, eye àmèha a nɔ̀ ànyi lè ètɔ̀a to.

²Yesù fiɔ ènu sùgbɔ àmèha a to èlododowo mè. Lè yebe ènufiɔfiɔwo mèa, e gblɔ̃ na wo be:

³“Mì ɖo èto mù! Ènukuwutɔ ɖe to gbè ɖèka, la yì wu ènu.

⁴Wàlɛbɛ kè be le wu ènua, èɖewo gɛ̃ jè èmɔ to eye xèviwo va fɔ̀ wo mì.

⁵Èɖewo gɛ̃ jè èkpe nyigbã ji, àfi kè èkɔ mu sùgbɔ lè òa. Wo ɖèbla mìɔ̃, ɖo èkɔ mu sùgbɔ lè funu ò.

⁶Vɔ̀a, kè èwè zɛ̃ a, wo fiɔ̃, eye wo pu, ɖo woabe èkè mu yìgũ ò.

⁷Èbuwo hlɛ̃ jè àŋùjawo mè, eye ekè wo sĩ gbãnà a, àŋùjawo mìɔ̃ cɔ̃ woa ji.

⁸Vɔ̀a, ènuku buwo jè ànyigbã nyuɛ̃ ji. Woawo yaa, wo sĩ, sɛ̃ èku nyuɛ̃ ɖe, eye ènuku ɖèka sɛ̃ èku èkà èvè takpo. Èɖe sɛ̃ èku èkà takpo. Eye èɖe cã sɛ̃ èku ègbã.”

⁹Eye Yesù gblɔ̃ be: “Àmè kè si èto lèa ne sè è!”

¹⁰E yomè a, ekè Yesù ku àmè kèwo bɔ̀nà ɖo e ŋutiawo kudo *àmèdɔ̃dɔ̃ woèvèawo kpɔ̀tɔ̀a, wo biɔ ɛ̀ be ne ɖè èlododoawo gɔ̃mè na yèwo.

¹¹E gblɔ̃ na wo be: “Wo ɖè ènu kè lè wawla lè Mawu be fìɔɖùɖua mèa fìɔ mìawo ya. Vɔ̀a, àmè buwo yaa, èlododo mè ye wo la fiɔ wo ènu sia ènu to,

¹²àleke be: 'Ne wo kpɔ ènu cã a, wo mu gbà jèsi ì ò; ne wo sè ènu cã a, wo mu gbà ŋɔjè e mè ò; ne wo mu gbà ɖɔ̀lì èdɛ̃, ne woa sɔ woabe èvuɛ̃wo kè wo ò.'”

¹³Eye Yesù gblɔ̃ na wo be: “Ne mì mu ŋɔjè èlo kèa mè fifì òa, leke ye mì la ŋɔjè kpɔ̀tɛawo mè ò?

¹⁴Ènukuwutɔa wu Mawu be ènyàa.

¹⁵Àmè ɖewo lè sìgbè èmɔ kè to ènukuawo hlɛ̃ jè a nène. Ne wo sè Mawu be ènyàa, troloa, Satana vana eye e ɖènà ènyàa jo lè woabe èjìwo mè.

¹⁶Àmè buwo lè sìgbè ènuku kèwo hlɛ̃ jè èkpe-nyigbã jia nène. Woawo ye nyi àmè kèwo, ne wo sè ènyàa, wo xɔ̀nà ɛ̀ zè ɖèka ku jìjɔ̀ɛ a.

¹⁷Vɔ̀a, àzã vi ɖe kpò ènyàa wɔ̀nà lè woa be èjì mè, ɖo wo mu tànàsi ènyàa ɖɛ ne bèa likè lè woa be èjì mè ò. Eye, ne àyàɖùɖu àlo ne yomètĩtĩ va ɖo ènyàa ŋutia, wo jènà ànyi zè ɖèka.

¹⁸Èbu kèwo hlɛ̃ jè àŋùja mèawo nyi àmè kèwo sè ènyàa,

¹⁹vɔ̀a xixe kèa be kãmàkãmawo[1], àdɔ̀kùnuwo be àmèfùflu ku ènu buwo be èjrowo ɖona woa mè, cɔ̃na ènyàa ji, eye be cina èku mà sɛ̃.

²⁰Vɔ̀a, àmè buwo lè sìgbè ènuku kèwo jè ànyigbã nyuɛ̃ jia nène. Woawo ye nyi àmè kèwo sènà ènyàa, eye wo xɔ̀nà ɛ̀a. Èɖewo sɛ̃na èku ègbã. Èbuwo, èkà takpo eye èbuwo cã, èkà èvè takpo.”

²¹Eye e gblɔ̃ na wo be: “Wo sũnà kãligbɛ̃ sɔ ɖona àtize gɔ̃mè loo, àlo àbàti gɔ̃mèa? Mu nyi kãligbɛ̃ti ji ye wo sɔna ɛ̀ ɖonaa?

²²Eŋuã ŋutia, ènu ɖekpekpe ènu kè wo wlaa, wo la ɖè è sia, eye ènu ɖekpekpe ènu kè lè vìvìti mèa, wo la sɔ ɛ̀ va kɔ̀kɔ̀ɛ nu.

²³Àmè kè si èto sènu lèa, ne sè è.”

²⁴Yesù gbà gblɔ̃ na wo be: “Mì le èto ɖo ènu kè mì le sè a ŋuti nyuɛ̃ ɖe, ɖo jijenu kè mì sɔ jijena ènu na àmèa, ke wo la sɔ jije ènu na mì, eye wo la gbà do e ji na mì.

²⁵Đo àmè kè si ènu lèa, wo la na ɛ̀ kpe è. Eye àmè kè si mu lè òa, wo la gbà xɔ̀ vi kè lè e sia cã.”

²⁶E gbà gblɔ̃ be: “Mawu be fìɔdua lè sìgbè àlekè ŋusù ɖe wuna ènuku ɖo yebe àgblè mèa nène.

²⁷Ne èzã do a, e dɔ̃na àlɔ̃. Ne èŋù kèa, e fɔ̃na. Vɔ̀a, mu nyana àlekè ènukua wɔ̀nà, mìɔ̃nà, eye be sĩnàa ò.

²⁸Ànyigbã ŋutɔ nana ènukua mìɔ̃nà. Cucugbãa, èblitia tona; e yomè a, blitikpea, sɔ wu e nua, èblikuawo.

²⁹Eye, ne e sɛ̃ èkua vɔ̀a, àgblèdàtɔa ɖènà àgɔ̃ ɖo e ji, ɖo ènuku yàya hùenu ɖo.”

³⁰E gbà gblɔ̃ be: “Nukɛ ye mi la sɔ Mawu be fìɔdua sɔ ku ò? Àlo èlo kɛ ye mi la do la sɔ pò nupo so e ŋuti ò?

³¹E lè sìgbè lokòku nène. Ne wo mu kpɔ do è òa, e hùe wu ènuku kèwo keŋu lè ànyigbã jiawo.

³²Vɔ̀a, ne wo do èa, e sĩnà, eye àtia yìnà èji wu àtiwo kpata. Yebe àlɔ̀zɛ̃wo lòlònà, àleke be xèviwo ɖona àtɔ̃ ɖo yebe fàfa mè.”

³³Yesù sɔna èlododo kèawo hati sùgbɔ gblɔ̃nà ènyàa na wo, sìgbè àlekè ye wo teŋu sè e gɔ̃mèa nène.

³⁴Vɔ̀a mu tona ènyà ɖe na wo èlo mà do ò. Gãkea, ne ye ku yebe nukplaviwo ɖèɖe kpɔ̀tɔ̀a, e ɖènà ènuwo keŋu gɔ̃mè na wo.

³⁵Lè gbè ŋua gbè kea, ekè fìɛ̃si ɖoa, Yesù gblɔ̃ na yebe nukplaviwo be: “Mì na ne mia yì àgo ɖe a ji.”

³⁶Yesù ku yebe nukplaviwo lè ètɔ̀jihũ kè mè be lè sãa mè, eye wo jo lè àmèha a gbɔ. Àklo buwo cã bɔ̀ ɖo woa ŋuti.

³⁷Àya gã ɖe tɔ pòpo eye àsrɔ̀kewo le ŋɛ̃ kɔ̀ ɖo èhũa mè, àleke be èsì le ɖɔ èhũa.

³⁸Vɔ̀a, Yesù ya sɔ èta ɖo èkɔ̀ɖonu ɖe ji, le dɔ̃ àlɔ̃ lè èhũa be àsike lɔ̀ge. Yebe nukplaviwo yì fɔ̃ ɛ̀ gblɔ̃ na ɛ̀ be: “Àpetɔ, wo mu kãma be mi le crɔ̃ òa?”

³⁹Ekè e fɔ̃a, e wɔ̀ àdã do àyaa, eye be gblɔ̃ na ètɔ̀a be, “Jè e mè! Èɖa ne ɖo!” Eye àyaa tɔtè, eye èɖa ɖo see.

⁴⁰E yomè a, e biɔ yebe nukplaviawo be: “Nukɛ ŋuti ye mì vɔ̃ ɖo ò. Mì mu kpɔ xɔ̀sè òa?”

⁴¹Vɔ̃vɔ̃ gã ɖe jè nukplaviawo ji, eye wo le biɔ woa nɔ̀nɔwo be: “Àmè kɛ ŋùmè ye nyi ŋusù kèa, eye àya ku ètɔ̀ ŋutɔ cã sènà ègbè na ɛ̀ ò?”