Read gen Èsea gbìgbɔ̀ hlɛ̃ 6 Bible Online

Èsea gbìgbɔ̀ hlɛ̃ 6 - gen bible

Èsea gbìgbɔ̀ hlɛ̃ 6

¹Ɖoɖo, èse ku èkɔ̀do kèwo Tɔhonɔ̀, mìabe Mawu a do àsi na mù, be ma fiɔ mì, ne mìa zɔ̃ ɖo woa ji, lè ànyigbã kè ji mì le yì, ne bèa trɔ zũ mìa tɔ̀awo ye nyi ekèawo.

²Lè mìabe àgbè mè ŋùkèkèwo keŋu mèa, mìa ku mìabe èviwo kudo mìabe tɔgbeyɔviwo, mì si Tɔhonɔ̀, mìabe Mawu, mì zɔ̃ ɖo yebe èse ku ɖoɖo kèwo mù sɔ le do àsi na mìawo ji, àleke be mìa nɔ̀ àgbè dìdi.

³Izràɛl dùkɔ̃, sè ètonu, kpɔ e gbɔ be wòa wɔ̀ ɖo èse kèawo ji: lekea ye wò la kpɔ nyɔna, eye wò la jì ɖo e ji, lè ànyigbã kè ji nyìnɔsi ku ànyisi bɔ lè[30], sìgbè lekè Tɔhonɔ̀, tɔgbe wòwo be Mawu a gblɔ̃ ɛ̀ na wòa nène!

⁴Izràɛl dùkɔ̃, ɖo èto, ne wòa sè è! Tɔhonɔ̀, miabe Mawu a ɖèka kpò ye nyi Tɔhonɔ̀[31].

⁵Wò la lɔ̃ Tɔhonɔ̀, àpo Mawu a ku àpo èjì blibo, ku àpo àmèti bliboa kudo àpo ŋusɛ̃ blibo[32].

⁶Wò la le èse kèwo mù sɔ le na wò egbèa be ènyàwo ɖo èjì mè.

⁷Wò la fiɔ èse kèa èvi wòwo. Wò la nɔ gblɔ̃ wo eji-eji ne wò lè àxomè, àlo wò le zɔ̃ èmɔ̃, ne wò mlɔ̃ ànyi àlo wò fɔ̃a.

⁸Wò la bla wo ɖo àpo àlɔ̀tinu ku ŋùgonu, sìgbè jèsìdo nène ne ŋùkuvi wòwo mu gbà jo lè woa ji ò.

⁹Wo la ŋlɔ̀ wo ɖo àpo àxue be hɔ̃truwo be àtiwo ŋuti, ku ɖo àpo èdùwo be àgbowo nu.

¹⁰Ne Tɔhonɔ̀, mìabe Mawu a kplɔ̀ mì yì ànyigbã kè be àjɔ̀gbè be fìã be yè la sɔ na mìa tɔgbe, Abràham, Izàk ku Yakɔb jia,[33] ànyigbã kè ji èdù gã nyuɛ̃ kèwo mu nyi mìawo ye sò wo ò lèa,

¹¹èdù kèwo mè àxuewo ɖɔ ku ènu nyuɛ̃ hamè-hamè kèwo mu nyi mìawo ye sɔ wo ɖo woa mè ò lèa, èdù kèwo mè, èsìdo kèwo sɔ̀gbè, vɔ̀a mu nyi mìawo ye kù wo ò lèa, ànyigbã kè ji vɛ̃-gble ku àmìti-gblè kèwo mu nyi mìawo ye dè wo ò lèa, eŋuã, ne mì ɖùnu, ɖɔpòa,

¹²mì kpɔ nyuɛ̃ ɖe, ne mì mu gbà ŋlɔ̀be Tɔhonɔ̀, kè kplɔ̀ mì to so Ejiptè-nyigbã ji, àfi kè mì nyi kluviwo lè sãa ò.

¹³Tɔhonɔ̀, mìabe Mawu ye mì ɖo la vɔ̃. E ye kpò mì la sumɔ[34]. Yebe nyikɔ kpò, mì la sɔ nɔ kã àtãŋu.

¹⁴Mì mu la sɛ̃ dùkɔ̃ kèwo pòxla mìawo be vòduwo dòmètɔ ɖekpe ò,

¹⁵ɖoa, Tɔhonɔ̀ mìabe Mawu a, Mawu hùãŋu ye be nyi, lè mìa dòmè. Mì kpɔ nyuɛ̃ ɖe be Tɔhonɔ̀, mìabe Mawu a be àdɔ̀mèze mu gbà bìzò, ɖo mìa ŋuti, ne bèa crɔ̃ mì jo lè ànyigbã ji ò.

¹⁶Mì mu gbà tè mìabe Mawu a kpɔ, sìgbè lekè mì tè è kpɔ[35], lè Masàa nène ò.

¹⁷Vɔ̀a, mì zɔ̃ ɖo Tɔhonɔ̀, mìabe Mawu be ɖoɖowo ku èse kèwo be sɔ do mìa siawo ji tututu.

¹⁸Mì nɔ wɔ̀ ènu kè nyɔ, eye be jɔ̀ lè Tɔhonɔ̀ be ŋùmè a, àleke be ènu ne nyɔ na mì, ne ànyigbã nyuɛ̃ kè Tɔhonɔ̀ fìã àjɔ̀gbè na mìa tɔgbewo, be yèa sɔ na mìa, ne teŋu sù mìa si,

¹⁹ne mìa teŋu nɔ nyà mìabe kɛ̃tɔwo kpata jo, sìgbè lekè Tɔhonɔ̀ fìã àjɔ̀gbèa nène.

²⁰Eye, ne èsɔ̀a, mìabe èviwo biɔ mì sè be: 'Nukɛ ŋuti ye Tɔhonɔ̀, miabe Mawu a wɔ̀ ɖoɖowo, do èsewo, eye be sɔ èkɔ̀do kèawo do mìa si lekea màa?'

²¹Mì la ɖo e ŋuti na mìabe èviwo be: 'Mi nyi kluviwo na Faraɔ̀n, lè Ejiptè-nyigbã ji kpɔ, vɔ̀a, Tɔhonɔ̀ sɔ yebe àlɔ̀ sɛ̃sɛ̃ kplɔ̀ mi to lè Ejiptè.

²²Miawo ŋutɔ, mi kpɔ nùkunu ku ŋùdãnu gã, ɖo vɔ̃vɔ̃wo, kèwo Tɔhonɔ̀ wɔ̀, sɔ crɔ̃ Faraɔ̀n be àxue bliboa ku Ejiptètɔwo be àhùakɔ̃a keŋu-keŋu.

²³Tɔhonɔ̀ kplɔ̀ mi jo lè funua, ne bèa na, mia nɔ̀ ànyigbã kè be àtãŋu be kã na mia tɔwo, be yè la sɔ na mia ji.

²⁴Tɔhonɔ̀ ɖè ègbè na mi be mia wɔ̀ ɖo èse kèawo keŋu ji, be mia nɔ si Tɔhonɔ̀, àleke be ènu ne nyɔ na mi, kaka sɔ yì, ne bèa gble mi ɖo àgbè, sìgbè lekè mi lè àgbè egbèa nène.

²⁵Ne mi nɔ̀ ŋùzɔ̃, eye mi wɔ̀ ɖo èse kèawo keŋu ji, lè Tɔhonɔ̀, miabe Mawu be ŋùmè, sìgbè lekè be ɖo è na mia nènea, mi la nɔ̀ jɔ̀jɔɛ.