Read gen Yòhanɛ̀s 16 Bible Online

Yòhanɛ̀s 16 - gen bible

Yòhanɛ̀s 16

¹“Mù gblɔ̃ ènyà kèawo kpata na mì ne mì mu gbà va trɔ lè xɔ̀sèa yomè ò.

²Đo wo la ɖè mì to lè bɔ̀bɔ̀pewo. Gàmè la va sù, kè ye àmè kèwo la wù mìawo, la sɔ ɛ̀ be Mawu kpò ye yèwo le sumɔ nène.

³Wo la wɔ̀ ènu kèawo ku mì, ɖo wo mu jèsi Ètɔ nyè ò, wo mu jèsi ènyè ŋutɔ cã ò.

⁴Vɔ̀a, mù le to ènyà kèawo na mì fifì, àleke be, ne gàmè va ɖoa, mìa ɖoŋù be mù to è na mì.” “Nyè mu to ènyà kèa na mì so gɔ̃mèjèje a ò, ɖo mù lè ku mì.

⁵Vɔ̀ fifìa, mù le yì àmè kè dɔ̃ mù ɖoɖaa gbɔ, eye mìa dòmètɔ ɖekpe mu biɔ mù be: 'Fikɛ ye wò le yì ò?'

⁶Vɔ̀a, kè mù to è na mì ŋutia, àkpɔ̃ ɖɔ mìabe èjì mè.

⁷Gãkea, nyàwo mù le to na mì. Àpe jojo la ɖè àlè na mì wu. Đo, ne nyè mu jo òa, Àsiɖoàkɔnamètɔ a mu la va ò. Vɔ̀a, ne mù joa, mù la dɔ̃ ɛ̀ ɖoɖa mì.

⁸Ne e vaa, e la ɖè ènuvuɛ̃ kudo jɔ̀jɔɛ sòso gbàkudo kòjoɖoɖo fiɔ xixea;

⁹Lè ènuvuɛ̃ ŋuti, ɖo wo mu xɔ̀ ji nyè sè ò.

¹⁰Lè jɔ̀jɔɛ sòso ŋuti, ɖo mù le yì Ètɔ nyè gbɔ, eye mì mu gbà la kpɔ mù gbèɖe ò.

¹¹Lè kòjoɖoɖo ŋuti, ɖo wo ɖo kòjo na xixe kèa be èfìɔvia vɔ̀.”

¹²“Ènu sùgbɔ kpɔ̀tɔ̀ kè mù la to na mìa, vɔ̀a, mì mu la teŋu ŋɔjè woa mè fifì ò.

¹³Gà kè mè nyàwo be Gbɔ̃gbɔ̃ a la vaa, e la na mìa nya nyàwo kè sona Mawu gbɔa kpata. Đo mu la pò nupo lè ye ɖokoe sinu ò, vɔ̀a, ènu kèwo be sèawo kpò ye be la gblɔ̃, eye e la gblɔ̃ ènu kèwo la va jɔ̀awo na mì.

¹⁴E la na mù gogo, ɖo ènu kè mù to na ɛ̀awo ye be la gblɔ̃ na mì.

¹⁵Ènu kèwo kpata nyi Àta tɔ̀awo nyi nyè cã tɔ̀ nyè. Ènu kèa ŋuti mù gblɔ̃ na mì be, ènu kè mù to na Gbɔ̃gbɔ̃ Kɔ̀kɔ̀ɛ a ye be la gblɔ̃ na mì.”

¹⁶“Zãɖea, mì mu la gbà kpɔ mù ò; eye èzã ɖe a, mì la gbà kpɔ mù.”

¹⁷Wàlɛbɛ ŋua, yebe *nukplavi ɖewo le gblɔ̃ lè woa nɔ̀nɔwo dòmè be: “E le to na mi be: 'Èzã ɖe a, mì mu la gbà kpɔ mù ò, eye èzã ɖe a, mì la gbà kpɔ mù.' E gbà to na mi be: 'Mù le yì Ètɔ nyè gbɔ.' Nukɛ ŋutɔ ye be le ji la gblɔ̃ na mi to ènyà ŋuawo mè ò?

¹⁸Nukɛ ye le nyi 'Zãɖea' ò? Mi mu ŋɔjè ènu kè be le gblɔ̃a mè ò ɖe!”

¹⁹Kè Yesù nya be yebe nukplaviwo le ji la biɔ yè ènyàa, e gblɔ̃ na wo be: “Mù to na mì be 'Èzã ɖe a, mì mu la gbà kpɔ mù ò, eye èzã ɖe a, mì la gbà kpɔ mù.' Ènu kèa be gɔ̃mè sèse mì le biɔ mìa nɔ̀nɔwo.

²⁰Nyàwo ye mù le to na mì, mì la nɔ fã àvi, la nɔ làmɔɛ̃, wàlɛbɛ kè xixe kèa mè tɔwo la nɔ kpɔ jìjɔ̀ɛ a. Mì la xànu vɔ̀a, mìabe ènuxàxaa la va trɔ zũ jìjɔɛ.

²¹Ne nyɔ̃nù la jì èvia, e sènà veve, eye be ɖɔna kudo àkpɔ̃, ɖo yebe gàmè ye sù. Vɔ̀a, ne e jì èvia vɔ̀a, mu gbà ɖona ŋù veve kè be sè a ò. E kpɔna jìjɔɛ, ɖo e jì àgbètɔ.

²²Mìawo cã a, àkpɔ̃ le ɖo mì fifì, vɔ̀a mù la gbà trɔ va kpɔ mì, eye mì la kpɔ jìjɔɛ, eye àmè ɖe mu la teŋu xɔ̀ mìabe jìjɔ̀ɛ a lè mìa si ò.”

²³“Lè gbè ŋua gbèa, mì mu la gbà biɔ mù ènyà so ènu ɖe ŋuti ò. Nyàwo ye mù le to na mì. Àta la na mì ènu sia ènu kè mì la biɔ lè àpe nyikɔ mèa.

²⁴Kaka va na fifìa, mì mu kpɔ biɔ ènu ɖe lè àpe nyikɔ mè ò. Mì biɔ, ne mìa xɔ̀, àleke be mìabe jìjɔɛ ne nyi blibo.”

²⁵“Mù gblɔ̃ ènyà kèawo keŋu na mì to èlododo mè. Vɔ̀a gàmè gbãnà, kè nyè mu la gbà pò nupo na mì to èlododo mè ò. Gà ŋua mèa, mù la pò nupo na mì so Ètɔ nyè ŋuti fàa.

²⁶Gbè ŋua gbèa, mì la biɔ ènu Àta lè àpe nyikɔ mè, eye mu la gbà hiã be ma fãkue na ɛ̀ ɖo mìa ta ò.

²⁷Đo Àta ŋutɔ lɔ̃ mì. E lɔ̃ mì, ɖo mì lɔ̃ mù, eye mì xɔ̀sè be Mawu gbɔ ye mù so va.

²⁸Àta gbɔ ye mù so, eye mù va xixea mè. Vɔ̀ fifìa, mù le jo lè xixea mè le yì Àta gbɔ.”

²⁹Yesù be nukplaviwo gblɔ̃ na ɛ̀ be: “Fifìa wò le pò nupo na mi fàa; wò mu gbà le do èlo na mi ò.

³⁰Fifìa, mi nya be wò nya ènu sia ènu, eye mu gbà lè veve ɖe be àmè ɖe ne biɔ wò ènyà ò. Ènu kèa ŋuti ye mi xɔ̀sè be wò so Mawu gbɔ ɖo.”

³¹Yesù gblɔ̃ na wo be: “Mì xɔ̀sè fifìa?

³²Kpɔɖa, gàmè gbãnà, e va cã vɔ̀, kè àmè sia àmè la kãhlɛ̃, eye mì la gble ènyè ɖèka ɖɛ. Gãkea, mu nyi ènyè ɖèka ye lè ò; Àta lè kudo mù.

³³Mù le to ènyà kèawo na mì, ne mìa kpɔ fàfa lè mè nyè. Mì le ɖù àyà lè xixea mè, vɔ̀a, àgbɔ̃ ne jèpò na mì. Mù ɖù xixea ji vɔ̀!”