Read gen 1Kòrɛ̃tòtɔwo 7 Bible Online

1Kòrɛ̃tòtɔwo 7 - gen bible

1Kòrɛ̃tòtɔwo 7

¹Kù ɖo ènyà kè ŋuti mì ŋlɔ̀ xoma ɖoɖa mù ɖoa ŋutia, mù gblɔ̃ na mì be: “E la nyɔ be ŋusù ne nɔ̀ ànyi, ekè mu la dɔ̃ kudo nyɔ̃nù ò.”

²Vɔ̀a, ɖo tètèkpɔ na gbòlò wɔ̀wɔ ŋutia, e jè be ŋusù ɖe sia ɖe ne ɖè nyɔ̃nù ɖèka, eye nyɔ̃nù ɖe sia ɖe ne ɖè ŋusù ɖèka.

³Ŋusù ɖo la wɔ̀ ènu sia ènu kè jè a na èsrɔ̃a-nyɔ̃nù. Nène a ke ye nyɔ̃nù cã ɖo la wɔ̀ ènu sia ènu kè jè a na èsrɔ̃a-ŋusù.

⁴Nyɔ̃nù mu ɖo la sɔ yebe ŋutilã wɔ̀ ènu kè jro èa ò, ɖo àsua tɔ̀ ye be nyi. Nène a ke ye ŋusù cã mu ɖo la sɔ yebe ŋutilã wɔ̀ ènu kè jro èa ò, ɖo àsìa tɔ̀ ye be nyi.

⁵Mì mu gbà nɔ gbe mìa ɖokoewo na mìa nɔ̀nɔwo ò, ne mu nyi be, mì gblɔ̃ ɛ̀ ɖɛ, be yèwo la nɔ̀ nènea, na hùenu vi ɖe kpò, àleke be mìa jo mìa ɖokoewo na kuefã. Vɔ̀a, e yomè a, mìa gbà gbìgbɔ̀ wɔ̀ ɖèka, ne mìabe ɖokoe ji màɖù mu gbà ɖè èmɔ na Satana ne bèa tè mì kpɔ ò.

⁶Mù le gblɔ̃ ekèa, sɔ le ɖè èmɔ na mì, mu nyi *èse ye be nyi, mù le do ò.

⁷E jro mù be àmèwo kpata woa nɔ̀ sìgbè àlekè mù lèa nène. Vɔ̀a, àmè ɖekpekpe ɖo ye ŋutɔ be ènu nana tɔ̀xɛ kè be xɔ̀a so Mawu gbɔ. Àmè ɖe xɔ̀ ekèa; àmè bu xɔ̀ eŋuã.

⁸Vɔ̀a mù le gblɔ̃ na àmè kèwo mu ɖè èsrɔ̃ ò, kudo àsukusiwo be, e nyɔ na wo be woa nɔ̀ sìgbè àlekè nyè cã mù lèa nène.

⁹Vɔ̀a, ne wo mu teŋu ɖù woa ɖokoewo ji òa, wo ne ɖè èsrɔ̃. Đo, e nyɔ be woa ɖè èsrɔ̃, wu be àmè ne nɔ̀ fìɔ lè ye ɖokoe mè.

¹⁰Na àmè kèwo ɖè èsrɔ̃ lè Kristò mèawoa, mù le do *èse na wo (mu nyi ènyè ye le do èsea ò; vɔ̀a Tɔhonɔ̀ ye) be, nyɔ̃nù mu gbà gbe yebe èsrɔ̃a ò.

¹¹Vɔ̀a, ne e gbe èa, ne nɔ̀ ànyi èsrɔ̃ mà ɖè, àlo ne gbìgbɔ̀ wɔ̀ ɖèka kudo àsua. Nène a kea, àsua cã mu gbà gbe àsìa ò.

¹²Na àmè kpɔ̀tɛawoa, ènu kè mù le gblɔ̃a ye nyi ekèa (mu nyi Tɔhonɔ̀ ye le gblɔ̃ ɛ̀ ò, nyè ŋutɔ ye le gblɔ̃ ɛ̀): ne nɔ̀vi ɖe ɖè nyɔ̃nù màxɔ̀sètɔ, eye e lɔ̃ be yèa nɔ̀ kudo èa, mu gbà gbe è ò.

¹³Nène a ke ye, ne nyɔ̃nù xɔ̀sètɔ ɖe ɖè ŋusù màxɔ̀sètɔ, eye e lɔ̃ be yè la nɔ̀ kudo èa, mu gbà gbe è ò.

¹⁴Wo kɔ̀ ŋusù màxɔ̀sètɔa ŋuti, to èsrɔ̃a nyɔ̃nùa ji, eye wo kɔ̀ nyɔ̃nù màxɔ̀sètɔa ŋuti, to èsrɔ̃a ŋusùa ji. Ne mu nyi nène òa, mìabe èviwo ŋuti mu la kɔ̀ ò, gãkea wo nyi àmè kèwo ŋuti wo kɔ̀awo.

¹⁵Vɔ̀a ne màxɔ̀sètɔ la ɖè àsi lè èsrɔ̃a ŋutia, ne wɔ̀ ɛ̀ fàa! Lè ègo kèa mèa, nɔ̀vi ŋusù, àlo nɔ̀vi nyɔ̃nùa vò. Mawu ɖo mi be mia nɔ̀ ŋuti fàfa mè ye.

¹⁶Nyɔ̃nù, wò nya ne wò la hlùɛ̃ èsrɔ̃ wòa gãa? Àlo ŋusù, wò nya ne wò la hlùɛ̃ èsrɔ̃ wòa gãa?

¹⁷Àmè sia àmè ne nɔ̀ àgbè ɖo ènu nana kè Tɔhonɔ̀ na ɛ̀, gbɔ̀xue yɔ ɛ̀a nu. Ekèa nyi àpe ègbe na èhabɔ̀bɔwo kpata.

¹⁸Ne wo sòvo na àmè ɖe gbɔ̀xue yɔ ɛ̀a, mu gbà wla yebe *èvosòso be jèsìa ò. Ne wo yɔ àmè ɖe, wàlɛbɛ kè mu sòvo òa, ne nɔ̀ nènea.

¹⁹Èvo sòso mu nyi ènu ɖekpe ò, eye èvo màsò cã mu nyi ènu ɖekpe ò. Mawu be èseawo ji wɔ̀wɔ ye lè veve ɖe.

²⁰Àmè ɖekpekpe ne nɔ̀ nɔ̀nɔmè kè mè be lè gbɔ̀xue wo yɔ ɛ̀a.

²¹Kluvi ye wò nyi wàlɛbɛ kè wo yɔ wòa? Mu gbà ve wò ò. Ne wò kpɔ be wò teŋu nɔ̀ ɖokoewo si, wɔ̀ ɛ̀ bòhũ.

²²Ne àmè ɖe nyi kluvi gbɔ̀xue Tɔhonɔ̀ yɔ ɛ̀a, e trɔ zũ Tɔhonɔ̀ be àmèjojo. Nène a ke ye àmè kè nyi àblɔ̀ɖèvi gbɔ̀xue Tɔhonɔ̀ yɔ ɛ̀a, trɔ zũ Kristò be kluvi.

²³Mawu tu èfɛ̃ gã ɖe, sɔ plè mì; mì mu gbà trɔ zũ àgbètɔwo be kluvi ke ò.

²⁴Ye ŋutia, nɔ̀viwo, àmè sia àmè ne nɔ̀ nɔ̀nɔmè kè mè be lè gbɔ̀xue wo yɔ ɛ̀a.

²⁵Lè àmè kèwo mu ɖè èsrɔ̃ ò tɔ̀ gomèa, nyè mu xɔ̀ ègbè ɖe so Tɔhonɔ̀ gbɔ ò. Ènyè kè Mawu ku ŋuzĩzĩ na, àmè kè ji wo teŋu kã ɖoa, nyè ŋutɔ, susu nyè ye nyi ekèa.

²⁶Mù susu be, ɖo hùenu sɛ̃sɛ̃ kèwo mè mi lèawo ŋutia, e nyɔ be àmè ne nɔ̀ àlekè ye be lèa.

²⁷Ne e nyi be wò bla ɖokoe wò ɖo nyɔ̃nù ɖe ŋutia, mù gbà gbe è ò. Ne e nyi be wò mu ɖè èsrɔ̃ òa, e nyɔ be wòa nɔ̀ nènea.

²⁸Vɔ̀ ne e nyi be wò ɖè nyɔ̃nùa, wò mu wɔ̀ èvuɛ̃ ò. Ne tùgbɛ̀jɛ ɖè èsrɔ̃a, mu wɔ̀ èvuɛ̃ ò. Vɔ̀ àmè kèwo ɖè èsrɔ̃awo la to tètèkpɔ sɛ̃ŋu sùgbɔ mè, lè ŋutilã mè, ye ŋuti mù le pò ètoɖo na mì, àleke be ènu kèawo mu gbà jɔ̀ ɖo mìa ji ò.

²⁹Mù le gblɔ̃ ekèa, nɔ̀viwo, be hùenua gogo. Eye so fifì sɔ yìa, àmè kèwo ɖè nyɔ̃nùawo ne nɔ̀ àgbè sìgbè wo mu ɖo ò nène.

³⁰Àmè kèwo le fã àviawo, ne nɔ̀ sìgbè wo mu le fã àvi ò nène. Eye àmè kèwo le kpɔ jìjɔɛawo ne nɔ̀ sìgbè wo mu le kpɔ jìjɔɛ ò nène. Àmè kèwo le plè ènuawo ne nɔ̀ sìgbè ènu kè wo le plèa mu nyi woa tɔ̀ ò nène.

³¹Àmè kèwo le zã xixe kèa mè be ènuwoa, ne nɔ̀ sìgbè wo mu le zã wo ò nène; ɖoa, xixe kèa mu la nɔ̀ ànyi kaka sɔ yì ò.

³²Mù jro be mìa vò lè èta mè bùbu si. Ŋusù kè mu ɖè èsrɔ̃ òa, xànànu ɖo Tɔhonɔ̀ be ènuwo ŋuti. E jina àlekè be la wɔ̀, la jè ŋùmè na Tɔhonɔ̀a.

³³Vɔ̀a ŋusù kè ɖè èsrɔ̃a, cinaji ɖo xixe mè be ènyàwo ŋuti. E jina àlekè be la jè ŋùmè na èsrɔ̃aa.

³⁴Eye be lè èvè dòmè. Nyɔ̃nù kè mu ɖè èsrɔ̃ ò, àlo tùgbɛ̀jɛa, cinaji ɖo Tɔhonɔ̀ be ènyàwo ŋuti, eye be jina be yèa ɖo yèbe àmètia kudo yèbe èklaa kɔ̀kɔ̀ɛ. Vɔ̀ nyɔ̃nù kè ɖè èsrɔ̃a, cinaji ɖo xixe mè be ènuwo ŋuti. E jina àlekè be la wɔ̀, la jè ŋùmè na èsrɔ̃aa.

³⁵Mù le gblɔ̃ ekèa na mìa ŋutɔ mìabe ènyuɛ̃; mu nyi ne ma sɔ ènyà ɖe sɔ zĩ mìa ji ò. Vɔ̀ ne mìa wɔ̀ ènu kè nyɔ wua, ne mìa tɛ ɖo Tɔhonɔ̀ ɖèka ŋuti kpò.

³⁶Ne ɖèkajɛ ɖe sɔ àgɔ̀ tùgbɛ̀jɛ ɖe, eye be kpɔ be ŋutilã be èjro sɛ̃ŋu lè yè mè, eye mu teŋu le ɖù ye ɖokoe ji òa, wo teŋu ɖè woa nɔ̀nɔwo fàa, sìgbè lekè e jro a nène. Wo mu wɔ̀ nuvuɛ̃ ò.

³⁷Vɔ̀ ɖèkajɛ kè ji wo mu zĩ ò, eye be ɖo è lè ye ɖokoe mè dododo, be yè mu la tɔ àsi yèbe àgɔ̀sɔa ò, eye be ɖù ye ɖokoe jia, e wɔ̀ ɛ̀ nyuɛ̃ ɖe.

³⁸Nène a, àmè kè ɖè yebe àgɔ̀sɔa, wɔ̀ ɛ̀ nyuɛ̃ ɖe, vɔ̀ àmè kè mu ɖè òa gbà wɔ̀ ɛ̀ wu.

³⁹Nyɔ̃nù kè ɖè èsrɔ̃a, èse bla ɛ̀ ɖo èsrɔ̃a ŋuti, kaka kè e lè àgbè a. Vɔ̀ ne ŋusùa kua, e kpɔ èmɔ ne bèa ɖè àmè bu, vɔ̀a ne nyi lè Tɔhonɔ̀ mè kpò.

⁴⁰Gãkea, lè àpe kpɔkpɔ nua, e la nyɔ na ɛ̀ be ne nɔ̀ àlekè be lèa, ekèa ye nyi àpe susu. Eye nyè cã mù xɔ̀sè be Mawu be Gbɔ̃gbɔ̃ lè mè nyè.