Read gen 2Kòrɛ̃tòtɔwo 13 Bible Online

2Kòrɛ̃tòtɔwo 13 - gen bible

2Kòrɛ̃tòtɔwo 13

¹Ekèa ye le nyi zè ètɔ̃gɔ̃a, kè mù gbãnà mìa gbɔa. “Đàsèfo èvè, àlo ètɔ̃ be gbɔ̃gblɔ̃ ji wo la ɖo èkpe ènyà sia ènyà ji lè.”

²Mù gblɔ̃ ɛ̀ sã, ekè mù nɔ̀ mìa gbɔ, zè èvègɔ̃a, eye mù gbà le gblɔ̃ ɛ̀ ke, fifì, na àmè kèwo wɔ̀ èvuɛ̃ sãawo, kudo àmè kpɔ̀tɛawo, wàlɛbɛ kè nyè mu lè òa be: Ne mù trɔ vaa, nyè mu la kpɔ ɖo e mè na mì ò,

³ɖoa, mì le ji jèsìdo be Kristò lè pò nupo to ji nyè. Mu gbɔjɔ lè mìa ŋuti ò, vɔ̀a, e le ɖè yebe ŋusɛ̃ fiɔ lè mìa mè.

⁴Nyàwo ye be nyi be wo ka ɛ̀ ɖo àtisòga ŋuti, lè yebe gbɔ̀jɔ̀gbɔjɔ mè, vɔ̀a, e lè àgbè, to Mawu be ŋusɛ̃ ji. Eye miawo cã, mi gbɔjɔ, lè ɖèka wɔ̀wɔ mè ku ì, vɔ̀a, mi la nɔ̀ àgbè kudo è, to Mawu be ŋusɛ̃ ji na mì.

⁵Mì yì mìa ɖokoewo mè kpɔ, be mì lè xɔ̀sèa mè màa. Mì do mìa ɖokoewo kpɔ. Àlo mì mu le kpɔ be Yesù Kristò lè mìa mèa? Ne mu nyi nène òa, mì nyi àmè kèwo mu likè ò.

⁶Mù susu be, mì la nya be, mi mu nyi àmè kèwo mu likè ò, eye miawo yaa, mi wɔ̀ mia tɔ̀a.

⁷Mi le fãkue na Mawu be, mì mu gbà wɔ̀ ènuvuɛ̃ ɖekpe ò. Mu nyi be, miawo yaa, mi ze sìgbè àmè kèwo likèawo nène ò. Vɔ̀a ne mìa wɔ̀ nyuɛ̃, eye miawo yaa, mia nɔ̀ sìgbè àmè kèwo mu likè ò nène.

⁸Mi mu teŋu wɔ̀ ènu ɖekpe ɖo nyàwo a ŋuti ò, vɔ̀a nyàwo a ji kpò ye mi teŋu wɔ̀nà ɖo.

⁹Èjì jɔ̀nà mi, ne mi gbɔjɔ, eye mì sɛ̃ŋua. Ènu kè mi fã biɔa ye nyi mìabe blibo sùsu.

¹⁰Ye ŋuti mù le ŋlɔ̀ ekèa, wàlɛbɛ kè nyè mu lè mìa gbɔ òa, àleke be, ne mù vaa, nyè mu gbà hɛ̃ ènyà sɛ̃sɛ̃, sɔ zɔ̃ ɖo hɔ̃hlɔ̃ kè Tɔhonɔ̀ na mù, ne àmè be ŋùkɔ̀yìyia ji, mu nyi na cɔ̃crɔ̃ ò.

¹¹Mɛmlɛ̃ nua, nɔ̀viwo, èjì ne jɔ̀ mì. Mì ɖù blibo, mì na woa fa àkɔ na mì. Mì wɔ̀ ɖèka lè susu mè; mì nɔ̀ ànyi lè fàfa mè, eye lɔ̃lɔ̃ kudo fàfa be Mawu a la nɔ̀ ku mì.

¹²Mì do ègbè na mìa nɔ̀nɔwo, eye mì kpla àsi èkɔ̀ na mìa nɔ̀nɔwo kudo lɔ̃lɔ̃ àdodoe. Àɖèsãwo keŋu do ègbè ɖoɖa mì.

¹³Tɔhonɔ̀ Yesù Kristò be màje, ku Mawu be lɔ̃lɔ̃ kudo Gbɔ̃gbɔ̃ Kɔ̀kɔ̀ɛ a be pòpo ɖodu ne nɔ̀ ku mìa kpata.