Read gen 2Kòrɛ̃tòtɔwo 5 Bible Online

2Kòrɛ̃tòtɔwo 5 - gen bible

2Kòrɛ̃tòtɔwo 5

¹Đo a, mi nya be, ne miabe ànyigbã ji be àxue kè nyi gòxɔ̀ kpòa, mùa, àxue kè so Mawu gbɔa lè mia si, àxue kòkòɖàbì kè wo mu sɔ àgbètɔ be àlɔ̀ tù òa, lè jiŋùkusi.

²Ye ŋutia, mi le ŋɛ̃, lè gòxɔ̀ kèa mè, le jro veve ɖe be, woa sɔ miabe jiŋùkusi be àxuea cɔ̃ na mi;

³ne woa kpɔ be mi do àwù, mu nyi be, mi lè àma ò.

⁴Đo mi, àmè kèwo ye lè gòxɔ̀ kèa mèa, mi le ŋɛ̃, ekè àgbã lè kpɛ̃ mia. Đo, mi mu jro be, woa ɖè àwù na mi ò; vɔ̀a, woa do àwù yeyea ɖo xoxoa ji na mi, ne àgbè bèa mì ènu kè nyi ènu kukua àgbligbà*.

⁵Àmè kè ɖo mi na àgbè kèa ye nyi Mawu, àmè kè na mi Gbɔ̃gbɔ̃ a be àwòbanuwo.

⁶Ye ŋutia, mi donajì wè sia wè, ɖo mi nya be, ne mi lè miabe ŋutilã kèa mèa, mi le nɔ̀ àzɔ̀ge na Tɔhonɔ̀,

⁷ɖo mi le zɔ̃ lè ènu kè mi xɔ̀sèa mè, mu nyi lè ènu kè mi le kpɔa mè ò.

⁸Ɛ̃, jìdo lè mia si, eye e jènà ŋùmè na mi wu, be mia jo lè ŋutilã kèa mè, ne mia yì nɔ̀ àxue lè Tɔhonɔ̀ gbɔ.

⁹Ye ŋutia, mi le wɔ̀ àvũ be, ne mi kpɔ̀tɔ̀ lè ŋùtilã kèa mè, àlo mi mu lè e mè òa, mia jè ŋùmè na ɛ̀.

¹⁰Đo a, mia kpata mi ɖo la ze lè Kristò be kòjoɖopea, ne àmè sia àmè ne xɔ̀ ènu kè be wɔ̀ lè ŋutilã mèa be àjɔ̀ kè nyɔ, àlo kè nyrãa.

¹¹Ekè mi nya Mawu vɔ̃vɔ̃a, mi le ji be àmèwo ne xɔ̀ ɖo mia tɔ̀ ji, eye, lè Mawu be ŋùmè a, mi ze peŋu lè gàglàgbè. Mù susu be, mi ze peŋu lè gàglàgbè, lè mìabe *jìjigbè cã mè.

¹²Mi mu gbà le kafu mia ɖokoewo na mì ò, vɔ̀a mi na mì èmɔ, ne mìa yigò ɖo mia nu, ne mìa ɖo gbèta ɖe na àmè kèwo le yigò lè ènu ji, mu nyi lè èjì mè ò.

¹³Đo a, ne èta mè gble na mia, Mawu ŋuti ye be gble ɖo. Ne èta mè kɔ̀ na mia, mìawo ŋuti ye.

¹⁴Đo Kristò be lɔ̃lɔ̃ a le mi bla, ekè mi le susu ekèa be, ekè àmè ɖèka kè le nyi Kristò, ku ɖo àmèwo keŋu taa, àmèwo keŋu ku.

¹⁵Eye e ku ɖo woawo keŋu ta, àleke be àmè kèwo lè àgbèawo mu gbà nɔ̀ àgbè na woa ɖokoewo ò, vɔ̀a na àmè kè ku, eye be gbà fɔ̃ so èku ɖo woa taa.

¹⁶Ye ŋutia, so fifìa mi mu jèsi àmè ɖe, sɔ zɔ̃ ɖo ŋutilã ji ò. Ne mi jèsi Kristò, sɔ zɔ̃ ɖo ŋutilã ji sãa, fifìa mi mu gbà jèsi Ì nène ò.

¹⁷Ye ŋuti ne àmè ɖe lè Kristò mèa, e nyi ènuɖoɖo yeye. Ènu xoxoawo va yì, kpɔɖa, fifìa, ènuwo keŋu trɔ zũ yeye.

¹⁸Ènu kèawo keŋu so Mawu kè sɔ Kristò jrà mia ku ye ŋutɔ dòmè ɖoa gbɔ, eye be sɔ ɖèkawɔ̀wɔ be sumɔ̃vi-dɔ do àsi na mi.

¹⁹Đo lè Kristò mèa, Mawu jrà ye ɖokoe kudo xixea dòmè ɖo, eye mu hlɛ̃ woabe àgɔ̀wo na wo ò. E sɔ ɖèkawɔ̀wɔ be ènyàa do mia mè.

²⁰Fifìa, mi nyi *àmèdɔ̃dɔ̃wo ɖo Kristò tèpe, sìgbè àlekè Mawu lè pò fiɔ mì, to mia jia nène. Mi le blìbɔ̀ na mì ɖo Kristò tèpe: mì na woa le àvũ lè mìa kudo Mawu dòmè.

²¹Àmè kè mu nya èvuɛ̃ ɖe òa, e wɔ̀ ɛ̀, be nyi èvuɛ̃ ɖo mia tèpe, ne mia trɔ zũ Mawu be jɔ̀jɔɛ nyinyi lè e mè.