Read gen Yosùa 19 Bible Online

Yosùa 19 - gen bible

Yosùa 19

¹Ànyigbã a be àkpa èvègɔ̃a yì na Simeɔ̀n be kɔ̀ta. Yudà be kɔ̀ta be ànyigbã trɔdo woabe crɔ̃-nyigbã kpata.

⁶Bɛt-Lèvàɔt, Càruhɛ̃: wo le nyi èdù woètɔ̃ [29] ku woabe kɔpewo;

⁷Simeɔ̀n be kɔ̀ta gbà xɔ̀ èdù ènè bu ku woabe kɔpe kèwo tɛ ɖo èdù ɖeawo ŋutia. Woawo ye nyi: Ayìn, Rimɔ̀n, Etɛ̀r ku Acàn;

⁸kɔpe kèwo kpata lè èdù kèawo be àgowo ji, kaka yì Bàlat-Bɛr kè wo gbà yɔna be Ramà cã. Ekè a kpata ye nyi àkpa kè wo na Simeɔ̀n be kɔ̀ta be viwo.

⁹Yosùa sɔ àkpa kè be na Simeɔ̀n be kɔ̀ta lè Yudà be kɔ̀ta crɔ̃-nyigbã mè. Ɖo ànyigbã kè Yosùa na Yudà be kɔ̀ta lòlò ŋutɔ; ye ŋuti ye be ɖè àkpa ɖe sɔ na Simeɔ̀n be kɔ̀ta ɖo.

¹⁰ànyigbã a be àkpa ètɔ̃gɔ̃a yì na Zabulɔ̀n be kɔ̀ta. Woabe ànyigbã kèkè lè àpùgo kaka yì Sàrid be èdùa mè.

¹¹So funua lipòa zɔ̃ yì èwèɖoxɔ̀pe lɔ̀ge yì kɔ̀ ɖo Màralà, e yomè a e yì kaka Dàbecɛ̀t ku ètɔ̀ sàsra kè lè Yɔkeàm be èwèzɛ̃pea.

¹²So Sàrid be àgo èvègɔ̃a jia, lipòa tùtà èwèzɛ̃pe, yì lɔ Kislɔ̀t-Tabɔ̀r be ànyigbã, to Dabràt be èdùa gbɔ lɔ̀ge eye e jo yì kaka Yafìa.

¹³E yomè a, lipòa gbà ɖiɖi yì èwèzɛ̃pe lè kaka Gat-Hefɛ̀r ku Ɛt-Kasìn, e to funu yì xa lè Rimɔ̀n tùtà Neà.

¹⁴Lè èvègoa, lipòa trɔ do Hànatɔ̀n, eye e yì kɔ̀ ɖo Yiftà-ɛl be bàlìa mè.

¹⁵Èdù woèvè ku woabe kɔpewo ye lè ànyigbã ji, woa dòmètɔ ɖewo nyi Katàt, Nàhalàl, Cimrɔ̀n, Yìdealà kudo Bɛtlɛhɛ̀m[30].

¹⁶Ekèa kpata ye nyi àkpa kè wo na Zabulɔ̀n be kɔ̀ta be viwo.

¹⁷Ànyigbã a be àkpa ènègɔ̃a yì na Isakàr be kɔ̀taa.

¹⁸Èdù woeàdɛ̃ kèwo lè yebe ànyigbã jiawo nyi: Jìzrɛl, Kèsulɔ̀t, Cunèm,

¹⁹Hàfaraìm, Ciɔ̀n, Anàharàt,

²⁰Ràbit, Kiciɔ̀n, Abɛ̀s,

²¹Remèt, Ɛn-Ganìm, Ɛn-Hadà ku Bɛt-Pasɛ̀s.

²²Lè èvègo lè Tabɔ̀r-toa gbɔa, lipòa yì to Càhasimà ku Bɛt-Cemèk be èdùwo mè, yì kɔ̀ ɖo Yɔrdàn-tɔ̀a to.

²³Ànyigbã kèa kpata ye nyi crɔ̃nu kè wo na Isakàr be kɔ̀taa.

²⁴Ànyigbã a be àkpa àtɔ̃gɔ̃a yì na Àsɛr be kɔ̀taa.

²⁵Lè àpùgoa, lipòa zɔ̃ yì èwèɖoxɔ̀pe to Hɛlkàt, Halì, Betɛ̀n, Aksàf,

²⁶Àlamèlɛk, Amàd ku Misàl. Lipòa zɔ̃ to Sibɔ̀r-Libnàt-tɔ̀a ŋuti yì kɔ̀ ɖo Karmèl-toa gbɔ lè èwèɖoxɔ̀pe.

²⁷Lè èwèzɛ̃pea, lipòa tùtà Bɛt-Dagɔ̀n, yì lɔ Zabulɔ̀n be crɔ̃-nyigbã ku Yiftà-ɛl be bàlìa, eye e trɔ yì èvègo, yì kɔ̀ ɖo Bɛt-Emèk kudo Neyìɛl. E gbà zɔ̃ nènea yì to Kàbul be èmìɔ̃ mè.

²⁸Ebrɔ̀n[31], Rehɔ̀b, Hamɔ̀n ku Kanàn yì kɔ̀ ɖo Sidɔ̀n, èdù gã mè.

²⁹Lipòa xa tùtà Ramà ku Tirò be àgbògbòa gbɔ, e yomè a e trɔ ɖoɖa Hosà, e to Àkzib be àgowo ji kɔ̀ ɖo àpù [32] to,

³⁰Eye e to Umà[33], Àfɛk ku Rehɔ̀b. Èdù kèwo lè ànyigbã jia be hɛ̃hlɛ̃ mè nyi wìvɔèvè kudo woabe kɔpewo.

³¹Ànyigbã kèa kpata ye wo na Àsɛr be kɔ̀taa.

³²Ànyigbã a be àkpa àdɛ̃gɔ̃a yì na Neftalì be kɔ̀taa.

³³Lè èvègo kpa jia, yebe lipòa so Helɛ̀f ku Sànanìm be àtigã gbɔ, eye e yì to Àdamì-Nèkɛ̀b ku Yabnèl, jè Lakùm yì vɔ̀ ɖo Yɔrdàn-tɔ̀ to.

³⁴Àpùgo lipòa jè e gɔ̃mè so Yɔrdàn-tɔ̀a to, zɔ̃ yì Aznɔ̀t lè Tabɔ̀r-toa gbɔ. So funua, lipòa trɔ yì èvègo, zɔ̃ to Zabulɔ̀n be kɔ̀ta be lipò èwèzɛ̃pe tɔ̀a ŋuti, yì kɔ̀ ɖo Hukɔ̀k. Lipòa tùtà èwèɖoxɔ̀pe zɔ̃ to Zabulɔ̀n be àpùgo lipòa kpata ji. Àsɛr be kɔ̀ta be ànyigbã nyi yebe lipò lè èwèɖoxɔ̀pe, eye Yɔrdàn-tɔ̀a nyi yebe èwèzɛ̃pe be lipò.

³⁵Àgbògbò-dùawo nyi: Sidìm, Sɛr, Hamàt, Rakàt, Ki nerɛ̀t,

³⁶Àdamà, Ramà, Hasɔ̀r;

³⁷Kedɛ̀k, Edreì, En-Hasɔ̀r;

³⁸Yirɔ̀n, Migdàl-ɛl, Horɛ̀m, Bɛt-Anàt, Bɛt-Cemèk: èdù woeàsiɖèkɛ ku woabe kɔpewo.

³⁹Ànyigbã kèa kpata ye wo sɔ na Neftalì be kɔ̀taa.

⁴⁰Ànyigbã a be àkpa adrɛ̃gɔ̃ a yì na Dàn be kàtaa.

⁴¹Yebe ànyigbã be èdùwo nyi: Soreà, Ɛketaɔ̀l, Ir-Cimèk,

⁴²Càlabìn, Ayalɔ̀n, Yiltà,

⁴³Elɔ̀n, Tìmnatà, Ekrɔ̀n,

⁴⁴Ɛltekɛ̀, Gìbetɔ̀n, Bàlat,

⁴⁵Yèhud, Benè-Beràk, Gat-Rimɔ̀n,

⁴⁶Yarkɔ̀n [34] be ètɔ̀a, Rakɔ̀n ku ànyigbã kè jè ŋùkɔ̀ Yafà [35] be èdùa.

⁴⁷Vɔ̀, e yomè a woabe kɛ̃tɔwo va xɔ̀ ànyigbã lè woa si. Eye Dàn be kɔ̀taa yì wɔ̀ àhùa ku Làicìtɔwo, wù wo, xɔ̀ Làicì-nyigbãa, ɖo woa tɔgbe Dàn be nyikɔa, na èdùa.

⁴⁸Ekèa ye nyi ànyigbã kè wo xɔ̀ na Dàn be kɔ̀taa.

⁴⁹Wàlɛbɛ kè wo mã ànyigbã a na wo keŋu vɔ̀a, Izràɛl be kɔ̀tawo be xòmègawo na crɔ̃-nyigbã Nun be vi Yosùa.

⁵⁰Sɔ zɔ̃ ɖo Tɔhonɔ̀ be ègbè ɖèɖe jia, wo sɔ Timnàt-Serà be èdù kè be biɔa, sɔ na ɛ̀ lè Efràyim be ètoa ji.

⁵¹Ekèawo ye nyi crɔ̃-nyigbã kèwo ye Hũbonɔ Eleazàr, Nun be èvi Yosùa ku Izràɛl be kɔ̀tawo be xòmègawo mã na Izràɛl be kɔ̀tawo lè Tɔhonɔ̀ be ŋùkɔ̀ lè Silò lè gòxɔ kè mè Tɔhonɔ̀ donagò Izràɛlviwo lèa be ŋùkɔ̀. Nène a ye wo wu crɔ̃-nyigbã be mamã nu.