Read gen 2Timòteo 4 Bible Online

2Timòteo 4 - gen bible

2Timòteo 4

¹Mù le pò nupo na wò lè Mawu ku Kristò Yesù, àmè kè la va ɖo kòjo na àmè àgbè-àgbèwo ku àmè kukuwo lè yebe vava ku èfìɔɖùɖua mèa, be ŋùmè:

²do àŋɛ̀nyuɛ̃ a, nɔ̀ e ji lè hùenu nyuɛ̃, àlo hùenu vuɛ̃ mè; kã ŋùmè na àmè, gbe ènyà na àmè, pòfiɔ àmè lè àdòdò kudo ènufiɔfiɔ keŋu mè.

³Đo, gàmè la va, wàlɛbɛ kè àmèwo mu la gbà ji la ɖo èto ènufiɔfiɔ àdodoe a ò, vɔ̀a, wo la cã ènufiɔtɔwo na woa ɖokoewo, ne woa fiɔ wo ènu kèwo woa ŋutɔwo wo ji be yèwoa sè a.

⁴Wo la ɖè èto jo lè nyàwo a yomè, eye wo la kpàsà èdrũwo do.

⁵Vɔ̀a èwò yaa, nɔ̀ ŋùsà lè ènuwo keŋu mè. Dojì lè àyàɖùɖuwo mè, wɔ̀ àŋɛ̀nyuɛ̃dotɔ be èdɔ, wɔ̀ sumɔ̃vi be èdɔ wòa nyuɛ̃ ɖe.

⁶Le tɔ̀ nyè gomèa, hùenua sù be woa sɔ mù savɔ. Eye àpe jojo lè xixe kèa mèa lili vɔ̀.

⁷Mù pò àvũ nyuɛ̃a; mù wu àzɔ̃lì nyèa nu; mù le xɔ̀sè ɖo àsi.

⁸So fifìa, wo jra jɔ̀jɔɛ nyinyi be jègbàa ɖo ɖɛ na mù, jègbà kè Tɔhonɔ̀, kòjoɖotɔ jɔ̀jɔɛa, la na mù lè kòjoɖoɖo zãa ji, mu nyi na nyè ɖèka kpò ye ò, vɔ̀a na àmè kèwo keŋu lɔ̃ ɛ̀, eye wo le tɔtè kpɔ yebe vavaa.

⁹Jè àgbàgba, ne wòa va gbɔ nyè kaba.

¹⁰Demas gble mù ɖɛ, ɖo lɔ̃lɔ̃ kè be ɖo na egbè be xixe kèa ŋuti, eye e yì Tɛsalonikà. Krɛskè yì Galatìa, Titò yì Dalmatìa.

¹¹Lukà ɖèka kpò ye lè kudo mù. Kplɔ̀ Markò ɖo àsi va, ɖo e nyi àlɔ̀do na mù lè sumɔ̃vi be èdɔa mè.

¹²Mù dɔ̃ Tikikò ɖoɖa Efesò.

¹³Ne wò gbãnà a, sɔ àwùgã kè mù gble ɖo Troa ɖo Karpɔ̀s gbɔa kudo xoma nyèawo va na mù, vɔ̀ vevetɔa àgbàzexoma awo.

¹⁴Àlɛ̀ksãdrò, ègàjɛ̃tùtɔa, wɔ̀ èvuɛ̃ sùgbɔ ɖo ŋuti nyè. Mawu la ɖo e tèpe na ɛ̀, sìgbè àlekè yebe èdɔwo zɔ̃ ɖoa nène.

¹⁵Wò cã a, jè àyè na ɛ̀. Đo, e sitè ɖo miabe ènyàwo ŋuti ŋutɔ.

¹⁶Ekè mù hlùɛ̃ ɖokoe nyè ta, cucugbã, lè kòjoɖopea, àmè ɖekpe mu kpe ɖo ŋuti nyè ò. Woawo keŋu wo gble mù ɖɛ. Mawu mu gbà ɖo e tèpe na wo ò.

¹⁷Đo, Tɔhonɔ̀ yaa, nɔ̀ ŋuti nyè, eye e do mù ŋusɛ̃, àleke be, to ji nyèa, àŋɛ̀ dodoa ne ɖo àmè kèwo mu nyi Yudàviwo ò a keŋu be ètowo mè. Eye wo hlùɛ̃ mù gã lè jãŋùta si.

¹⁸Tɔhonɔ̀ la gbà ɖè mù to lè èdɔ vuɛ̃ siasìa mè, eye e la xɔ̀ mù yì yebe jiŋùkusi fìɔdua mè. Ye tɔ̀ ye nyi gogoa kaka sɔ yì. * Àmèn.

¹⁹Do ègbè na Priskà ku Akilàs kudo Onesiforò be àxuedoa na mù.

²⁰Erastò ci Kòrɛ̃tò. Trofimɔ̀ le le èdɔ̀, eye mù gble è ɖo Miletò.

²¹Jè àgbàgba ne wòa va, gbɔ̀xue àvìvɔ hùenu ne ɖo. Ebulò, Pudɛ̃sìo ku Linɔ̀ kudo Klodìa gbàkudo nɔ̀viwo kpata do ègbè na wò.

²²Tɔhonɔ̀ ne nɔ̀ ku àpo gbɔ̃gbɔ̃. Tɔhonɔ̀ be màje ne nɔ̀ ku mìa kpata.