Read gen 2Yòhanɛ̀s 1 Bible Online

2Yòhanɛ̀s 1 - gen bible

2Yòhanɛ̀s 1

¹Xoma kèa so èhamèmègã gbɔ ɖoɖa àxuenɔ̀, àmè cãcã kudo èviawo, kèwo mù lɔ̃ veve ɖe lè nyàwo mèa. Mu nyi ènyè ɖèka kpò ye lɔ̃ mì ò; vɔ̀ àmè kèwo kpata nya nyàwoawo cã lɔ̃ mì,

²ɖo nyàwo a lè mia mè, eye be la nɔ̀ ku mi kaka sɔ yì.

³Mawu, Àta kudo Yesù Kristò, Àta be Èvi, ne na mi màje, ŋuzĩzĩ kuku kudo ŋuti fàfa, lè nyàwo ku lɔ̃lɔ̃ mè.

⁴Èjì jɔ̀ mù ŋutɔ be mù kpɔ èvi wò ɖewo lè àgbè lè nyàwo a mè, sìgbè àlekè Àta ɖè yebe ègbè na mia nène.

⁵Àxuenɔ̀ ɖève, mù le biɔ wò be, mìa na mia kpata mia lɔ̃ mia nɔ̀nɔwo. Ekèa mu nyi *èse yeye ye mù lè ŋlɔ̀ ɖoɖa wò ò; e nyi èse kè mì xɔ̀ so gɔ̃mèjèje a.

⁶Lɔ̃lɔ̃ kè be ènyà mù le gblɔ̃a ye nyi, be mi ɖo la nɔ̀ àgbè sɔ zɔ̃ ɖo Mawu be èsewo ji, sìgbè àlekè ye mìa kpata mì sè è so gɔ̃mèjèje a nène. Mìa kpata mì ɖo la nɔ̀ àgbè lè lɔ̃lɔ̃ mè.

⁷Àmèblètɔwo sùgbɔ lè xixea mè. Àmè kèawo mu hũnà e mè be Yesù va sìgbè àgbètɔ nène ò. Àmè kè lè wɔ̀ ekèa nyi àmèblètɔ, eye be nyi Kristò be kɛ̃tɔ.

⁸Mì kpɔ mìa ɖokoewo ji nyuɛ̃ ɖe, ne mì mu gbà bu mìabe èdɔwo be èkusɛ̃sɛ̃wo ò, vɔ̀a ne mìa xɔ̀ mìabe fɛ̃tu ɖɔɖɔ.

⁹Àmè kè mu le Kristò be ènufiɔfiɔ ɖo àsi ò, vɔ̀a, dà to e ŋutia, mu ɖo Mawu ò. Vɔ̀ àmè kè le Kristò be ènufiɔfiɔ ɖo àsia, ɖo Àta kudo Èvia.

¹⁰Ne àmè ɖe va mìa gbɔ, eye mu hɛ̃ fìɔfiɔ kèa ɖo àsi òa, mì mu gbà xɔ̀ ɛ̀ ò, eye mì mu gbà do wòezɔ̃ cã na ɛ̀ ò.

¹¹Đo àmè kè do wòezɔ̃ na ɛ̀a, ɖo màma lè èdɔ vuɛ̃ kèwo be le wɔ̀a mè.

¹²Mù ɖo ènu fuu la gblɔ̃ na mì, vɔ̀ mù bù bòhũ be nyè mu la wɔ̀ ɛ̀ ku xoma kudo xomasi ò. Mù lè ŋùɖo mè be nyè ŋutɔ mù la va mìa gbɔ, la pò nupo kudo mì, ne mìabe jìjɔ̀ɛ a ne nyi blibo.

¹³Nɔ̀vi wò nyɔ̃nù, Mawu be àmè cãcãa, be èviwo le do ègbè ɖoɖa wò veve ɖe.