Read gen Àvìmènu 7 Bible Online

Àvìmènu 7 - gen bible

Àvìmènu 7

¹Ekèa yomè a, mù kpɔ Mawu be àtikplɔtɔ ènè, tɔtè lè ànyigbã be koŋù ènèawo ji. Wo tɔtè ànyigbã ji be àyapòpo ènèawo, àleke be àya ɖekpe mu gbà pò lè ànyigbã, àpù, àlo àti ɖekpe ji ò.

²Eye mù gbà kpɔ àtikplɔtɔ bu so èwèzɛ̃pe. Mawu àgbè-àgbèa be ènutrènu lè e si. *Àtikplɔtɔ kèa, do àpa sɛ̃sɛ̃ ɖe ɖoɖa àtikplɔtɔ ènè kèwo, wo na ŋusɛ̃ be woa wɔ̀ èvuɛ̃ ku ànyigbã kudo àpùa, be:

³“Mì mu gbà wɔ̀ èvuɛ̃ ku ànyigbãa, àlo àpù, àlo àtiwo, ne mi mu do jèsìdo ŋùgonu na miabe Mawu be sumɔ̃viwo gbɔ̀xue ò.”

⁴Mù sè àmè nène kèwo wo do jèsìdo ŋùgonu naawo be hɛ̃hlɛ̃mè lè Izràɛl be kɔ̀taawo kpata mè. Wo le nyi àgbètɔ hotu èkà takpo ci woèvè (144000).

⁵So Yudà be kɔ̀ta mèa, wo do jèsìdo àmè hotu àdɛ̃. So Rubɛ̀n be kɔ̀ta mèa, wo do jèsìdo àmè hotu àdɛ̃. So Gad be kɔ̀ta mèa, wo do jèsìdo àmè hotu àdɛ̃.

⁶So Àsɛr be kɔ̀ta mèa, wo do jèsìdo àmè hotu àdɛ̃. So Neftalì be kɔ̀ta mèa, wo do jèsìdo àmè hotu àdɛ̃. So Manasè be kɔ̀ta mèa, wo do jèsìdo àmè hotu àdɛ̃.

⁷So Simeɔ̀n be kɔ̀ta mèa, wo do jèsìdo àmè hotu àdɛ̃. So Levì be kɔ̀ta mèa, wo do jèsìdo àmè hotu àdɛ̃. So Isakàr be kɔ̀ta mèa, wo do jèsìdo àmè hotu àdɛ̃.

⁸So Zabulɔ̀n be kɔ̀ta mèa, wo do jèsìdo àmè hotu àdɛ̃. So Yosɛ̀f be kɔ̀ta mèa, wo do jèsìdo àmè hotu àdɛ̃; so Bɛnyamìn be kɔ̀ta mèa, wo do jèsìdo àmè hotu àdɛ̃.

⁹Ekèa yomè a, mù kpɔ àmèha gã ɖe, kè àmè ɖe mu teŋu hlɛ̃ òa, so dùkɔ̃ sia dùkɔ̃, kɔ̀ta sia kɔ̀ta, èdù sia èdù, ègbè dodo hamèhamèwo mè. Wo nɔ̀tè lè èfìɔzìkpea be ŋùkɔ̀, lè àlɛ̃via be ŋùmè. Wo do àwù ɣewo, eye wo le dèti be àzãwo ɖo àsi.

¹⁰Wo le do àpa sɛ̃sɛ̃ ɖe be: “Hlùɛ̃gãa nyi miabe Mawu kè lè èfìɔzìkpea jia kudo àlɛ̃via tɔ̀!”

¹¹Eye àtikplɔtɔwo keŋu bɔ̀, trɔdo èfìɔzìkpea, eye àmègãwo ku ènu àgbè-àgbè ènèawo sɔ ŋùmè cɔ̃ ànyi lè èfìɔzìkpea be ŋùkɔ̀, eye wo le sɛ̃ Mawu.

¹²Wo le gblɔ̃ be:”* Àmèn! Àkpe! Kafu, gogo, ènunya, àkpedodo, bùbu, ŋusɛ̃ kudo hɔ̃hlɔ̃ ye jè na Mawu kaka sɔ yì! Àmèn!”

¹³Àmègãawo dòmètɔ ɖèka biɔ mù be: “Àmè kɛwo ye nyi àmè kèawo lè àwù ɣe mè ò? Eye fikɛ ye wo so ò?”

¹⁴Mù ɖo e ŋuti be: “Tɔhonɔ̀ nyè, èwò ye nya ɛ̀.” E gblɔ̃ na mù be: “Àmè kèawo ye nyi àmè kèwo to so èfũ gãɖe mè. Eye wo nyà woabe àwùwo, wɔ̀ wo ɣe peŋu-peŋu lè àlɛ̃via be èhũa mè.

¹⁵Eye ŋuti wo lè Mawu be èfìɔzìkpea be ŋùkɔ̀, le sumɔ ɛ̀, èzã ku kedè. Eye àmè kè lè èfìɔzìkpea jia la na wo la nɔ̀ gãgã ɖe lè yebe gòxɔa mè.

¹⁶Àdɔ̀ mu la gbà wù wo ò, eye sìkɔ cã mu la gbà tì wo ò. Eye èwè àlo dɔ̃ŋùkusu mu la gbà ɖù wo ò.

¹⁷Đo Àlɛ̃vi kè lè èfìɔzìkpea be dòdòmèa la nyi woabe kplɔ̀tɔ. E la kplɔ̀ wo yì èsìdo kèwo jina èsì àgbè-àgbèawo to, eye Mawu la tutu àɖàsìwo keŋu lè woabe ŋùmè.”