Read gen Àvìmènu 9 Bible Online

Àvìmènu 9 - gen bible

Àvìmènu 9

¹Fifìa, Mawu be àtikplɔtɔ àtɔ̃gɔ̃a ku yebe èkpɛ̃a. Zè ɖèkaa, mù kpɔ wètrivi ɖe gɛ̃ so èji va jè ànyigbã ji. Wo sɔ àvlìmè be sãfe do àsi na ɛ̀.

²E hũ àvlìmè be èdoa, eye àzìzɔ ɖe tù so èdoa mè sìgbè èkpozo mè be to so nène. Ekèa na be èwè ku àyamè do vìvìti.

³Hùesuviwo to so àzìzɔa mè, kãkã ɖo ànyigbãa ji. Wo na wo àɖi be ŋusɛ̃ sìgbè àkekle tɔ̀ nène.

⁴Wo gbe na wo be, wo mu gbà wɔ̀ èvuɛ̃ ku ègbe àlo àti kèwo ye lè ànyigbã jia dòmètɔ ɖe ò, vɔ̀a woa wɔ̀ ènuveve kudo àmè kèwo Mawu be jèsìdo mu lè ŋùgonu na òawo ɖèɖe kpò.

⁵Wo ɖè èmɔ na hùesuviawo be woa do àyà na wo, wètri àtɔ̃, vɔ̀a, wo mu gbà wù wo ò. Vevesèse kè woabe àmètetea nana a, lè sìgbè àkekle tɔ̀ nène.

⁶Lè wètri àtɔ̃awo mèa, àmèwo la ji èku, vɔ̀a, wo mu la kpɔ ɛ̀ ò. Wo la jro veve ɖe be yèwoa ku, vɔ̀a, èku la si jo lè woa gbɔ.

⁷Hùesuviawo be nɔ̀nɔmè lè sìgbè èsɔ kèwo wo bla àkpà na, na àhùawɔ̀wɔa nène. Ènu ɖe lè èta na wo sìgbè sìka-fìɔkuku nène, eye woabe ŋùmè lè sìgbè àgbètɔ tɔ̀ nène.

⁸Èɖà kè lè èta na woa, lè sìgbè nyɔ̃nù tɔ̀ nène, eye woabe àɖuwo lè sìgbè jãŋùta tɔ̀ nène.

⁹Wo sɔ ènu cɔ̃ àkɔta sìgbè gàkpo be *àkɔtakpoxɔ̀nu nène. Woabe àwàdawo le ɖì sìgbè àhùakèke kèwo èsɔ sùgbɔ pu dù, le dɔ̃ yì àhùaa nène.

¹⁰Woabe àsike kèwo mè ènu te àmè lèa, lè sìgbè àkekle tɔ̀ nène, eye woabe àsikeawo mè ye ŋusɛ̃ lè ne woa sɔ do àyà na àgbètɔwo, wètri àtɔ̃.

¹¹Èfìɔ ɖe lè woa nu, kè nyi àvlìmè be èdoa be àtikplɔtɔ. Wo yɔna ɛ̀ lè Hebrùgbe mè be “Abadɔ̀n”, eye wo yɔna ɛ̀ lè Grikgbe mè be “Apolìɔn”; e gɔ̃mè ye nyi: “Ènugbletɔ.”

¹²Àyà do na àmè cucugbã va yì, e gbà kpɔ̀tɔ̀ àyà do na àmè èvè la jè e yomè.

¹³Mawu be àtikplɔtɔ àdɛ̃gɔ̃ a ku yebe èkpɛ̃a. Zè ɖèkaa, mù sè ègbè ɖe ɖì so èlã be àzò kèwo lè sìka be vɔsakpe kè lè Mawu bè ŋùkɔ̀a mè.

¹⁴Ègbèa le gblɔ̃ na àtikplɔtɔ àdɛ̃gɔ̃ kè le èkpɛ̃ ɖo àsia be: “Đè ègà Mawu be àtikplɔtɔ ènè kèwo wo do ègà ɖo Efratà be ètɔ̀ sàsra gãa toa.”

¹⁵Eye wo ɖè ègà Mawu be àtikplɔtɔ ènèawo. Eye wo sɔ̀gbè na gàpòpoa, ŋùkèkèa, wètria kudo èpèa, ne woa wù àgbètɔwo be mamã ètɔ̃gɔ̃a.

¹⁶Èsɔdotɔwo be àhùakɔ̃a be hɛ̃hlɛ̃mè nyi àmè hotu èkà èwì vɔ àtɔ̃, tèpe èkà èwì vɔ àtɔ̃. Mù sè woabe hɛ̃hlɛ̃mè.

¹⁷Àlekè mù kpɔ èsɔawo ku èsɔdotɔawo lè ènu ɖèfiɔa mèa ye nyi ekè: èsɔdotɔawo do àkɔtacɔ̃nuwo. Èɖewo bìa hɛ̀ɛ sìgbè èzò nène, èbuwo lè èblɔ sìgbè èkpe xɔ̀asì kè wo yɔna be sàfiràa nène, eye èɖewo ɖo èwèmi be sìmè. Èsɔawo be èta ɖì jãŋùtawo tɔ̀ eye èzò, àzìzɔ kudo èwèmi le to lè ènu mè na wo.

¹⁸Eye wo sɔ àyà do na àmè ètɔ̃, kèwo nyi èzò, àzìzɔ kudo èwèmi kèwo to lè èsɔawo be ènu mèawo wù àgbètɔwo be mamã ètɔ̃gɔ̃a.

¹⁹Ŋusɛ̃ kè lè èsɔawo sia, lè woabe ènu kudo àsikewo mè. Đo woabe àsikewo lè sìgbè èdãwo nène, eye ètawo lè woa nu. Eye wo sɔ wo dona àyà na àmè.

²⁰Àmè kèwo kpɔ̀tɔ̀, eye àyà do na àmè kèawo mu crɔ̃ ò a, mu trɔ lè ènu kèwo woa ŋutɔwo sɔ àlɔ̀ sɔ wɔ̀awo be sùmɔ̀-sumɔ yomè ò. Wo mu tɔtè gbɔ̃gbɔ̃ vuɛ̃wo, sìka kudo klòsalò, gàjɛ̃, èkpe kudo àtikpàkpa, kèwo mu teŋu kpɔna ènu, àlo sènà ènu, àlo zɔ̃nà ò a, be sùmɔ̀ sumɔ ò.

²¹Nène a ke ye wo mu ɖɔ̀lì èdɛ̃, ne woa trɔ lè woabe èhlɔ̃dãdã, vòdusɛ̃sɛ̃, gbòlòwɔ̀wɔ kudo èfĩ fìfi yomè ò.