Read પવિત્ર બાઈબલ નહેમ્યા 7 Bible Online

નહેમ્યા 7 - પવિત્ર બાઈબલ bible

નહેમ્યા 7

¹હવે દીવાલ બંધાઇ ચૂકી હતી અને તેના દરવાજાઓ જગ્યા પર ઊભા કરવામાં આવ્યાં હતા અને દ્વારપાળો, ગવૈયાઓ અને લેવીઓની નિમણૂંક કરવામાં આવી.

²ત્યારે યરૂશાલેમનાં વહીવટની જવાબદારી મેં મારા ભાઇ હનાનીને અને કિલ્લાના સેનાપતિ હનાન્યાને સોંપી દીધી; કારણ કે તે ઘણો વિશ્વાસુ હતો તથા બીજા કરતાં દેવથી વિશેષ ડરનારો હતો.

³મેં તેમને કહ્યું, “દિવસ ચઢે ત્યાં સુધી યરૂશાલેમના દરવાજા ખોલવા નહિ, અને જ્યારે હજી પહેરેગીરો ચોકી કરતા હોય ત્યારે તમારે દરવાજા બંધ રાખી અને દરવાજા પર કમાડ વાસી દેવા. યરૂશાલેમના વતની ઓમાંથી તમારે પહેરેગીરો નીમવા. કેટલાક ચોક્કસ જગ્યાએ ચોકીઓ સંભાળે અને બાકીના પોતાના ઘર આગળ ચોકી કરે.”

⁴શહેરનો વિસ્તાર ખૂબ મોટો હતો; પણ વસ્તી ઓછી હતી અને વધારે ઘરો બંધાયાઁ નહોતાઁ.

⁵મારા દેવે મને પ્રેરિત કર્યો કે, ઉમરાવોને, અધિકારીઓને અને લોકોને સાથે બોલાવવા અને તેમને ભેગા કરી તેમની કુટુંબવાર નોંધ કરવી. દેશવટેથી જેઓ સૌથી પહેલા આવ્યાં હતા તેઓની વંશાવળીની યાદી મને મળી, તેમાં મને આ લખાણ જોવા મળ્યું કે,

⁶બાબિલના રાજા નબૂખાદનેસ્સાર દ્વારા જેઓનો દેશનિકાલ કરવામાં આવ્યો હતો. જેઓને બંદીવાન બનાવીને લઇ જવાયાં હતા, તે પ્રાંતના આ લોકો છે. તેઓ યહૂદાના પોતપોતાના નગરોમાં અને યરૂશાલેમમાં પાછા આવ્યા.

⁷એટલે જેઓ ઝરુબ્બાબેલ, યેશૂઆ, નહેમ્યા, અઝાર્યા, રાઆમ્યા, નાહમાની, મોદેર્ખાય, બિલ્શા, મિસ્પરેથ, બિગ્વાય, નહૂમ તથા બાઅનાહની સાથે આવ્યા તેઓ આ બધાં છે: ઇસ્રાએલના લોકોના પુરુષોની સંખ્યા:

⁸પારોશના વંશજો — 2,172

⁹શફાટયાના વંશજો — 372

¹⁰આરાહના વંશજો — 652

¹¹પાહાથ-મોઆબના વંશજો એટલે કે યેશૂઆ તથા યોઆબના વંશજો, — 2,818

¹²એલામના વંશજો — 1,254

¹³ઝાત્તૂના વંશજો — 845

¹⁴ઝાક્કાયના વંશજો — 760

¹⁵બિન્નૂઇના વંશજો — 648

¹⁶બેબાયના વંશજો — 628

¹⁷આઝગાદના વંશજો — 2,322

¹⁸અદોનીકામના વંશજો — 667

¹⁹બિગ્વાયના વંશજો — 2,067

²⁰આદીનના વંશજો — 655

²¹આટેરના વંશજો એટલે હિઝિક્યા — 98

²²હાશુમના વંશજો — 328

²³બેસાયના વંશજો — 324

²⁴હારીફના વંશજો — 112

²⁵ગિબયોનના વંશજો — 95

²⁶બેથલેહેમના તથા નટોફાહના મનુષ્યો — 188

²⁷અનાથોથના મનુષ્યો — 128

²⁸બેથ-આઝમાવેથના મનુષ્યો — 42

²⁹કિર્યાથ-યઆરીમના કફીરાહના તથા બએરોથના મનુષ્યો — 743

³⁰રામાના તથા ગેબાના મનુષ્યો — 621

³¹મિખ્માસના મનુષ્યો — 122

³²બેથેલના તથા આયના મનુષ્યો — 123

³³નબોના બીજા નગરના મનુષ્યો — 52

³⁴એલામના બીજા શહેરના વંશજો — 1,254

³⁵હારીમના વંશજો — 320

³⁶યરીખોના વંશજો — 345

³⁷લોદના વંશજો, હાદીદના વંશજો તથા ઓનોના વંશજો — 721

³⁸સનાઆહના વંશજો — 3,930

³⁹યાજકો: યદાયાના વંશજો,યેશૂઆના કુટુંબના — 973

⁴⁰ઇમ્મેરના વંશજો — 1,052

⁴¹પાશહૂરના વંશજો — 1,247

⁴²હારીમના વંશજો — 1,017

⁴³લેવીઓ: યેશૂઆના અને કાદ્મીએલ અને, હોદૈયાના વંશજોમાંના — 74

⁴⁴ગવૈયાઓ: આસાફના વંશજો — 148

⁴⁵દ્વારપાળો: શાલ્લૂમના વંશજો,આટેર, ટાલ્મોન, આક્કૂબ, હટીટા અને સોબાયના વંશજો — 138

⁴⁶મંદિરના સેવકો: સીહા, હસૂફા અને ટાબ્બાઓથના વંશજો:

⁴⁷કેરોસના વંશજો, સીઆના વંશજો, પાદોનના વંશજો;

⁴⁸લબાનાહના વંશજો, હગાબાના વંશજો, સાલ્માયના વંશજો;

⁴⁹હાનાનના વંશજો, ગિદ્દેલના વંશજો, ગાહારના વંશજો;

⁵⁰રઆયાના વંશજો, રસીનના વંશજો, નકોદાના વંશજો;

⁵¹ગાઝઝામના વંશજો, ઉઝઝાના વંશજો, પાસેઆહના વંશજો;

⁵²બેસાયના વંશજો, મેઉનીમના વંશજો, નફૂશશીમના વંશજો;

⁵³બાકબૂકના વંશજો, હાકૂફાહના વંશજો, હાર્હૂરના વંશજો;

⁵⁴બાસ્લીથના વંશજો, મહિદાના વંશજો, હાર્શાના વંશજો;

⁵⁵કાકોર્સના વંશજો, સીસરાના વંશજો, તેમાહના વંશજો;

⁵⁶નસીઆહના વંશજો અને હટીફાના વંશજો.

⁵⁷સુલેમાનના સેવકોના વંશજો: સોટાયના વંશજો, સોફેરેથના વંશજો, પરીદાના વંશજો,

⁵⁸યાઅલાના વંશજો; દાકોર્નના વંશજો; ગિદૃેલના વંશજોે;

⁵⁹શફાટયાના વંશજો; હાટ્ટીલના વંશજો, પોખેરેથ-હાસ્સબાઇમના વંશજો અને આમોનના વંશજો;

⁶⁰મંદિરના બધાં સેવકોની તથા સુલેમાનના સેવકોના વંશજો સર્વ મળીને — 392 હતા.

⁶¹કેટલાક લોકો તેલમેલાહ, તેલ-હાર્શા, કરૂબ, આદૃોન, તથા ઇમ્મેરમાંથી આવ્યા, પરંતુ તેઓ તેમના કુટુંબના પિતૃઓને કે તેમની વંશાવળીને સાબિત કરી શક્યા નહોતા કે તેઓ ઇસ્રાએલના છે.

⁶²તેઓ દલાયાના વંશજો, ટોબિયાના વંશજો તથા નકોદાના વંશજો — 642 હતા.

⁶³યાજકોમાંના: હબાયાના વંશજો, હાકકોસના વંશજો અને બાઝિર્લ્લાયના વંશજોએ ગિલયાદી બાઝિર્લ્લાયની પુત્રીઓમાંથી એકની સાથે પરણ્યો હતો, માટે તેઓના નામ પરથી તેનું નામ એ પડ્યું.

⁶⁴તેઓ તેઓના પરિવારના પૂર્વજોને સાબિત કરી ન શક્યા તેથી તેઓને યાજક તરીકે કાર્ય કરવા દેવામાં આવ્યુ નહિ કારણ તેઓ અયોગ્ય ગણાતા હતા.

⁶⁵પ્રશાસકે તેઓને કહ્યું કે જ્યાં સુધી, ઉરીમ અને તુમ્મીમ ધારણ કરનાર એક યાજક ઊભો થાય નહિ ત્યાં સુધી તેઓએ પરમ પવિત્ર વસ્તુઓમાંથી ખાવું નહિ.

⁶⁶આખા સમૂહની કુલ સંખ્યા 42,360 હતી.

⁶⁷જેમા સેવક અને સેવિકાઓની ગણત્રી કરી નહોતી જેઓ 7,337 હતાં અને 245 ગાયક અને ગાયીકાઓ હતા.

⁶⁸તેઓ પાસે 736 ઘોડા અને 245 ખચ્ચર હતાં.

⁶⁹તેઓ પાસે 435 ઊંટ અને 6,720 ગધેડાં હતાં.

⁷⁰પૂર્વજોના કુટુંબોમાંના મુખ્ય આગેવાનોમાંથી કેટલાકે આ કામ માટે ભેટ આપી હતી. પ્રશાસકે 8-1/2 કિલો[૨] સોનું, પચાસ પાત્રો અને 530 યાજકવસ્ત્રો ભંડારમાં આપ્યાં હતા.

⁷¹અન્ય પિતૃઓનાં કુટુંબોના આગેવાનોમાંથી કેટલાકે 170 કિલો[૩] સોનું તથા 2,200 માનેહ[૪] ચાંદી આ કામ માટે ભંડારમાં આપ્યાં.

⁷²બાકીના લોકોએ જે આપ્યું તે 170 કિલો સોનું, 2,000 માનેહ[૫] રૂપું તથા 6 યાજકવસ્ત્ર હતાં.

⁷³હવે યાજકો, લેવીઓ, દ્વારપાળો, ગવૈયાઓ, થોડાં લોકો, મંદિરના સેવકો, તથા સર્વ ઇસ્રાએલીઓ તેમનાં પોતપોતાનાં નગરોમાં વસ્યા.