Read પવિત્ર બાઈબલ યહોશુઆ 12 Bible Online

યહોશુઆ 12 - પવિત્ર બાઈબલ bible

યહોશુઆ 12

¹ઇસ્રાએલીઓએ યર્દન નદીના પૂર્વકાંઠાનો સમગ્ર પ્રદેશ-અર્નોનની ખીણથી હેર્મોન પર્વત સુધીનો પ્રદેશ, અરાબાહની સમગ્ર પૂર્વીય બાજુ સાથે કબજે કરી લીધો. ઇસ્રાએલીઓએ પરાસ્ત કરેલા રાજાઓનાં નામ આ મુજબ છે:

²હેશ્બોનવાસી અમોરીઓના રાજા સીહોન પાસે આર્નોનની ધારે આવેલા અરોએર અને ખીણનો મધ્યવર્તી પ્રદેશ, અને અર્ધા ગિલયાદ થી છેક આમ્મોનની સરહદ યાબ્બોક નદી સુધીનો પ્રદેશ હતો.

³તે પૂર્વીય યર્દનની ખીણ પર ગાલીલના સરોવરથી મૃતસરોવર સુધી, બેથ-યશીમોથ સુધીના અને દક્ષિણ તરફ પિસ્ગાહ પર્વતના ઢોળાવ પ્રદેશ સુધી રાજ્ય કરતો હતો.

⁴બાશાનનો રાજા ઓગ, જે રફાઈઓમાંનો છેલ્લો હતો તે આશ્તારોથ અને એડ્રેઈમાં રહેતો હતો;

⁵તે હેર્મોન પર્વત, સાલખાહ અને છેક ગશૂરીઓ તથા માંઅખાથીઓની સરહદ સુધીના આખા બાશાન પ્રાંત ઉપર તથા છેક હેશ્બોનના રાજા સીહોનની સરહદ સુધી અડધા ગિલયાદ પ્રાંત ઉપર રાજ કરતો હતો.

⁶યહોવાના સેવક મૂસાએ રાજાઓને ઇસ્રાએલીઓની મદદથી હરાવ્યા, અને તેમની ભૂમિ પ્રદેશ રૂબેન, ગાદના કુળસમૂહો અને મનાશ્શાના અડધા કુળસમૂહને મૂસા દ્વારા આપવામાં આવી હતી.

⁷યહોશુઆ અને ઇસ્રાએલીઓએ યર્દન નદીની પશ્ચિમે લબાનોની ખીણમાં આવેલ બઆલ-ગાદથી સેઈર નજીક આવેલા હાલાક પર્વત સુધીના બધા રાજાઓને હરાવ્યા અને આ ભૂમિને કુળસમૂહો વચ્ચે તેમના ભાગ પ્રમાંણે વહેંચી આપી. પ્રત્યેક કુળસમૂહને પોતાનો ભાગ વહેંચી આપ્યો.

⁸આ વિસ્તારમાં યર્દનની ખીણમાં, પૂર્વીય ઢોળાવોમાં, પર્વતીય પ્રદેશોમાં, પશ્ચિમી ટેકરીઓમાં, અરણ્ય પ્રદેશમાં, નેગેબમાં. આ ભૂમિમાં હિત્તીઓ, અમોરીઓ, કનાનીઓ, પરિઝઝીઓ, હિવ્વીઓ તથા યબૂસીઓ રહેતા હતા.

⁹યરીખોનો રાજા બેથેલની પાસેના આયનો રાજા

¹⁰યરૂશાલેમનો રાજા હેબ્રોનનો રાજા

¹¹યાર્મૂથનો રાજા લાખીશનો રાજા

¹²એગ્લોનનો રાજા ગેઝેરનો રાજા

¹³દબીરનો રાજા ગેદેરનો રાજા

¹⁴હોર્માંહનો રાજા અરાદનો રાજા

¹⁵લિબ્નાહનો રાજા અદુલ્લામનો રાજા

¹⁶માંક્કેદાહનો રાજા બેથેલનો રાજા

¹⁷તાપ્પુઆહનો રાજા હેફેરનો રાજા

¹⁸એફેકનો રાજા લાશ્શારોનનો રાજા

¹⁹માંદોનનો રાજા હાસોરનો રાજા

²⁰શિમ્રોન-મરોનનો રાજા આખ્શાફનો રાજા

²¹તાઅનાખનો રાજા મગિદ્દોનો રાજા

²²કેદેશનો રાજા કાર્મેલમાંના યોકનઆમનો રાજા

²³દોરના પર્વત ઉપરનો દોરનો રાજા ગિલ્ગાલમાંના ગોઈમનો રાજા

²⁴તિર્સાહનો રાજા આ સર્વ રાજાઓ મળીને કુલ 31 હતા.