Read Te B'aib'ara Karikani B'aai 20 Bible Online

Karikani B'aai 20 - Te B'aib'ara bible

Karikani B'aai 20

¹Ao e m'ananga Aberaam mai Mamre nako m'akoron Kanaan are mai maiaki, ao e maeka i marenan Kateti ma Tiura. Ngke e a boni maan teutana ni maeka i Kera,

²ao e taku teuare Aberaam b'a m'anena buuna are Nei Taara, ma ngaia are, e tuatua te uea are Abimereka b'a e na kawaekoaaki Nei Taara nako ina.

³Ao n te tairiki teuana, ao e kaoti te Atua nako ina n te mii ao E taku, “Ko nangi mate b'a ko a tia n anaa te aine ae iai buuna.”

⁴Ma e bon tuai ni kawara neierei Abimereka, ao e taku, “Te Uea, Ko nang tiringai ma au aomata, ao bon akea te b'ai ae I a tia ni bure iai?

⁵E bon taku Aberaam b'a m'anena, ao e bon taku naba neiei. Ao I karaoa aei ma nanou ae itiaki, ao bon akea te b'ai ae I a tia ni karaoia.”

⁶Ao E kaeka te Atua n te mii, “Eng, I ataia b'a ko karaoa anne ma te nano ae itiaki, ao bon anne bukina are I tuukiko iai b'a ko na aki nako iu, ao ko na aki riingnga naba Nei Taara.

⁷Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

⁸Ao e weteia kaain ana bareti te uea ngke e a tib'a ingabong n te bong are i mwiina, ao e tuangiia te b'ai are riki, ao a bane ni maaku.

⁹Ao e wetea Aberaam Abimereka, ao e titirakinna ni kaangai, “Tera ngkai ae ko a tia ni karaoia nako ira? Tera au kaairua ae I a tia ni karaoia nako im, ngkai ko karokoa iai te kangaanga aei nako iu ma au tautaeka? Bon akea ae e a tia ni karaoa anne nako iu.

¹⁰E aera ngkai ko a karaoia ngkai?”

¹¹Ao e kaeka Aberaam, “I taku ngai b'a akea ae karinea te Atua ikai, ao I maaku iai b'a kam rawa n tiringai, ao kam anaa buu.

¹²Bon m'aneu ngaia, b'a bon natin tamau, ma e kaokoro tinau ma ngaia, ao I a tia ni mare ma ngaia.

¹³Ma ngaia are, ngke E kanakoai te Atua man ana auti tamau nakon te aba ae I iruwa iai, ao I taku nakon neiei, ‘Ko na kaota am kakaonimaki nako iu n tuangiia aomata nako b'a m'aneu ngkoe.’ ”

¹⁴Ma ngaia are, e a kaoka Nei Taara Abimereka nakon Aberaam, ao e anganna naba n te tai arei ana tiibu, ao ana kao, ao ana taani m'akuri.

¹⁵Ao e taku nakon Aberaam, “Aio abau ni kabane, ko na maeka iai n aron ane ko bon taku.”

¹⁶Ao e taku nakon Nei Taara, “I angani m'anem tengaa te m'akoro n tirewa b'a te b'ai ni kakoaua nako ia aika raom n te tai aei b'a bon akea am bure; a na bane n ataia aomata b'a ko tuai bure.”

¹⁷Ao te UEA, E karaoia ainen ana bareti te uea b'a a na aki kakariki i bukin te b'ai are e riki nakon Nei Taara are buun Aberaam.

¹⁸Ao e tataro Aberaam i bukin Abimereka, ao E kamaiua Abimereka te Atua. E kamaiua naba buuna ma ana toro aine, b'a a na manga kona ni kariki.